!! درس عملي

يوم الجمعة اللي طاف رحت المطار أوصل الوالد بيسافر .. أدركتنا صلاة الجمعة .. قال أبوي أول شي نصلي بعدين نزلني ..صوب المغادرين
رحنا المسجد اللي بجانب المواقف طويلة الأجل .. سفطت السيارة و نزلت .. يبين المسجد زحمة و الناس ماشاء الله فارشة الزل برة .. يوم دشيت المسجد ولا نصه فاضي و ماكو كهرباء و لا مكيفات ولا مراوح و الدرايش مفتوحة و لاهوب !! الساعة 12 الظهر !! طبعا الله يهيدهم عمال المطار عطروا المسجد !! بروحه المسجد ماكو تهوية !! فعرفت ليش الناس فارشة برة وقاعدة :)
طبعا حال المصلين في الداخل .. اللي يهف على نفسه و اللي يتحلطم .. إلين ما وصل الخطيب .. و قال حق المؤذن وقف صوب الباب و أذن علشان يسمعون الناس .. ماكو مكرفونات ..
بلش الخطيب و صدح بخطبته جزاه الله خير .. و ماقصر بيض الله ويهه .. ماطول بخطبته .. عشر دقايق وخلص .. يوم نزل عن المنبر .. قال حق واحد في منتصف المسجد .. كلمه بصوت عالي ..

" عاوزك انت لو سمحت ترد وراي التكبير و بعدين المؤزن اللي عند الباب هيسمعك و يرد وراك و يسمع الناس اللي برة "
طريقة ممتازة خلتني أسرح بفكري شلون كانوا الأوليين لما يصلون في مسجد ما فيه مكرفونات ولا مكبرات صوت !! والله الكهرباء نعمة !!

هني الموقف الغريب جدا ..

بعد ما سلم الإمام مباشرة وقف و قال:

الحمدلله والصلاة والسلام على رسول الله .. نحمد الله على أننا شهدنا مثل هذا الحدث - يقصد الكهرباء طافية - لنرى نعمة الله علينا .. و هذه الخطوة المباركة تشكر عليها وزارة الأوقاف لتوفير الكهرباء ..

ما خلص كلمته جان تشتغل الكهرباء .. والمراوح و المكيفات و الصوت !!!

والله اني شكيت و ما أحط بذمتي .. بس جنها لعبة هههههه !! حسيت انه أشر لواحد قاعد عند الميتر هههههههه !!

الحين الناس في صلاة جمعة يا شقول !! و مسجد حيوي !! و في موقع حيوي !! مطار الكويت !! ليش الكهرباء طافية والمصلين أكثر من 300 يمكن !!
والله اني طالع وأسولف مع أبوي و مستغرب من هالحركة !! شمعنى لما قال كلمته الخطيب بعد الصلاة جان تشتغل الكهرباء !!

صدفة !!

يقول الله تعالى: " وإذ تأذن ربكم لئن شكرتم لأزيدنكم ولئن كفرتم إن عذابي لشديد "

فبشكر الله تدوم النعم .. و شكره فيها لا يكون إلا بالمحافظة عليها من الهدر و العبث و الإسراف ..

V for Vacation !!

K.AlHaqqan Photo '05

Sometimes people wherever they work need a vacation or at least a break to refresh their minds after a huge storm of paper work and heavy work load with overwhelming stress. It is usual and normal to reward that kind of people who worked so hard in their projects and tasks and let them go away and have relaxation time with their family or friends. However, few organizations or companies refuse to let their employee to go on a vacation at certain times of the year or for some reasons, and I'm one of them NOW!

I really need to have a break... A long very looooooong break because I didn't go on a vacation since July 2005 not even 1 single day!! After I finished my project in the company last week, they nominated me to another project... so I have to choose now whether to go on a vacation or stay here and handle the new project as a team leader till the end of August. Remember, If I insist and choose to go on a vacation, I'll miss a big chance to gain a new experience in a new IT filed which is new issue for me (DRP: Disaster Recovery plan and BCP: Business Continuity Plan).

Honestly, I didn't want to miss this chance. So, I've chose to stay in our lovely country and enjoy this beautiful weather rather than having a walk or going out for a picnic in a God damn foreign country!!

