أول شي .. حبيت أصبح عليكم بالخير .. و أعايد عليكم .. عيدكم مبارك و تقبل الله طاعتكم و كل عام و انتوا بخير ..
موضوعي يتعلق بالعيد .. و هذا الموضوع وايد يتكرر و أفكر فيه كل عيد .. سواءا عيد الفطر أو الأضحى ..
يحصل في كل عيد أني أدز مسجات للربع الخاصين و اللي يعزون علي .. و لما يردون وقت الضحى العود أستغرب .. أنا أدز المسجات بعد صلاة العيد .. و الحبايب اللي يرد بعد 3 أو 4 ساعات و في منهم يتصل قبل صلاة الظهر بشوي .. أسألهم .. انتوا متى تعيدون !!؟ أغلبهم يردون علي انهم يصلون العيد و يردون ينامون .. و يبدي عيدهم لما يتيمعون على الغداء مع الأهل !!
بالنسبة لي .. عيدنا في الفنطاس يبدي من بعد صلاة العيد .. الدواوين ما توقف .. ريولك تعورك من الفرارة إلين صلاة الظهر .. تالي الناس ترد بيوتها تتغدا مع أهاليها و يخلص العيد مع صلاة العصر :)
و هالكلام مو توه .. من عمر و احنا نعيد من بعد صلاة العيد .. حتى والله أستغرب إذا مريت على بيوت وقت المغربيات و أشوف زحمة !
السؤال .. الوضع طبيعي ولا إحنا غير !!؟
موضوعي يتعلق بالعيد .. و هذا الموضوع وايد يتكرر و أفكر فيه كل عيد .. سواءا عيد الفطر أو الأضحى ..
يحصل في كل عيد أني أدز مسجات للربع الخاصين و اللي يعزون علي .. و لما يردون وقت الضحى العود أستغرب .. أنا أدز المسجات بعد صلاة العيد .. و الحبايب اللي يرد بعد 3 أو 4 ساعات و في منهم يتصل قبل صلاة الظهر بشوي .. أسألهم .. انتوا متى تعيدون !!؟ أغلبهم يردون علي انهم يصلون العيد و يردون ينامون .. و يبدي عيدهم لما يتيمعون على الغداء مع الأهل !!
بالنسبة لي .. عيدنا في الفنطاس يبدي من بعد صلاة العيد .. الدواوين ما توقف .. ريولك تعورك من الفرارة إلين صلاة الظهر .. تالي الناس ترد بيوتها تتغدا مع أهاليها و يخلص العيد مع صلاة العصر :)
و هالكلام مو توه .. من عمر و احنا نعيد من بعد صلاة العيد .. حتى والله أستغرب إذا مريت على بيوت وقت المغربيات و أشوف زحمة !
السؤال .. الوضع طبيعي ولا إحنا غير !!؟
24 comments:
الصراحة احنا العايلة عندنا تعيد عدل
بعد صلاة العيد نعايد على الوالدة ونشرب عندها فنجان وناكل تمرة بعدين نطلع لبيت الجد. ومن تتجمع العايله نطيح (عيدية) خروف الساعة تسع الصبح وبعدين نمر نعايد العمام والخوال الكبار منهم والصغار لي صلاة الظهر. بعد الظهر يتجمعون الاهل ونقعد لي العصر ويطيح غداء للي فاتته (العيدية) بعدين نصلي العصر وكل يروح بيته يرتاح.
أنا الصراحة ما ارد على المسجات خلال هالفترة لأني مشغول مع هالناس اللي تبي تعايدهم وتسأل عن أحوالهم. بعد المغرب العادة اتفرغ حق المعايدات التلفونية والأسمسية .
أنا مثلك أشوف الشوارع فاضية الصبح وأحس أن الناس نايمة. أعتقد أن الناس فقدت حس العيد وطعمه وقامت تدور فيه عن السعادة الشكلية وتبتعد عن السعادة الحقيقية بشوفة الأهل والاصحاب والجمعة الحلوة والسالفة الطيبة.
لا مو غير احنا صح تعال شوف خيطان حرة مرور و زحمة لقبل صلاة الظهر خلاص يصير الركود
كل عام و انت بخير و ينعاد عليك و على اسرتك الكريمة بالف صحة و سلامة
كل عام و انتم بخير
عيدكم مبارك و عسائكم من عوادة
تعب يا معود
اهم غير
وعيدكم انتوا صح
وكل عام وانت بخير وعيدك مبارك يالشيخ
عيدكم مبارك، وتقبل الله منا ومنكم :)
كل عام وانتم بخير
تقبل الله منا ومنكم صالح الأعمال
وحقق لنا وإياكم خير الآمال
وعيدكم مبارك
تحيايتي
عيدك مبارك وايامك سعيدة وعساك تعودة كل سنة وكل عام .
