يوم الجمعة اللي طاف رحت المطار أوصل الوالد بيسافر .. أدركتنا صلاة الجمعة .. قال أبوي أول شي نصلي بعدين نزلني ..صوب المغادرين
رحنا المسجد اللي بجانب المواقف طويلة الأجل .. سفطت السيارة و نزلت .. يبين المسجد زحمة و الناس ماشاء الله فارشة الزل برة .. يوم دشيت المسجد ولا نصه فاضي و ماكو كهرباء و لا مكيفات ولا مراوح و الدرايش مفتوحة و لاهوب !! الساعة 12 الظهر !! طبعا الله يهيدهم عمال المطار عطروا المسجد !! بروحه المسجد ماكو تهوية !! فعرفت ليش الناس فارشة برة وقاعدة :)
طبعا حال المصلين في الداخل .. اللي يهف على نفسه و اللي يتحلطم .. إلين ما وصل الخطيب .. و قال حق المؤذن وقف صوب الباب و أذن علشان يسمعون الناس .. ماكو مكرفونات ..
بلش الخطيب و صدح بخطبته جزاه الله خير .. و ماقصر بيض الله ويهه .. ماطول بخطبته .. عشر دقايق وخلص .. يوم نزل عن المنبر .. قال حق واحد في منتصف المسجد .. كلمه بصوت عالي ..
" عاوزك انت لو سمحت ترد وراي التكبير و بعدين المؤزن اللي عند الباب هيسمعك و يرد وراك و يسمع الناس اللي برة "
طريقة ممتازة خلتني أسرح بفكري شلون كانوا الأوليين لما يصلون في مسجد ما فيه مكرفونات ولا مكبرات صوت !! والله الكهرباء نعمة !!
هني الموقف الغريب جدا ..
بعد ما سلم الإمام مباشرة وقف و قال:
الحمدلله والصلاة والسلام على رسول الله .. نحمد الله على أننا شهدنا مثل هذا الحدث - يقصد الكهرباء طافية - لنرى نعمة الله علينا .. و هذه الخطوة المباركة تشكر عليها وزارة الأوقاف لتوفير الكهرباء ..
ما خلص كلمته جان تشتغل الكهرباء .. والمراوح و المكيفات و الصوت !!!
والله اني شكيت و ما أحط بذمتي .. بس جنها لعبة هههههه !! حسيت انه أشر لواحد قاعد عند الميتر هههههههه !!
الحين الناس في صلاة جمعة يا شقول !! و مسجد حيوي !! و في موقع حيوي !! مطار الكويت !! ليش الكهرباء طافية والمصلين أكثر من 300 يمكن !!
والله اني طالع وأسولف مع أبوي و مستغرب من هالحركة !! شمعنى لما قال كلمته الخطيب بعد الصلاة جان تشتغل الكهرباء !!
صدفة !!
يقول الله تعالى: " وإذ تأذن ربكم لئن شكرتم لأزيدنكم ولئن كفرتم إن عذابي لشديد "
فبشكر الله تدوم النعم .. و شكره فيها لا يكون إلا بالمحافظة عليها من الهدر و العبث و الإسراف ..
38 comments:
الصراحه انا احمد ربي مليون مره على
نعمه الكهربا والماي اكيد ...
وفعلا ساعات الواحد يقعد يفكر شلن قبل
كانوا يتحملون الحر ماكو مكيف ماكو اجهزة ..
بالنسبه للموقف الي صارلك انت والوالد الله يحفظه ..جايز والله يكون مقطع درامي :p
هدفه ترشيد للكهربا والماي ..ووجايز يكون صجي بنفس الوقت
مانقول عسى الله لايغير علينا هالخير
والكهربا والماي نعمه ولازم الكل يحافظ عليها
بالنسبه للاعلان الي مصوره
فعلا ياخالد شغل حلو ومرتب واضافه الكلام للصوره اعطى الهدف المرجو منه
يزاك الله خير : )
والله يا خالد ألف حمد وشكر لله سبحانه على نعمة الكهرباء :)
بس قبل ماكان حر وموت نفس ألحين @@ لأنه طبقة الأوزون وقتها ما إتسعت وكانت حاميتهم عن الحراره ..
ألحين للأسف ... كثرة التلوث والغازات أثرت بطبقة الأوزون وإنثقبت للأسف !!