God, I missed those days where I was relaxing in a balcony looking at a green field or a sea view in front of my room and having a cup of coffee at morning before going to a trip :(

Nothing will satisfy me now like weekends. From this moment, I'll try to enjoy and make use of every second in those upcoming weekends inshalla till the end of the project.

I wish good luck and nice vacations for others... Allah yhannekom guys :)
pray for me guys .. I really need your support and prayers at this hard time :S

sorry non-English readers, but I thought I have to write an English post from time to time to strengthen my writing skills in English and having feedback from my fellow well educated English readers .. If there are badleyat "and I believe there are too many" please feel free to tell me there is badleya :)

!! الحل الصعب

تحرص الشركات العملاقة على واجهتها و سمعتها أمام زبائنها بشتى الطرق المشروعة و هذا من حقها للمحافظة على مركزها في المنافسة في السوق أو مجال معين، وما يهمني هنا هو قسم مركز الاتصال أو

Call Center

فأغلب الشركات تمتلك مثل هذا القسم أو هذه الإدارة لترد على تساؤلات و استفسارات و مشاكل الزبائن و العملاء كل حسب مجاله - بنك أو اتصالات أو أي نوع من الشركات - و هي تمثل أحد أهم الواجهات إن لم تكن الرئيسية في خدمة الزبائن و العملاء .. و من الضروري جدا أن تحرص الشركة كل الحرص على توفير موظفين أكفاء و خبرات ملمين بالمعلومات الكافية للرد على استفسارات العملاء بالشكل الذي يرضي العميل .. كيف لا وهم الواجهة الرئيسية للشركة أمام عملائها و زبائنها.

و المتأمل لسمعة الشركة التي سأتكلم عنها سيظن من أول وهلة أن موظفي خدمة العملاء على أتم الاستعداد للرد على جميع استفسارات العميل بالشكل المطلوب و المرضي له، لكن حينما يتصل العميل هاتفيا بمركز خدمة العملاء يتضح له من خلال استفساره أن بعض الموظفين ما يعرفون كوعهم من بوعهم و ما يدرون وين الله قاطهم !!

حدثت لي هذه المواقف - كما أجزم بأن الكل له على الأقل موقف واحد - مع شركة الاتصالات المتنقلة إم تي سي حينما أردت الاستفسار عن بعض الخدمات:

الأول:

استفسار عن قطعة الانترنت الرخيصة التصنيع و الغالية الثمن الـ
eGo
أبي الدرايفر مال الوندوز فيستا .. أبي أشغلها عليه مالها تعريف !! قلت أحصله على موقع الشركة .. طلع ما عندهم حل له على موقعهم فاتصلت على 107 و رد علي واحد دايخ سألته شلون أحصل الدرايفر مال القطعة علشان أعرفه على وندوز فيستا .. قال لي دش على موقع الشركة و فيه لنك حق الإي جو .. سو كلك عليه و راح تلقاه بحيل الله !!
هذا من صجه!؟ شنو تلقاه بحيل الله .. فيلم بس يا بحر !!؟ يبا المشاكل ما تنحل بمجرد الجواب بـــ حيل الله !!

الثاني:

بدفع مكالماتي عن طريق موقع الام تي سي حلو؟ كالعادة أدخل اسم المستخدم و كلمة السر .. كل شي حلو للحين .. دخلت المبلغ و رقم تلفوني و بعدين فيه
Drop Down List
تختار منها طريقة الدفع .. و كنت بدفع عن طريق الكي نت .. دورتها في اللستة ما لقيتها !! رديت سويت نفس الخطوات و هم مالقيتها ..



قلت ماكو إلا الأشاوس أصحاب الحلول الصعبة يساعدوني ..
الموظف: ألو مرحبا معاك فلان الفلاني رقم 1234
أنا: أخوي سويت كيت و كيت و مالقيت الكي نت و أول مرة تصير معاي !
الموظف: أخوي سو لوج آوت و لوج إن مرة ثانية وان شاء راح تطلع !!!
أنا: ههههه انت من صجك !؟ يالله بسوي و بشوف - باخذه على قد عقله - و سويت طبعا و ما صار شي
الموظف: كرر المحاولة و سو ريفريش !!
أنا: أخوي هذي مشكلة في برمجة الموقع ما ينفع معاها ريفريش يا بابا، ممكن تكتب كلامي هذا وتوصله للمختصين؟
بعد ما أفتى زورا و بهتانا كل هذا علشان ما يبي يطلع نفسه مو فاهم
الموظف: خلاص راح أسجلها كعطل و نبلغ فيها المختصين .. خدمة ثانية أخوي
أنا: سلامتك
طوط طوط طوط !! و علامة استفهام شكبرها على ويهي !! هذول شلون يخلونهم واجهة الام تي سي عملاق الاتصالات في ديرتنا و الأعرق تاريخا !!