عيدك مبارك وخيي الغالي
وعساك من العايدين الفايزين
احنا نسوي مثلكم .. والنومة القوية تكون بعد صلاة الظهر مباشرة إلى ماشاء ربك. ثم نكمل روتين الفرارة و مسلسل التبوس
عيدك امبارك!
الطعم الحقيقي للعيد لا يكون إلا في صبيحته : )
حمداً لله عيدنا صباحي ومُمتد إلى المساء
وكُل عام وانتَ بخير
والله اخوي صادق، احنا صج ننام بعد صلاة العيد، بس عاد مو للظهر؟ حشا متى نعيد يعني؟؟ حلاتها الصباح وانت تعايد الوالد والوالدة واخوانك وعيالهم وناسة، هذا غير دق ورقص آنا شخصياً ما احب افوت الصبح بالعيد لإن عادة ابوي بالعيد يذبح ذبيحتين احب احضر اشوفهم ينذبحون
بالنسبة للمسجات والله نفس الحال آنا من يوم قبل العيد، ويوم العيد أعايد العالم وللأسف ما يرد منهم إلا قليل وإذا ردوا الباجي يردون متأخرين
بس احنا عاد ما ينتهي عيدنا إلا الساعة2 بالليل
بس بيني وبينك هالعيد ما ادري شلون مر غير عن كل الاعياد، مسلسل الفرارة والتبوس ما صار لإن الجمعة كانت ببيتنا على عكس كل مرة
عموما كل عام وانت بخير والموضوع صج مكرر بس حلو طرحك
عيدك مبارك وكل عام وانت بخير
احنا عيدنا بعد صلاه العيد وماننام الا بعد صلاه الظهر كل شي خالص
احلى شي هو الصبح
يمكن الي ترسلهم ومايردون الا بعد 3 ساعات او 4 ساعات يصير زحمه في الشبكه والله اعلم
انا اتكلم عن بيتنا جذيه عيدنا
أيامك سعيدة وعساك من عوّادة :)
>> مو تقول تونا رادين يعني توه بدا العيد ;p
---
بالنسبة حق العيد أحسه عيد قبل بس من توفى يدي الله يرحمه صار العيد يبدا من عقب الظهر والشاطر ايي الغدا الساعة 3 والباجي اييون عالـ5 وعقب لي الليل والزوارة الثانية تصير عشا فحده ماكو عيد الصبح معنّى كل العيد الصبح وأحلى عيد عيد الصبح وريوق الصبح وكشخة الصبح بس الله كريم مافيش حاقة صاحية دي الوئتِ ;p
وعلى طاري المسجات صارلي 3 أعياد ما أدز صراحة مالي خلق ومشكورين إلي يدزولي هم لأني مارد ;p
سلّم على أهل الفنطاس ;*
عيدكم مبارك و تقبل الله طاعتكم
انا اشوف الرياييل بالعايلة يسوون نفس اللي قلته
بس العصر كلمن يرد البيت ينام و يردون يتيمعون بعد المغرب بس بمكان واحد يعني ديوانية
كل عام وانتم بخير
------------------
احلى شي فالعيد .. لما تنش للصلاه
وتشم ريحه العود في البيت
ويمعه الاهل بعد صلاه العيد الصبح
حلاة العيد بساعاته الاولى
:)
عيدك مبارك و تقبل الله طاعتك
عيدنا من بعد صلاة العيد و مستمر الي الليل
:)
بس كل ما كبرنا كل ما قلت حلاة العيد ما ادري ليش ولا يمكن احساسي انا غير
عيدك مبارك وتقبل الله طاعتك
من صج انا استغرب بالعيد بعد الصلاة ادق على رفيجاتي المفروض اني اعايد فيهم يدوب اللي يردون 2 ولا 3 والباجي يدقون الظهر ويقولون كنا نايمين !!
خبري الناس يعادون ببعض بعد الصلاة !!
السلام عليكم
عيدك مبارك ياخوي وعساك من عوداه ان شاء الله
كل عام وأنتم بخير
تقبل الله طاعتكم
عيدك مبارك
هالسنة بالذات انا اول يوم عايدت الفراش وبس
اول شي كل عام وانت بخير
مباركن عيدك وعساك من العايدين والسالمين
نحن عيدنا من عقب صلاة العيد
الكل يهني ويبارك بالعيد
الفنطاس ورى الدائري السادس
اكيد غير
:)
الطبيعي عندنا
غير طببيعي عند غيرنا
والغير طبيعي عندنا
طبيعي عند غيرنا
يعني تختلف المقاييس
عن نفسي مش دايما اقوم من وقت فالعيد
يعني حسب الليله السابقه :)
السلام عليكم ورحمة الله
كل عام وانت بخير
اتمنى انك تقبل تواجدي
والله في كثير من الاشياء حاااالات غريبة
اعننا الله
واشكرك اخي
Post a Comment