الله يكون بعونا :(
وبالنسبه لموقفك إنت وأبوك لوووول حدث ولا حرج ;p
الله كان بعونكم وقتها .. عالريحه والخيسه :(
كله بأجره إن شاءالله :)
والصورة قويه ياخالد وحدها دعايه إرشاديه :)
بس كأنك تقول إمسك الكهربا وحط إيدك بالماي لوووووووووول ;p
بس أشوه إنه الواير منقطع ;p
جزاك الله ألف خير يا خالد على هالموضوع :)
ومن حبنا لها لازم نوفر لها :)
بس عاد لا يقطعون الكهربا بعز الحر واللاهوب :(
قطعوه عالأقل بليل ؟
موضوع حلو ياخالد :)
دمت بخير وصحه وسلامه وبرااااد يارب :)
Heba
الحمدلله على هذي النعمة ..
الله سبحانه و تعالى يقول ..
وإذ تأذن ربكم لئن شكرتم لأزيدنكم ولئن كفرتم إن عذابي لشديد
الله يجزيج خير على التفاعل الطيب :)
رايج يهمني وايد في الصورة ..
Dana
بيييييه .. من كان يلتفت حق طبقة الأوزون أصلا !!
و فعلا لها تأثير قوي
و الصورة صج كانت في بالي من فترة ..
إلين جاء اليوم اللي قعدت في الحديقة و لا بس شورت و الشمس حنانية .. و منسدح على الثيل و هدومي كلها ماي لأن الهوز مفتوح و الماي يصب و أنا خذيت جم صورة .. و على ما أخذت هالجم صورة إلا هدومي رتشخت !!
رايج يهمني .. أنتي و هبة .. كونكم مصورات و لكم نظرة فنية :)
الله يجزيك على قد نيتك إن شاء الله
زين يا معود يمكن لو مشغلين المكيف عندكم ذاك اليوم تنقطع الكهربا عن الكويت
يعني انتو سويتوا عمل وطني جزاكم الله خير
parallax1
و يجزيك مثله يا أخوي .. الله يعطيك العافية
Q8 Links
تصدق .. هذا الظاهر انه مثل القشة اللي قصمت ظهر البعير !!!
ما شغلوها .. جان طفت كهراء الكويت ذاك اليوم !!
احنا والله الضحية
اهو يجوز صدفة على قولتك الواحد مايحط بذمته :P
احيانا تحصل مثل هذه الصدف العجيبة بحياة الناس .. مانقدر ننكر هذا الامر
و لكن ياخوي اللي حاصل بالكويت .... انه يعالجون المشكلة من قشورها
كالعادة
فكان من الابدى في السنوات السابقة
انهم يحسبون حساب الطلب المتزايد على الكهربا و الماء في ظل الزيادة الطردية لعدد السكان و تنامي الاستهلاك
قبل كان الجو غير !!!؟ مافيه كل هالاشيا اللي تزيد من حرورة الجو
أولها السبوت لايتات يا الله ! شي فظيع
وماشالله الالكترونيات
فماكانو يحسوون بهالحرورة والواهي
---
والحركة يحليلهم سواء مقصودة والا غير مقصودة مثل ماقلت : درس عملي
وهذي من وسائل التعليم :)) واهيا اثبت - ابلغ - من الكلام
---
التصميم حلو واول ماشفته ماقريته اخترعت من البلاك عبالي منفجر واستوعبت لما قريته
The government in kuwait is trying hard to convince the people that the shortage in electricity is the result of the people's excessive consumption. They try hard to hide the fact that Kuwait's infrastructure as whole, no just electricity, just cannot take the increase in population. The try hard to hide that the government planning SUCKS!!!
والله على قولتك ياخوي
الواحد الكهربا بحد ذاتها
نعمه ولله الحمد ...
بس لو تأزم الوظع ، جان رحت
للمسجد الي داخل المطار بالدور
الثاني ، والله يعطيهم على قد
نيتهم جان جذي قصدهم ..
والله يجزيك كل خير اخوي خالد
وبارك الله فيك .....
athoob
صدفة ترا السالفة صدفة
:P
أكيد لازم في خطط مستقبلية لتفادي الضغط الزائد على استهلاك الكهرباء !!!
بس ديرتنا مو مال تخطيط !!
relaaax
أكيد كان الجو غير .. لا في شوارع ولا محولات ولا سيارات تطحن 24 ساعة .. ولا تلوث !!
سعيد بأن التصميم عجبج :)
Hitman1
والله كلامك أول مرة أسمعها .. لكني اقتنعت فيه 100% لأن المنطق يقول جذي !!
roshal
الحمدلله على هذي النعمة ..
أنا أدري انه فيه مصلى داخل المطار و أدله .. لكن ما فيه صلاة جمعة !!
