بعد الحوسة و الخبصة اللي صاحبت مؤتمر أنابوليس و البوست السياسي اللي طاف .. حبيت أغير جو و أسولف عن طلعتي بروحي للتصوير في سوق السمج - شرق، الجو كان حار الصراحة لكن في شوية غيوم مطشرة تصلح للتصوير :)
طبعا رايح أصور الأوادم اللي فوق اللنجات ..
أنا بخليكم مع الصور اللي تحجي ههههههههههههه !!
سألت العمال هذا بجم يحلق !؟ قالوا لي بدينار !! معاه جنطه و إبريج و رشاش ماي و جم موس و مكينة حلاقة !!
من شدة التأثر بالصورة و أنا قاعد أضبطها للبوست .. تحمست و رحت الحلاق .. قلت ألحق أحلق عن الزحمة قبل العيد على بالي العيد عقب باجر !!
يوم دشيت و قعدت ..
سألت الحلاق: اليوم شنو !؟
قال لي: الأحد
قلت له: متى العيد !؟
قال: يوم الأربعاء
أنا: @@ جني يايك مبجر !؟
انقص ويهي و قمت و قلت له أييك باجر !!
ذكرتني الصورة بأوبريت والله زمن ..
بهذه المناسبة .. نعلن افتتاح البلوق الجديد .. و الذي سيكون بمثابة بلوق خاص بالتصوير الفوتوغرافي باللغة الانجليزية
Photobiz
و عيدكم مبارك مقدما و تقبل الله من الجميع صالح الأعمال :)
40 comments:
خوش صور
:)
والبوست خفيف وحلو
واحلا شي انا اول وحده تعلق
على فكرة انا دخلت على صفحتك بفلكر
وعجبونى الصور وايد
ماشاء الله عليك عيونك حلوة باختيار المناظر
عندي طلب صغيرون
لو كنت بتعلم التصوير تعطينى دروس
:)
شكرا :)
و إذا تبين تتعلمين تصوير .. حياج عندنا في النادي العلمي .. مركز التصوير الفوتوغرافي :)
مبارك البلوق الجديد ..:)
و الله يعين اللي يحلق عند هذه النوعية .. أحس امراض !
_
" عيدكم مبارك "
خلاص
صار
مشكور عل الدعوة
:)
صبااح الفل
ماشاءالله عليك
عجيبين الصور
وديير بالك اتحلق عندا بو تييك اواى
ترى تييك الاريتيكاريا كانى قتلك
:P
ايامك سعيده
وكل عام وانت بالف خير يا خالد
:)
نسيت لا اقولك مبرووك على بلوقك اليديد
ويا بختنا الصراحه بنستمتع بابداعاتك
:)
manara
الله يبارك فيج ..
هههههه أكيد أمراض :)
عساج من العايدين الفايزين :)
zozota
حياج الله :)
charisma
صباح الورد و الياسمين يا هلا :)
لا لا ما أحلق عند هالأشكال أعوذ بالله !!
و انتي بخير و صحة و سلامة :)
و الله يبارك فيج .. نتشرف بزيارتكم :)
شخباري حلاق !
شخباري عيد !
شخباري حلاق قبل العيد !!
:p
عيدك مبارك وتقبل الله طاعتك
يا زين هالبوست
خفيف على القلب
:)
ومبروك البلوق اليديد
moayad
شخبارك انت .. شلونك زييييييين !!؟
:P
estekana
عساج من عواده ..
و تقبل الله منا و منج ..
الله يبارك فيج :)
خوش حلاق وكل هذا يدينار ! الله يديم الرخص :p
كل عام وانت بخير
وعيدك مبارك
الله وناسة
خوش اصور
اقول لا تحلق بدون تعقيمات يبا والادوات حادة اشلك باللوية
مبرووك البلووق اليديد
وكل عام وانت بخير
عيدك مبارك
وعساك من عواده
hehehehehhehehehehe
mako 7agna???