الثالث:

أبي أشترك في خدمة
MMS

اتصلت على مركز خدمة العملاء لنفس الشركة .. و قلت لهم أبي أشترك بالخدمة .. قال لي أدزلك الحين
MMS Settings and save it with this password xxxx and restart your mobile
المهم دخلت الباسوورد و حفظت الاعدادات و طفيت جهازي و شغلته مثل ما قال لي و حاولت أدز مسج ما دز !! مع ان هالإجابة معقولة جدا و أظنها الصحيحة لكن كررت الاتصال مرة ثانية لأن جهازي ما استجاب.

اتصلت مرة ثانية طلع لي واحد ثاني و قال لي نفس الخطوات بس زاد عليهم ان المفروض أدز صورة حق نفسي علشان تشتغل الخدمة !!
هذي بلعتها و سويت اللي قال و هم ما صار شي جهازي مو راضي يستجيب !!

اتصلت مرة ثالثة و شاله واحد فلتة زمانه و عطاني الحل الأصعب و اللي بين لي انه مييييييح !!

يقول الشاب اللطيف:

مثل الخطوات اللي قالها الأول والثاني و زاد عليها اني لما أطفي الجهاز أشيل البطارية و أركبها بعد 10 دقايق و أشغل التلفون و أدز صورة حق نفسي و يكون بهذا الحل اللامعقول قد حل المشكلة !!
والله لو أييب حمالي من فرضة الشويخ و أقوله هالحل بيضحك علي !!

قد تكون في جهازي المشكلة .. لكن المضحك المبكي أن الثلاثة اختلفت حلولهم - لا والمصيبة العظمى ان كل واحد قاعد يم الثاني - و كل واحد يفتي على كيفه و ما أدري من الصح من الغلط كونهم يمثلون الشركة و هذي حتما إجابة رسمية أعتبرها !!

أنا أقول يا إم تي سي .. احرصي على توظيف الخبرات و الكفاءات .. حتى لو كانوا موظفين جدد .. بس لازم يعرفون شقاعد يصير و شنهي الحلول المعقولة و المناسبة للمشكلة .. لازم يصير فيه تدوير للموظف اليديد
Orientation
في العديد من الأقسام و الإدارات على الأقل أسبوعين يعرف فيهم شنو هالإدارة و شنو مسئولة عنه قبل لا تحطونه على ثغر من ثغور الجبهة الأمامية للشركة.

و الملاحظ من الإجابات أن الموظفين يجتهدون في الفتوى و حل المشاكل دون الرجوع إلى حل منطقي و معتمد من قبل الشركة ! أنا ودي أعرف شغلة .. أنا سامع من زمان ان في مراقبة على المكالمات من المسئولين .. وينهم عن هذول الموظفين المبدعين اللي مايدرون الله وين قاطهم !؟ مو المفروض تصير فيه مراجعة للمكالمات إن كانت مسجلة !؟ هذا إن لم يكونوا يستمعون للحوار مباشرة !!

نصيحة وددت أن تصل إلى أذن مسئول من الشركة .. ليس لأني عميل فقط و أبي أحد يجاوبني و يخدمني لكن من باب أن الشر يعم و الخير يخص و من حرصي على تبيين الأخطاء و محاولة تصحيحها بالطرق المشروعة و السلمية و أن يكون نقدنا بناءا يأتي بالحلول المساعدة لا أن يهدم فقط و يجعل العيوب مكشوفة دونما غطاء !

