كنت مشارك في ورشة تصوير أطفال يوم الثلاثاء 3 يوليو أقامها مركز التصوير الفوتوغرافي في النادي العلمي .. حقيقة اللي خلاني أشارك في هذي الورشة ان مجال تصوير الأطفال في الاستيديو جديد بالنسبة لي ولم أطرق بابه بعد .. فقلت آخذ هذي الورشة و تكون بداية الانطلاقة ..
محاضر الورشة رئيس المركز الأستاذ محمد العطار شرح لنا مشكورا و بين الأفكار و النصائح و التعليمات اللازمة لتصوير الأطفال في الاستيديو و تمرنا على التصوير باستخدام إضاءة الاستديو ..
ذكرت هنا بعض النصائح التي استفدت منها لتصوير الأطفال داخل الاستديو (للمصورين فقط) :
يكون الوضع المستخدم في الكاميرا على المانيوال أثناء التصوير تحت أضواء الاستيديو يجب أن تجرب عدة صور لتحصل على فتحة العدسة المطلوبة و سرعة الغالق المطلوب أيضا.
أعط الطفل كامل حريته وهو جالس على الكرسي .. خله يبدع في الحركات .. و إذا عندك ألعاب أو حلاو أو أي شي ممكن يلهي الطفل يكون أفضل و هو مطلوب على فكرة .. لأن الياهل يمل.
لازم الياهل تكون نفسيته عال العال .. في حالة الرضع مثلا .. أمه لازم تكون مشبعته و مغيرة له حديثا .. يعني يحضر الاستيديو وهو مرتاح .. و لازم تييب له أكل في حالة جوعه .. و لازم تاخذ بريك إذا بدأ يبجي .. يمكن خايف من أضواء الفلاش أو بردان ..
المهم عقب فترة يطخ شوية و يردونه تحت الأضواء ..
بالنسبة للأطفال اللي أكبر الوضع معهام أكثر سهولة .. لكن حاول أن تأخذ أكبر قدر ممكن من الصور أول ما يدش الاستيديو لأن نفسية الياهل المرحة تقل مع الوقت إلين يتململ و ما يعطيك استجابة أو وضعيات حلوة للتصوير !! مثل ما حصل معانا في نهاية الورشة تقريبا .. صاروا اليهال دعل !!
المهم .. اليوم موضوعي عن تصوير الأطفال فقط .. و راح أعرض عليكم بعض صور الأطفال اللي صورتها .. بس مو بالاستديو .. هذا تصوير باستخدام إضاءة طبيعية و هي الشمس ..
اضغط على الصورة للتكبير
هذي بعض النماذج .. أرجو أن تحوز على إعجابكم :)
53 comments:
الصور رائعة..
احسن واحد اللي السعابيل تسيل من حلجه(حلجه مقظوظ).. :) تحياتي خالد
Salman Almulla
هلا السلم .. شسالفة يباااااااا
لا الولد مو مقظوظ حلجه ..
:P
حياك الله
توني قاعده اشوف البوست واستانست اني راح اكون اول تعليق .. فا رديت اطلع الصور مره ثانيه ولا فجاه اشوف احد معلق قبلي
:s
ياله ما عليه مره ثانيه
الصور حدهم عجبين .. والتصور احلي .. مشاءالله عليك شلون صدت الصوره رقم6 .. مشاءالله عليك فنان :P
San3a w laken
من سبق لبق
:P
شكرا شكرا شكرا .. من ذوقج أختي دلال :)
ماشاءالله تصويرك روعه شوية علييه
وايد عجبوني الصور الاولى
ما تييه تصور عيالي :)
الله يوفقك
akher 9oorah 3ajeebah.. el yahel 7ada cute o 3ala 6abee3tah.. o awal wa7dah 7elwa ba3ad.. o rabe3 wa7dah.. o khames wa7dah.. kilhomn 7elweeeeen..;D
y36eek el 3afyah
اكثر صورتين عجبوني الثالثة والاخيرة
الصراحة فنان يا بوليد يعطيك العافية
:)
صحيح انه في بعض الصور شايفتهم من قبل ..
لكن براءة الاطفال و ضحكتهم الي ترد الروح تخليني ما ودي اغير الصفحة ..
ما شاء الله ربي يحفظهم ..