و الله يبارك فيج :)
و حياج الله
اشوه انك قلتلي
بودي الاهل المطار يوم اليمعه اصلي بأي مسجد والا اشم ريحة العمال المعطنه
هلا خالد ... صراحه صورة حلوه و مثل ما قالت الاخت / Dana__23
صج تصلح تكون دعايه ارشاديه,,,,
و الحمدلله على نعمة الكهرباو الماي...! و على كل النعم....
This is an extremely profiessional picture ..
:)
صلاة كلها جهاد ما شالله
يا هنيكم بالأجر الله اعلم شكثره مع هالواااهي اللي حزة العصر شلوون بصلاة الظهر
!
الصورة وايد حلوة وينها بس وقت حفلة التخرج كنت بقتها عفوووان استعرتها منك
=p
اما عن لموقف صراحة الله ياجركم لانه مو كافي الحر بس العطور كانت تغطي على الجو الله يهداهم بس
و انا اشك في شي ثاني كل يوم الاحظ حركة المؤشر بتلفزيون الكوين عمره ما تغير قمت اشك انه مثبت ؟
بس الصراحة عني ما احب اترك او اطلع من مكان قبل لا اشيك اذا في جهاز شغال حتى البلاكات اطفيهم و اشيل الواير بعد يعني كثر من جذي شوو بدنا نعمل
و ميرسي
looooooooooooooooooool
الله يقطع ابليسك خلتنى اكركر والله لالالالالالا تحط بذمتك بعدين ترى حتى بالحرم جذى مع وجود الكهرباء الامام يكبر وواحد وراه :)
يعطيك العافية وخل نوفر وخل يطلع جيل شوى يخاف على الاستهلاك
جزاكم الله خير وتقبله منكم ان شاءالله
والله اعلم اذا كان مقلب والا لا بس استغفرلله مطاوعة وريايل شطولهم شعرضهم يجذبون؟!!
يعطيك العافية اخوي والله يرد الوالد بالسلامة
barrak
لا يبى صل في أي مكان ثاني ..
لا يحوشك :)
unknown boy aw weld al3adan
حياك الله
a7la eng
Thank you for the beautiful compliment :)
ذوقج و حسج الفني راقي :)
Dandash
ليش ما قلتيلي !؟ راحت عليج
:P
أهم شي العطور الكل مركز عليها :)
لازم الحرص الله يعطيج العافية .. المسئولية مترتبة على الأفراد قبل لا تصير على الدولة .. إذا انت مو مسئول ولا همك الترشيد .. ماراح يفيد وياك أي شي لا دعاية ولا حملة !!
mishari
الحرم خذوها من سنين و مشو عليها :)
والله المفروض هذي المفاهيم تغرس في الناشئة من الروضة و الابتدائي .. ولا شلون نبي نطلع بجيل واعي !!؟
samte_7azan
الله يجزيك مثله :)
ما قلت يجذبون الله يهداك .. بس يمكن مسوين مقلب هذا اللي قصدته .. ما نتهم أحد :)
الله يسلم و يعافيك يا الحبيب :)
لوووووووووووول .. امسوينها فيكم علشان يثبت الكلام .. وما تنسون الدرس
بس حرام يمكن صدفه ..ليش اهو يتحمل الحر بعد
ياربي لك الحمد والشكر على نعمك..
{ولئن شكرتم لأزيدنكم}
استغفر الله
بيوتنا مكيفه
ولسه نشكي الحر
ياربي لا تجمع على عبادك نارين..
موقف المطااار خطيير جداا
خصوصا انه ظهر :)
ماتعرف يمكن ولي وانت ماتدري
ويمكن مجاب الدعوه :)
لله في خلقه شؤون اخوي خالد..
ps:
أعجبتني كثير الصورة
الوانها حلوة..
موفق خير يارب..
ودمت ببراد :)
حلوة الصورة وايد
جدا معبرة عن الموضوع
والف حمد وشكر لكل النعم اللي قاعدين نتنعم فيها ومنها الماء والكهرباء
الله لا يحرمنا من رحمته
صبحك الله بالخير :)ا
اولا : الله يخليلك أبوك ولا يروعك عليه آمين .. وثانيا:الحمدلله على نعمة الماي والكهرباء .. ثالثا : الصورة واااايد معبره ..رابعا: كفاره لكم من الريحة السنعة :)ا
حافظك الله
San3a w laken
شفتي شلون !!؟
سوووها فينا الله يهديهم !!