و للأمانة في موظفين ما ودك تنهي مكالمتك معاهم - أتكلم عن بني جنسي آدم وربعه علشان ما يشطح الخيال بعيد لا سمح الله - فإلى جانب إلمامهم بالحل السليم للمشكلة، فوق هذا أسلوبهم في الرد على الاستفسار و ذرابتهم و تعاملهم يخجلك .. فإلى هؤلاء أقول الله يكثر من أمثالكم

دعوة




انتم مدعوون

!! جعصنة

قد يستغرب القارئ الكريم لعنوان المقال .. و معنى جعصنة أي البخل !!

حوار دار بيني و بين أخت كريمة

هي: السلام عليكم و رحمة الله و بركاته
أنا: و عليكم السلام و رحمة الله وبركاته هلا أختي تفضلي
هي: معاك فلانة الفلانية أخت فلان الفلاني
أنا: والنعم و 3 أنعام - أخت واحد من الربع
هي: كلمني أخي عنك و قال لازم نضبطك معانا و نبيك تشاركنا في برنامج تلفزيوني لقناة إقرأ
أنا: خير ؟ شنو طبيعة البرنامج؟
هي: نبيك تسوي لنا مقدمة البرنامج الإنشادية
أنا: مستعد ما عندي أي مانع
هي: أخوي بدون إحراج .. هذا مجال بزنس و لازم تاخذ حقك .. شكثر تاخذ؟ لأنهم - أي مسئولي القناة - يقولون انك تستاهل و ما راح نقصر معاك.
أنا: قلت لها شكثر راح يكلف من الآخر بدون تفاصيل.
هي: راح أنقل هذه التفاصيل لهم إن شاء الله .. وأرد لك خبر

علشان تكونون في الصورة .. الأخت الفاضلة ليس لها علاقة بالقناة .. هي مجرد مقدمة للبرنامج و الأمر بيد مسئولي القناة .. لكن هي مكلفة من قبلهم انها تبلغني.

أرسلوا لي الكلمات عبر الإيميل .. الشاعر كان اسمه أحمد الغزالي .. كلمات خفيفة لطيفة و حلوة و تصلح لمثل طبيعة البرنامج ..
على فكرة اسم البرنامج .. ملكة جمال الأخلاق و راح تبث أول حلقة منه على الهواء مباشرة يوم الأربعاء 4 إبريل.

دزيت الكلمات حق الملحن عبر الإيميل .. و أشوة إنه ما بدا تلحين لأنه الحبايب غيروا رايهم و بلغتني الأخت انه تم تغيير الكلمات و راح يوافوني بكلمات أخرى اقوى و أحلى علا قولتهم !!

كلمت الملحن و قلت له لا تسوي شي للحين ما اعتمدوا الكلمات ..

تباطيتهم و كلمت الأخت .. وين الكلمات !؟ تالي دزتهم لي و قالت: يقول المسئول ترا احنا عندنا استديو و فيه خوش مهندس صوت و وصفت لي إياه و رحت أنا و مهندس الصوت صاحبي حقهم بنشوف شنو الاستديو اللي مدحت لي إياه !؟

المهم يوم وصلنا ولا شنو !؟ سرداب يلوع الجبد و غرفة ألوع و أجهزة قديمة و ما يرقى إلى مستوى أناشيد حديثة ! هذا مستواه عادي جدا يصلح لتسجيل محاضرات و قرآن فقط !!

قلت حق صاحبي: أقول خل نطلع أحسن .. ترا الشغل هني أي كلاااااام ..
و احنا في السيارة نتحلطم .. نقول والله عييييييييييييب .. قناة شكبرها شعرضها صارلها سنين في الفضائيات عيزانة تقط جم مية دينار تسوي لها مقدمة إنشادية مع توزيع راقي و شغل محترم !؟

مالنا إلا أستديوهات شركة رواج - الشركة المنتجة لمسلسل خالد بن الوليد

بدأنا التلحين و سوينا مقطع صغير و دزيناه عن طريق الإيميل علشان يسمعونه و يعطونا رايهم الحبايب
اتصل على مخرج البرنامج .. مصري الجنسية .. لوع جبدي .. ما تيجي عندنا و نسمع لك لايف !!!؟
أنا: لو سمحت أنا دزيت إيميل و فيه المقطع إم بي 3 اسمعه و عطني رايك
هو: ما اتأرب المسافات و تيجي عندنا نتمتع بصوتك !؟ أنا مش مؤمن بالحاجات دي الإيميل و البتاع !!؟
أنا: أخوي أنا واحد ما عندي وقت أتنقل و أروح و أيي .. ترا عندي 16 ألف شغلة غيركم .. بس لو سمحت تعطيني رايك و نتفاهم بعدين
هو: طب ماشي

أثاري تبين لي انهم يبون مقاطع آهات و حركات صوتية كفواصل للبرنامج إضافة إلى المقدمة الإنشادية ..