و اذا في بعض النقاط المفيدة الي ممكن تذكرها من الدورة تفيدنا فيها..
و الله يعطيك العافية ..
لك بصمة مميزة في تصوير الاطفال =)
ماشالله عليك
الصورة الأخيرة عجيبة ووايد عفوية
الله يعطيك العافية وموفق انشالله
بنت الكويت
من ذوقج أختي الله يسلمج :)
ما طلبتي شي .. نصورهم لج :)
و عسى الله يوفق الجميع
ni3na3ah
أخير صورة وايد عفوية .. و من الصور اللي أعتز فيها ..
شكرا على الإطراء .. ذوقج راقي :)
الله يعافيج :)
mishari
شهادة أعتز فيها يا مشاري .. عزيز و غالي
الله يعافيك :)
Qiyadiya
هذا أحد أهداف الموضوع .. رؤية الأطفال و ابتسامتهم و عفويتهم ترد الروح :)
آمين :)
للمصورين فقط :
يكون الوضع المستخدم في الكاميرا على المانيوال أثناء التصوير تحت أضواء الاستيديو
يجب أن تجربي عدة صور لتحصلي على فتحة العدسة المطلوبة و سرعة الغالق المطلوب أيضا
أعط الطفل كامل حريته وهو جالس على الكرسي .. خليه يبدع في الحركات .. و إذا عندج ألعاب أو حلاو أو أي شي ممكن يلهي الطفل يكون أفضل و هو مطلوب على فكرة .. لأن الياهل يمل
لازم الياهل تكون نفسيته عال العال .. في حالة الرضع مثلا .. أمه لازم تكون مشبعته و مغيرة له حديثا .. يعني يحضر الاستيديو وهو مرتاح .. و لازم تييب له أكل في حالة جوعه .. و لازم تاخذ بريك إذا بدأ يبجي .. يمكن خايف من أضواء الفلاش أو بردان ..
المهم عقب فترة يطخ شوية و يردونه تحت الأضواء ..
بالنسبة للأطفال اللي أكبر الوضع معهام أكثر سهولة .. لكن حاول أن تأخذ أكبر قدر ممكن من الصور أول ما يدش الاستيديو لأن نفسية الياهل المرحة تقل مع الوقت إلين يتململ و ما يعطيج استجابة أو وضعيات حلوة للتصوير !! مثل ما حصل معانا في نهاية الورشة تقريبا .. صاروا اليهال دعل !!
هذا اللي أقدر أفيدج فيه أختي الكريمة :)
شكرا على الإطراء :)
q8mini
نعم نعم .. أشهد انها عفوية :)
الله يعافيك :)
خوش تصوير يا بووليد ...
الصراحة كل ما ادش مدونتك ودي اروح اشتري كامرة واقعد اجكجك مني ومناك ..
يعني احب التصوير بس لي الحين ما عندي وقت اتفرغ له ..
قريب ان شاء الله :) ..
تحياتي واشواقي
او مالي اراك ... ;)
اخوك بوجسووم
bojsoom
إبدأ تصوير و حياك معنا في النادي العلمي :)
يبيلها تفرغ لبعض الوقت هالهواية :)
مالي أراك هههه .. شخباري :)
حياك الله :)
صبحك الله بالخير :)ا
اول وثالث وآخر صورة وايد معبره اصورهم بالنسبة لي .. سلمت عيناك وسلمت العدسة :) على فكرة ولدي عنده اهتمام بالتصوير عندك فكره اذا في بالكويت احد يعلمه اساسيات التصوير لأنه ذبحني واهو امعلق الكاميرا جنه سائح :) وكل مناسبات مدرستهم اهو اسم الله عليه امصورها بس ودي يصير أحسن فياليت اتفيدني اذا ممكن
حافظك الله
الأطفال روعة
وإلتقاطاتك لهم بعفويتهم هذي فنانة
تشكر
بالحاشية :
تذكر موضوع الهندي
والهنود اللي صورت وياهم
قلت بكتب موضوع
أخيرا نزلته
اول شي يعطيك العافيه ياخالد على الموضوع الي كتبته وعلى الصور الطيبه هذي
تصوير الاطفال وما ادراك ماتصوير الاطفال
انا ناويه ألف كتاب عن تصوير اليهال
والمعاناه الي اخذها .. : P
فعلا تصوير اليهال يحتاج صير
وتحتاج الي طوله بال
وتحتاج الي قدره للوصول الي قلب الطفل
بالدرجه الاولى
وراح اقولكم قريبا عن مفاجاه احضرها
بتصوير الاطفال : )))
بوست حلو.. وشكراً على النقاط المذكوره
مجموعة الصور كلها حلوه .. والاولى خياليه مشالله
qesat 5ayal
العفو أختي الكريمة .. شكرا للإطراء ..
