بالأمس مرت رياح الانتخابات بسلام على الكويت، نجح من نجح و سقط من سقط، و نبارك لكل من حالفه الحظ و دخل المجلس و باقي المرشحين نقول لهم شدوا حيلكم المرة القادمة و نخص بالذكر حدس .. تداركوا أخطاءكم و صححوا مساركم، فإن خصومكم لم يفوزوا بشطارتهم، بل بضعفكم و تراجعكم .. و اعلموا أن جولة الباطل ساعة .. و جولة الحق إلى قيام الساعة.
لست خبيرا سياسيا و لا محللا لما جرى بالانتخابات .. و لست هنا بصدد كتابة موضوع يتعلق بالنتائج، بل أتيت أنقل لكم محتوى رسالتين
SMS
و صلوني أمس قبل إغلاق باب الاقتراع بساعتين .. و بما أن قيدي في الدائرة الخامسة، فإن المسجات اللي وصلتني تعبر عن الفكر العام في الدائرة و مستوى الطرح ..
طبعا المسج عام .. و أقصد بالعام أي المسجات اللي من النوع اللي تندز لمنطقة معينة مثل مسجات الإعلانات ..
جاء المسج الأول باسم إحدى القبائل .. و يقول:
شِب ضوٍّ بالمراقيب للغايب تجــــــيب
لين غياب الـ"القبيلة" تجيك رجالها
الحريم سند إرجالها بالحرايب .. و اليوم حربنا
حضروا الحريم .. تكفون يا "قبيلة"
المسج الثاني من نفس القبيلة:
ما يضيق الرجل لا صار له ربعن إقروم
كل ما مست إحباله ذكر ربعـــــــــه وراه
و أنتم حزامنا يا عيال "....." بالشدايد
تكفون يا "قبيلة" .. الفزعة بالحضور
القبيلة فوق كل اعتبار .. و لا عزاء للكويت !!
لست خبيرا سياسيا و لا محللا لما جرى بالانتخابات .. و لست هنا بصدد كتابة موضوع يتعلق بالنتائج، بل أتيت أنقل لكم محتوى رسالتين
SMS
و صلوني أمس قبل إغلاق باب الاقتراع بساعتين .. و بما أن قيدي في الدائرة الخامسة، فإن المسجات اللي وصلتني تعبر عن الفكر العام في الدائرة و مستوى الطرح ..
طبعا المسج عام .. و أقصد بالعام أي المسجات اللي من النوع اللي تندز لمنطقة معينة مثل مسجات الإعلانات ..
جاء المسج الأول باسم إحدى القبائل .. و يقول:
شِب ضوٍّ بالمراقيب للغايب تجــــــيب
لين غياب الـ"القبيلة" تجيك رجالها
الحريم سند إرجالها بالحرايب .. و اليوم حربنا
حضروا الحريم .. تكفون يا "قبيلة"
المسج الثاني من نفس القبيلة:
ما يضيق الرجل لا صار له ربعن إقروم
كل ما مست إحباله ذكر ربعـــــــــه وراه
و أنتم حزامنا يا عيال "....." بالشدايد
تكفون يا "قبيلة" .. الفزعة بالحضور
القبيلة فوق كل اعتبار .. و لا عزاء للكويت !!
20 comments:
هالانتخابات القبلية طالعة بشكل موطبيعي , النتايج ماعجبتني في ناس تضايقت لوجودهم وكثير منهم حكوميين وهجوم واضح على الاسلاميين
لكل زمان دولة ورجال وهذول اللي ماشي سوقهم هاليومين
لله يكتب اللي فيه الخير
عن صهيب رضي الله عنه قال : بينما رسول الله صلى الله عليه و سلم قاعد مع أصحابه إذ ضحك
فقال : ألا تسألوني مم أضحك ؟
قالوا : يا رسول الله ومم تضحك ؟
قال : عجبت لأمر المؤمن إن أمره كله خير ؛ إن أصابه ما يحب حمد الله ، وكان له خير ، وإن أصابه ما يكره فَصَبَر كان له خير ، وليس كل أحد أمره كله له خير إلا المؤمن .
العصبية القبلية هي آخر الحصون التي على شباب القبائل هدمها
انشاءالله التحليل السيو سياسي يايكم بالليل
حلو إن يكون المجلس منوع
شكلها وانا اخوك من زمان " لاعزاء للكويت " ...
بس الظاهر تم التأكيد بعد هالانتخابات !!
وعسى الله يوفق الجميع :)
وتحياتي ..
ويسلمواااااااااااااااا :)
طلعت من ربع حدس هههههههه
الله يوفقك
بالنسبة للاعضاء القبليين فوالله انهم احسن من اللي يشرون والحمدلله انه طاح واجد منهم
وترا الدائرة الرباعه والخامسه فيها نسبة شراء كبيرة ولكن ولله الحمد اغلب اعضائهم سقطوا
بس ترا اللي فازوا ان شاء الله فيهم الخير
انا مو مكدرني الا لما سقط محمد الكندري
جنون إحساسالقبلية تأكيد على أن الولاء أبعد ما يكون للوطن ..
القبيلة أولا ثم القبيلة ثم القبيلة .. بعدين الكويت إذا في متسع من الوقت !!
blog 3amtyمن يقول ماشي سوقهم !!
هم كُثُر فقط .. و قوتهم في عددهم .. و كل ما قدم نوابهم خدمات لأبناء القبيلة فقط .. زادت شعبيتهم و ضمنوا الاستمرار في مجالس قادمة !