----
عيدك مبارك
وتقبل الله طاعتك
عيدك مبارك
و كل عام و أنت بخير
مباركن عيدك
وعساك من عوادة العيد يابودلال
الصور فعلا إحترافية ماشاءالله عليك
وكليب أقرع إقيرع طاح في الطاسه
لين الحين إذا بنعايب على حد من الصغاريه متقرع غنينا هالإغنية
والمدونه إن شاءالله راح يكون لها زيارة خاصة ولي تعقيب بيكون هناك بإذن الله
عيدك مبارك اخوي خالد
وينعاد عليك بالعفو والعافيه
كل عام وانت بخير
وعساك من عواده يارب :)
نعيما:))
عيدك مبارك يا حلو
وهذا قصاب يامعود مو حلاق اللى داير بالموس :)
تقبل الله طاعتك
صور رائعة وبلوق أروع
وبإنتظار الجديد المتميز
وكل عام وأنتم بخير
:)
أختـ الياقوت ـكم
عيدك مبارك
شنو العدسه اللي استخدمتها؟
انا شاري عدسة
70-300mm f/4-5.6G AF
باكر بأستخدمها ان شاء الله و بحط النتايج و ابي رايك
مبروك البلوق الجديد
وتترسه صور بالعافية :) :)
------------
بالنسبة للحلاق صراحة شي مال الستينات او السبعينات
والله مادري ماعمري شفتهم ولا لحقت عليهم ..
شغل عدل شكلي بمره :) :)
العيد عليك مبارك وعساك من العايدين والفايزين
ونبارك لك افتتاح مدونتك التصويرية
ياخي مايجوز التصوير والعياذ بالله :p
حركات والله
بطلع الحين على هالمدونه اليديده
وبلاشك تصويرك رائع
::
عيدك مبارك ياخوي
tweety
آمين :)
و انتي بخير و صحة و سلامة
و أيامج سعيدة :)
joy
شكرا ..
من صجج أحلق عند هالقصاب !!
الله يبارك فيج ..
و انتي بخير و صحة وسلامة :)
mamloo7a q8ia
أيامج سعيدة و عساج من العايدين الفايزين :)
Reema
شدعوة ما في حقكم !! كل مكان صالونات متنقلة .. تييج لين باب بيتكم !!
:P
أيامج سعيدة .. و تقبل الله منا و منج :)
purplecious
عساج من العايدين و الفايزين ..
و انتي بخير و صحة و سلامة :)
عاشة
علينا و عليج يتبارك ..
الله يعوده علينا و عليج بالصحة و العافية :)
لا تقرعين
:P
شكرا .. المدونة راح تتبارك بوجودج :)
كل عام و انت بخير و مبروك افتتحاح المدونه الجديدة :)
عاد انا من العاشقين للتصوير لكن الكاميرا احيانا تضيق خلقي وايد فيها عفسه
بوست خفيف
و صور جملية
:)
Nice posting, thank you.
I wish you a good end of 2007 and a good year of 2008.
Great pics
kil 3am winta ibkhair o 3eedik imbarak moa'akharan :D
zozota
عساج من العايدين :)
أجمعين :)
heba
و انتي بخير و صحة و سلامة
و عساج من العايدين و الفايزين :)
mishari
الله ينعم بحالك ..
عساك من العايدين و الفايزين :)
و تقبل الله من الجميع :)
الياقوت
شكرا :)
و انتي بخير و صحة و سلامة ..
حياج الله
حسام بن ضرار
عساك من عواده ..
يالحبيب .. أثاريك تصور :)
I'm using canon 100-400mm
و يالله نبي نشوف النتايج .. ورنا الشغل الطيب :)
talal
الله يبارك فيك و يعافيك :)
الحارث بن همام
عساك من عواده
الله يبارك فيك ..
ويهك
:P
Shaima'a alkandari
حاضرييين
;)
شكرا :)
و عساج من عواده
shather
وانتي بخير و صحة و سلامة
لا يضيق خلقج
:P
Dalal
شكرا :)
حياج الله ..
david santos
هلا بالضيف المليق ..
قول حق معزبك لا يهيتك وايد
حياك الله
Happy new year 4 u 2
cr8ivia
thanks
و انتي بخير و صحة و سلامة ..
عساج من العايدين الفايزين :)
واايد حلوه الصوره
يعطيك العافيه
و مبروك على البلوق اليديد
و عيدك مبارك ماخرا
salamz...
فعلا انت فنان
عندك المقدره باتقاط الصور في اروع اللحظات
ياريت يكون عندي ربع حسك الفني بالتصوير
موفق
يحلييييله
بزنس حلاق
:)
جميل :)
تذكرت أوبريت "الصبي كسر المنظرة، واتحاش توه أشكره"
بحثت عنه على اليوتيوب ولم أجده للأسف.
وتقبل الله طاعاتكم.
Post a Comment