و الموضوع أذكره زين ..
سأزور المدونة إن شاء الله :)
Heba
الله يعافيج هبة :)
انتي مثال كبير يحتذى فيه بتصوير الأطفال ..
لن أتطرق لتصويرك للأطفال .. فأعمالك تشهد على صحة قولي ..
انت فنانة ما شاء الله و متمرسة .. أنا ما دخلت مجال تصوير الاستديو للحين .. و ما فكرت بجدية فيه ..
أطالبج من هذه المدونة بشرح خفيف لطيف عن خبرتج في تصوير الأطفال و التصوير في الاستديو عموما :)
حياج الله أستاذة هبة .. عزيزة و غالية :)
Nescafe
عفوا أختي مدمنة القهوة :)
om-bukhnag-zare
صبحج الله بالنور أم بخنق
خلي ولدج يتصل على النادي العلمي
5396561
و هذي الدورة
------------------------------
ماهي الصورة الصحيحه؟
ماهي أفضل الكاميرات؟
كيف يتم اختيار الكاميريات؟
التصوير الليلي و بدون استخدام الفلاش؟
كل ذلك في دورة التصويرالفوتوغرافي المستوى الأول
يوم الثلاثاء 10/7/2007
--------------------
النادي العلمي الكويتي
إدارة التصوير الفوتوغرافي
حياج الله :)
اخوي خالد يزاك الله خير ما قصرت لا خلا ولا عدم :)ا
شوف يا بووليد . أنا يمكن مالي بالتصوير .. بس صورة بوسعابيل ما صورها إلا محترف كبيييير !!
om-bukhnag-zare
ما سوينا شي :)
حياج الله :)
الحارث بن همام
تسلم يا بعد جبدي :)
اول شي مشكوور ياخالد على كلامك
شهاده من فنان واعتز فيها والله
وتو الناس على كلمه استاذه :)
انا منكم اتعلم والله : ))
نرجع لتصوير الاطفال:
من خلال خبرتي القليله بالنوع هذا من التصوير والي اعتبره مجالي الاساسي بالتصوير
احب اكد على كل النقاط الي ذكرتها انت
فعلا هذي من اهم النقاط الي لازم ناخذها بعين الاعتبار
ولااازم الياهل تدلعه ودير بالك تبين له العين الحمره او انك مضايق لانه مود الطفل راح يتغير 180 درجه عاد اهني توهق عدل :P
عشان تخلي الياهل يعطيك البوزات المطلوبه يا انك تشتريله لعبه وتقول سولي واعطيك هديه وتلقى الياهل يبدع بالحركات ونفسيه عال العال او قوله انا اوديك ونتشري لعبه وتلقى الياهل يبدع :P
وانا شخصيا اتبع الطريقه هذي ونس فلوسي طايره على الالعاب :P
وحط بالك شي مهم
((عشان تحصل على شي لازم تعطي شي))
عشان يعطيك الطفل الصوره الي انت تبيها لازم تعطيه شي اهو يبيه لعبه حلاو برد كاكا
وشغله ثانيه
قول للياهل مثلا الله حركتك هذا حلوة منو علمك اياها تلقى يعطيك حركه 2 احلى واحلى
خله يلعب وانت صوره خله يسولف
ولاتقوله 123 لانه راح تكون ضحكته صناعيه وموحلوة فأنسى سالفه 123
اذا قالك مليت وقف خلاص لانه ماراح تطلع الصور حلوة وفوق هذا احتمال يقول مره 2 مابي اصور لو تيب له محل العاب يقول مابي :P
والله المجال هذا يحتاج كتاب عن تصوير اليهال :PP
بس عشانك ياخالد ذكرت اهم النقاط : )) والله يوفق الجميع
حقاً صور جميلة
انت موهوب فعلاً
استمر يا اخي
ماشاء الله عليك فنان
ياليتني امتلك هذه الموهبه الرائعه
اللهم لاحسد
بس ترى صورة الياهل بو سعبوله عجيبه
حلوه لحظه انهمال السعبوله
Heba
الله يعز شانج يا هبة ما قصرتي والله أفدتيني بهالمعلومات .. الله يعطيج العافية ..
