أمس و أنا رايح انتخابات جمعيتنا الموقرة .. شفت منظر بالنسبة لي اعتيادي .. واحد مسوي عزيمة في بيتهم جدام جامعة الشرق الأوسط الأمريكية و طايحله رمي من رشاش - لهو بريئ - و الطلقات مثل الجمر في الهوا و صوب منطقة سكنية .. قعدت أحسب الارتفاع في بالي و شلون أثر ارتدادها و توقعاتي وين تطيح الطلقات .. الله يستر على أهل ذيج المنطقة !
اتصلت على الحبايب 777 و رد علي بو الشباب و قلت له وين مكان الرمي و اللي صار .. حولني على واحد ثاني و كلمني و قلت له اللي صار .. و سألني جم رقم موبايلي و عطيته و قال لي مشكور و بس !
العادة إذا بلغت عن شغلة، ما يهدونك .. اتصالات ورا بعض إلين ما يوصلون .. لكن الحبيب الظاهر أخذ البلاغ و راح نام !
---------------------------------
وصلت المدرسة المقام فيها الانتخابات وتدرون شلون اللوية و الزحمة .. صار لجة و صراخ و شوي و يتهاوشون .. عقب ما صوت و طلعت، اتصل علي أخوي يقول ألغوا الانتخابات لأن صار تزوير من القائمة اللي ماسكة الجمعية حاليا !
الخبر
-------------------------------------
في بالي قائمة طويلة من الكتب بشتريها من معرض الكتاب .. بس مو لاقي وقت أروح و المشكلة اني لاحظت ان بعض المدونين ماشاء الله عليهم راحوا على فترات .. منهم يومين وثلاث و هم مو مكفيهم .. فهل يا ترى تكفيني زرقة بو ساعتين !!؟
في أحد يدري عن أوقات الدوام هناك يفيدنا ؟
اتصلت على الحبايب 777 و رد علي بو الشباب و قلت له وين مكان الرمي و اللي صار .. حولني على واحد ثاني و كلمني و قلت له اللي صار .. و سألني جم رقم موبايلي و عطيته و قال لي مشكور و بس !
العادة إذا بلغت عن شغلة، ما يهدونك .. اتصالات ورا بعض إلين ما يوصلون .. لكن الحبيب الظاهر أخذ البلاغ و راح نام !
---------------------------------
وصلت المدرسة المقام فيها الانتخابات وتدرون شلون اللوية و الزحمة .. صار لجة و صراخ و شوي و يتهاوشون .. عقب ما صوت و طلعت، اتصل علي أخوي يقول ألغوا الانتخابات لأن صار تزوير من القائمة اللي ماسكة الجمعية حاليا !
الخبر
-------------------------------------
في بالي قائمة طويلة من الكتب بشتريها من معرض الكتاب .. بس مو لاقي وقت أروح و المشكلة اني لاحظت ان بعض المدونين ماشاء الله عليهم راحوا على فترات .. منهم يومين وثلاث و هم مو مكفيهم .. فهل يا ترى تكفيني زرقة بو ساعتين !!؟
في أحد يدري عن أوقات الدوام هناك يفيدنا ؟