أتمنى أن يأتي اليوم الذي نرى فيه مجلس نخب لا مجلس شيوخ عشائر و قبائل !
Eb9ara7a and your wifeالحمدلله.. و لا يكون هذا إلا للمسلم الصابر المحتسب
ma6googأوافقك الرأي ..
ان شاء الله أمر و أقرأ مقالك يا بو سلمى
Deemaمعاج حق
Q8 el5airهي صج من زمان .. بس كل ماله و تزيد !
Kehelanشكلك فرحان أوي
لا تترجى شي للكويت من مرشحي القبائل إلا من رحم الله ..
لاعبينها خدمات و واسطات حق أبناء قبيلتهم فقط ..
أما تنمية و تقدم للبلد ما هم صوبها .. شوف الشهادات أول و بعدين تكلم
صارت الفزعة اليوم للحريم .. وطلب النخوة من نساء القبيلة
هذا الانفتاح ولا بلااااش
:P
اهو كل نتايج الانتخابات بصوب
والمسجات مالت القبايل اللي وصلت لك بصوب!
نتايج الانتاخابات كانت صدمة
صج تضيق الخلق !
الله يحفظ هالديرة
تأثرت بالمسجات
و ودي اروح اصوت الحين مرة ثانية
السلام عليكم
هذه ضربية الديمقراطية ياخوي
ولكل مجتهد نصيب
حبيت اسلم عليك لان من زمااااااان مو زايرك :)
شوف اخوي :
التعصب القبلي عند بعض واحط خط تحت كلمة بعض
ابناء القبائل اهو مشكله صحيح
يعترف فيها ابناء القبيله نفسها قبل غيرهم
وهذا التعصب دايما يطلع وقت الانتخابات ،، وتعمل قله هدفها الوصول للمجلس باثارة النعرات وللاسف تجد قبول مع بعض الشباب المتحمس وارد اقول حزة الانتخابات
ويخيل لهم ان الانتخابات مثل المعركه
اذا فاز مرشحهم فازوا
واذا خسر مرشحهم يافضيحتهم
وينسون ان الانتخابات اكبر من تفكيرهم السحطي جدا
هذه مشكله واتمنى انها تختفي مع مرور الزمن
اما يالغالي بالنسبه للولاء
فـ تكفى بسنا طعن بولائات بعضنا
والتشكيك بالوطنيه
انا اعترف ان تصرفهم غلط وتفكيرهم سطحي
لكن بنفس الوقت انا ماعندي ذرة شك ان لا سمح الله لو صار بالكويت مكروه تجدهم اول المدافعين عنهااا
وعلى فكره ايضا التعصب الطائفي موجود
والانتخابات اللي طافت اذكر مسجات بالدائره لاولى كلووكم الشيعه
ومسجات اخرى كلوكم السنه
قله قليله تعميهم مصالحهم الخاصه ويثيرون النعرات
اتمنى وصلت الرساله بشكل واضح
وتحيتي
بالــنسبه لتعقيبك عن المعاملات ونواب القبائل
فـ الكل عنده خير
تجي عند الشيعه مثلا
صـالح عاشور عضو حكومي ويخلص معاملات
وماشاء الله كل انتخابات ناجح
روضان الروضان الاول بالثالثه
يدش الوزراه ايام ماكان عضو ومعاه عشرات المعاملات
فيصل الدويسان
اللي نجح حاليا ، نجح لسبب واحد واعتقد تعرفه
ولا اهو ك شهاده ماعنده بكالريوس
وخبره سياسه صفر على الشمال
جاسم الخرافي
على الله وعلى ثقل عائلته ، من السبعينات ماذا قدم للكويت ؟
حتى اسألته البرلمانيه ما تتعدى اصابع اليد الواحد
ودائما يفوز
وغيرهم كثير
الـشين موجود عند الكل للاسف
ونتمنى نوصل مرحله مانشوف مثل هالنواب السيئيين
اخوي محمد.. مو بس القبيلة اللي حددت النتائج فهناك
1- القبيلة
2- المذهب الديني
3- العائلة
4- الفلوس
اما ان نشوف منو اللي يصلح يشرع قوانين الدولة؟ هيهات... هذي اخر وحدة نفكر فيها
الله يكتب الي فيه الخير للديرة
والله سمعت وحدة سعودية تقول الكويت ديرة حريم ): رديت عليها بس يتلي بجية لأن حز بخاطري هالشي
:(
اخوي شفنا انواع واشكال من الفزعه هل السنة :
1- فزعة البدوي لقبيلته
2- فزعة الاصايل حق ولدهم
3- فزعة الشيعي حق ربعه
4- فزعة الليبرالي لربعه
والباجي قالوا مالنا خلق انتخابات
وضاعت الفزعه للوطن
العام الفائت أرسـلت الحكومة قوة مسلحة من أمن الدولـة على العـوازم !!
على الرغـم من الاستراتيجة الخاطئة التي خرجت بها الحكومة في ردع الفرعيات و التي أدت الى ردود الفعل الغاضبـة و ثورة من الشعب الكويتي
كان من المفـروض معالجتها ببعض من الواقعيـه لا أن نرى الحل هو في جعل الحكومة نفسها مسيرة من قبل الفرعيات حتى رأتيناها هذه السنـة و قد
( شالت ايدها من الموضوع تماما )
و الآن لا عـزاء لهـا !
Post a Comment