والله فوق ماهو تعب تصوير اليهال .. هم لازم نقط عليهم و نشتريلهم ألعاب !!؟
كفاية مخاسير المعدات بس !!
فعلا . يبيله صبر تصوير اليهال .. الله يعطيج العافية ..
مشاركة قيمة :)
صاحب البوابة
أشكرك يا أخوي .. الله يعطيك العافية
barrak
كلن مبدع في مجاله ..
ما عليك زود يا أخوي ..
أصبلك من سعابيله؟
:P
حياك الله
masa2 el ward awal shay i want to thank you for sharing these photos and for the good info ,,
mashallah 3leek rw3a el t9weer wayed 7ilo :)
y36eek el 3afya o menha lel'a3la enshallah.
Nice and great SHOTS :D ,,
Mashllah ..
Keep ur work up ;) ..
wish u the best and success :)
outofreach
مساء النوير هلا و غلا ..
عند الله سعة أختي .. ليش جذي ملزقة أحرف النك نيم !!؟؟
:P
لا داعي للشكر .. هذي مثل هدية لقراء المدونة .. لازم نغير ..
و من ذوقج أختي .. مشكورة على الإطراء
الله يعافيج .. حياج الله :)
breeze
أولا .. نورتي المدونة بعد غيبة أشهر !!
و مشكورة على الإطراء ..
أتمنالج التوفيج .. و حياج الله .. لا تقطعين :)
They all have the same eyes!
Nice photos :)
True Faith
Thanks .. :)
الصورة ناقصه صور عيالي المزاييين
يعقدووون يا خالد الصور
lovely
they are really lovely !
mashallah 3aleeek
Reema
تو ما نور البلوق :)
الحمدلله على السلامة ..
والله من ذوقج يا ريما :)
يالله الفال لعيالج نشوف صورهم :)
روعة الصور
ما شاء الله عليك
الاطفال وايد طبيعيين وزوقة
The picture of the kid with the green shirt is my favorite. The rest are all good, but that one gets my vote. Maybe for the colors!!
أول شي الله يعطيك العافيه عالصور الحلوه وتسلم ايدك وعدستك = )
الصور كلها جميله جدا وخصوصا ً
الصوره رقم سبعه بددوري
ربي يحفظهم كلهم انشالله
ننتظر يديدك ...
وشكرا
والله ياخالد خوش موضوع :)
صراحه أنا غرامي تصوير اليهال والله :)
لأني أحب اليهال بدرجه رهيبه :)
وفعلا أصعب تصوير أهوا تصوير الأطفال لأنه يحتاج صبر كبيـــــر ... ولازم تطول بالك معاهم وتجاريهم بكل شي ..
عشان تحصل أفضل نتيجه بتصوير الأطفال .. لازم تدهن سيرهم وتجاملهم وتضحك معاهم وتخليهم مرتاحين وتتغشمر معاهم .. وأقرب طريج لقلبهم أهوا الكاكاو والأيس كريم ;p
صراحه انا أحب اليهال وعندي طولة بال لهم :)
بس مرات ودي أنتحر لمن أصور اليهال لوووول أتعب وايد والله ;(
ويعطيك ألف عافيه يا خالد خوش موضوع :)
شلون خليت الولد يسعبل؟
حاط له ككاو؟
صور جميله واتقنت بالتصوير
بس مرات اليهال الصغار يملون فعلى المصور انه يكون سريع في بعض الاحيان حتى لايمل الطفل
الله يديم عليك هالابداع والتفنن بالتصوير
ماشاءالله مبدع استمر
ما شاء الله
صور الشباب معبرة
:)
ودي آخذ دورة بالتصوير
هالأيام هاب بهالهواية
بس أكيد ماراح أكون منافس لك
:)
تصوير ليلي ونهاري بفلاش ومن غير فلاش
هذا غير الزوايا وما أدري شنو
وبس خلاص
أقولك شي
أنا مو مال تصوير
وأخلي التصوير لأهله وايد أحسن
:)
ودمتَ بحب وود
mamloo7a Q8ia
الله يسلمج من ذوقج طال عمرج :)
Hitman1
يا انت يا بتاع الأغضر .. حبيب الشعب الأغضر ..