المهم جاءني الرد من المسئولين عن البرنامج عن طريق الأخت الفاضلة انه الدكتور الفلاني اللي ماسك القناة يقول .. ترا اللي طلبه صاحبكم واااااايد .. شرايج تقولين له المبلغ الفلاني زييييييين ؟

طبعا قسم المبلغ على 3 و شوي وطلعت له حسبة و قال يالله هذا خوش سعر !!

طرارة السالفة !!؟

قالت لي و اهي حدها منحرجة .. والله اني حاولت فيهم علشانك .. بس والله حززززززرة الجماعة .. مع انهم قتاة و عندهم موارد مالية بس يبون الشغل ببلاش !!

أهو أصلا معطين الكلمات حق واحد سوري يبي يسويلهم المقدمة الإنشادية ببلاش !! و مستانسين عليه !! بس هي جزاها الله خير قالت ما أبي هذا السوري يسويها .. صاحبنا أولى اللي هو أنا .. فلما طلبت السعر الفلاني ما عجبهم !!

أنا سمعت الحبيب شمسوي .. مسجل صوته .. ما أنكر أنه حلو .. لكن مواااااال !!؟ شكو مواااال في مقدمة برنامج على قناة مشهورة !؟

فعلشان جذي قالت لي احنا نبيك انت و اخترناك بالاسم و نبي نطلع إسمك ..جزاها الله خير

بس اللي حارني الجعصنة و الحزااارة اللي فيهم .. والله السالفة ما وقفت على 100 ولا 200 دينار .. السالفة انكم يا قناة إقرأ تبون شي يرضيكم و يرفع روسكم ندوا يمااااال الفقر !!

المهم .. سجلنا المقدمة لهم و توزيع خفيف لطيف و حلو و دزيتها بالإيميل لها ... وقلت لها أختي الحساب جذي و جذي كيفكم .. أنا قاط من جيبي حق الاستديو الحين .. تصرفوا
قالت: أكتب لنا فاتورة وفصل فيها شوي .. يعني حساب الاستديو و حساب الملحن و حساب التوزيع و حساب المؤدي
قلت: أوكي أنا ترا بحط المبلغ الفلاني و كيفهم يتصرفون
قالت: توكل على الله و راح أرد لك خبر باجر إن شاء الله بعد ما أقعد معاهم

سمعوا الفلم اللي صار .. اتصلت علي الأخت الفاضلة و قالت لي: ما راح يحطون النشيد اللي سويته إلا بآخر 4 حلقات من أصل 16 حلقة !!!
قلت: إي ليييييش شسالفة !؟ وين اتفاقنا !!؟
قالت: جذي طرت على بالهم يبون مغني يغني لهم أغنية الشارة - البداية - و اللي سويتها بيحطونها بين الفواصل بس بدون أسمك في الحلقات غير الأربع الأخيرة !!
قلت: ما اتفقنا على جذي !!
قالت: والله شسوي أنا مالي شغل أهم أصحاب القرار .. بس النشيد اللي سويته راح ينحط في مقدمة البرنامج في الحلقات الأربعه الأخيرة و مع اسمك
أنا بلعتها و سكت .. لأن صج لوعي جبدي بتعاملهم الزفت !!

و آخر شي دزت لي مسج و تقول انهم مو راضين على المبلغ اللي حطيته !! و تقول نقص منه 50 دينار و أنا أتصرف بالباقي !!

صج مسخرة القناة !!

لا و فوق هذا الأخت هي مقدمة البرنامج .. سألتهم مرة عن مكافأة رمزية نظير الجهد المبذول في الإعداد .. سوولها سالفة !!
تقول والله ما طلبت على الحلقة مبلغ و لو أطلب هذا من حقي .. لكن بس يبت طاري مكافأة صارت سوالف !!

عيب يا قناة إقرأ .. تبون الناس تشتغل لكم ببلاش و تكدون خير على أفاهم !؟