ما اتهمه بس يمكن من باب القلب
:P
روح
ولي مرة وحدة عاااد !؟
أنا ما اتهمته يا روح :)
بس قلت يمكن مقلب ..
دمت ببرااااد أكثر :)
mamloo7a q8ia
شكرا أختي المملوحة .. من ذوقج :)
آمين
om-bukhnag-zare
صبحج الله بالنور و السرور يا هلا و مرحبا :)
أولا: آمييييييين .. جزاج الله خير :)
ثانيا: الحمدلله
ثالثا: شكرا خالة أم بخنق .. من ذوقج
رابعا: إن شاء الله
و يحفظج طال عمرج
الصلاه بالحر اهون مليون مره من الريحه اللي حاشتكم
smile
شي أكيد :)
مواقف مثل هذي أحياناً تفتح باب واسع للتفكير بأمور بديهية مهمّة ما كانت على البال من قبل .. لعلها تنبيه للغافلين أو تذكرة لمن يذّكر .. وأما بنعمة ربك فحدث
على هالحر .. يضاعف لكم الاجر ان شاء الله
و يالله .. حر الدنيا و لا حر جهنم ..
الله يجيرنا و اياكم من لظى جهنم
:)
الحارث بن همام
كلام صحيح .. و هذا الموقف كان أبلغ من 100 خطبة .. عرفنا قيمة نعمة الكهرباء ..
الله أدمها علينا
Shather
آمين .. جزاج الله خيلا يا شذر :)
الحمدلله على نعمة الكهربا والماي
مادري شلون حياتنا بتكون من غير كهربا
ما اتخيل نفسي أقدر اعيش
.
.
وبعدين لا تحط بذمتك .. يمكن صج كانت طافية !
.
.
والله يردلكم الوالد بالسلامة
Shahad
ةا نقدر نعيش بدون كهرباء .. جونا ما نتحمله !!
الله يتمم نعمته علينا ..
و الله يسلمج :)
درس عملي جدا مفيد !! ;p
و كله بأجره ان شاء الله ..
بالنسبة الى مشكلة الماي و الكهربا بالكويت ..
انا اشوف كله من الخدم !!
عبالهم انه الماي ما يخلص ..
تلاقي السايق فاتح الهوز و يغسل السيارات !
و الخدامة تدق الماي دق عشان تغسل صحن !
ممكن احنا من دينا الاسلامي و لحبنا لوطنا نعرف انه هالشي حرام و يضيع اموال الدولة على ولا شي بس هالعمالة شفهمهم !!
مرة ريل رفيجة امي شاف هندي بالشارع يغسل السيارات و الماي على الحد و بالهوز !
راح كلمه ..
رد عليه الهندي قاله .. بابا راضي انته شكو !!
يعني لازم يكون في رقابة عليهم..
و رقابة على انفسنا ايضا ..
شكرا لك على الموضوع =)
awal shay el kuwait 7adha cheep 3ala salfat el kahraba wa el may! mala da3y esawoon chethy! 9ej alla ma retha bel esraf wala el tabther bas mo bel maseayed walla ebyoot el awadeem ! 5al eshoofoon el bnook wa el shareekat ely keela leetat.ha maftoo7a 7a6eeen dooobhom doob el fagara mesakeen wa e6afoonha bel 9eeef eb 3eez el 7ar! WA EGOLON LISH ETSAFROON BARA BEL 9EEEF, ENTAW ET5ALOON A7AD YEG3AD!
صج والله
الف الحمدالله والشكر
على كل نعم الله
الله لايخلينا من هالنعم
والله يرزقنا اكثر واكثر
:))
ضحكتني لما قلت جنه خطه لووول
لاا مااعتقد
:))
ومثل ماودعت تلاقي
Qiyadiya
والله الخدم هم ساس البلا في البيوت !!
لا تعليم ولا فهامة !!
محد من معازيبهم سنعهم !!
المشكلة يكون المعزب ما يدري وين الله قاطه و ما عنده مشكلة أنه يلعب بالماي و الكهرباء ..
فإذا كان رب البيت بالدف ضارب .. فشيمة أهل البيت الرقص !!
الله المستعان !!
loco
صاجة .. الكويت مقارنة بالدول اللي مطيحة حيل شعبها بالفواتير تعتبر رخيصة جدا ..
بس ليش البيوت !!؟
لو يشوفون الوزارات و ليتاتها و أماكن وايدة مالها داعي تكون شغالة ليل نهار يكون أبرك و يوفرون علينا !!
what willbe, will be
آمين .. عسى الله يديمها :)
loco = male
Post a Comment