شكلك عرباوي
:P
ذوقك راقي أخوي :)
u_sf
الله يعافيك هلا بو بدر ..
و الله يسلمك :)
ما يبيله .. بدير هو الحلو ..
يقولك الشاذي بعيون أمه غزال
:P
لا أتغشمر .. والله هو أحلى واحد
حياك الله
حلويييييين
شخصيا الالوان خلتني استشعر
حزن
!!
الا صورة الصبي مع السلة هذي شرحة
توحي بالانطلاق و الطفولة
يعني .. انت مبدع و تقدر تبتكر روح طفوولية باللقطة و الوااانها
حتى لو كانت استيديو او بالطريقة اللي خذيت فيها الصوور المعروووضة
:)
و سلامتك ترى انا ما افهم شي بالتصوير بس مجرد رأي
a7la eng
حلت أيامج :)
شكرا شكرا .. أحرجتم تواضعنا
:P
الله سلمج .. رايج يهمني .. و كل المعلقين ..
حياج الله مهندستنا :)
q8links
لوووووووول .. أضحك الله سنك .. منين ككاو في هاللحظة !!
كانت بكل عفوية ..
حياك الله
Shaima'a Alkandari
مشكوورة أختي شيماء ..
و التململ من الأطفال وارد جدا .. لذلك أحرص على السرعة في التقاط الصور .. و إذا استمر الياهل يعطيني حركات أكمل عليه إلين تطق جبده هههه ..
آمين .. شكرا :)
sologa-bologa
مو شي راعي الهبات .. حلاتك تاخذ الهواية بشكل جدي و تستمر
لحظة يبا لحظة !! ما كملت تعليقي و ما أشوف إلا انسحبت !!
صور و استمر صور .. إلين ما تحب الشغلة هههههههه
حياك الله :)
Dana
عاد انتي لا تتحجين .. صور اليهال عندج غير .. ولا الحلوو متنووووه .. الله يحفظه ..
طولة البال و سعة الصدر أكيد شي مطلوب .. لكن تبين الصراحة ما عانيت وايد معاهم لأني ما صورتهم فترة طويلة .. مجرد لقطتين أو ثلاث و انقز !!
و النقاط اللي ذكرتيهم .. فعلا شي ضروري انك تجذب انتباه الطفل لتصويره و الحصول على أكبر قدر ممكن من الحركات منه ..
الله يزيدج طولة بال .. لأنها هبة من رب العالمين .. أنا ساعات أتنرفز من اليهال خصوصا إذا كانوا شياطين !!
الله يعافيج دانة .. حياج الله .. أثريتي الموضوع بآرائج :)
يااااربيييي
صورة 6 و 7
تجننننننننن
ماااشااااالله
بس رقم 7 فيها
شي لذيذ
الصورة
اللهم بارك
الحمدلله طلعت الصور
هالمرة
البوست اللي قبل هذا
ماطلع شي
يحجبون الصور عندنا
المرفوعه على بلوقر :(
ابسط مثال
بلوق آه يابلد
ناااادر اشوف صور فيه :(
اهم شي اني
طلعت برا الموضوع :$
يعطيييييك
الف عااافية
ويحفظ لك عيونك
مصورنا :)
روووح
زين احمدي ربج طلعت لج الصور .. أنا مدونتي غير
:P
تسلم عيونج أختي ..
حياج الله :)
mashala el 9owar 3ajeeba teslam edek :)
o thanks 3ala el ma3lomat bel ta9wer
tsawe ta9wer bara wela bs hewaya sha59eya :P
lool etha t9awer a6lebek 7ag madresty badal el mo9awer ele 3endena 9owara ya 3yon el bnat m9akera ya 7omer jena fehom shay loool.
:D Slamaz...
5aroofa
الله يسلمج ..
لا ما أصور في مدارس .. و لا في روضة
:P
الله يعينكم على مصوركم :)
I love these photos my friend, keep bringing the good stuff.
Post a Comment