في طريقي من المنطقة الحرة لحضور اجتماع في مدينة الكويت .. لمحت إعلان لشركة زين على طريق الجهراء مقابل الشامية مكتوب فيه احفظ أرقامك !!
طبعا بلاغة الشف اشتغلت فبادرت بالاتصال 107 .. طوووووووط .. مرحبا بكم في زين .. رصيدك الحالي هو .. و أخذ الرد الآلي بصف الأرقام تباعا و أنا أتحسر على الفاتورة .. توني دافع قبل أسبوع !!
الموظف: معاك فلان تفضل ..
أنا: شنو هذي الخدمة اللي معلنين عنها في الشوارع .. احفظ أرقامك؟
الموظف: هذي خدمة يديدة .. تشترك فيها .. و تقدر من خلالها تحفظ كل بياناتك على الجهاز .. من صور و فيديو و أرقام .. على سيرفر خاص
أنا: شلون ؟
الموظف: تقوم بالاشتراك عن طريق خطوات معينة
أنا: جم تكلفة الخدمة؟
الموظف: 12 دينار في السنة
أنا: يعطيك العافية
الموظف: خدمة ثانية؟
أنا: لأ .. مشكور أخوي ما قصرت
الموظف: زين تشكر اتصالك
تعليقي:
ماهي أهمية بياناتك بالنسبة لك؟
هل تعتقد أن هذه الخدمة مميزة و تفيدك؟
هل تثق في الشركة بعدم الاطلاع على بياناتك من أرقام و صور ؟
بالنسبة لي .. آخذ باك آب - نسخة احتياطية - كل فترة من موبايلي بما فيها الأرقام و أخزنها على اللابتوب .. فما عندي مشكلة في التعامل مع بياناتي، و ليش أحط 12 دينار سنويا على شي أقدر أسويه في بيتنا وأضمن خصوصيته و عدم وصول أحد غريب لبياناتي.
أرى أن الخدمة للناس اللي مالهم خلق يسوون
Synchronization
مع أجهزة الكمبيوتر الخاصة فيهم رغم توفر البرامج مع كل جهاز تشتريه لتمكينك من أخذ نسخة احتياطية لجميع بياناتك على جهازك الخاص و بسهولة و أمان.
موقع الخدمة
طبعا بلاغة الشف اشتغلت فبادرت بالاتصال 107 .. طوووووووط .. مرحبا بكم في زين .. رصيدك الحالي هو .. و أخذ الرد الآلي بصف الأرقام تباعا و أنا أتحسر على الفاتورة .. توني دافع قبل أسبوع !!
الموظف: معاك فلان تفضل ..
أنا: شنو هذي الخدمة اللي معلنين عنها في الشوارع .. احفظ أرقامك؟
الموظف: هذي خدمة يديدة .. تشترك فيها .. و تقدر من خلالها تحفظ كل بياناتك على الجهاز .. من صور و فيديو و أرقام .. على سيرفر خاص
أنا: شلون ؟
الموظف: تقوم بالاشتراك عن طريق خطوات معينة
أنا: جم تكلفة الخدمة؟
الموظف: 12 دينار في السنة
أنا: يعطيك العافية
الموظف: خدمة ثانية؟
أنا: لأ .. مشكور أخوي ما قصرت
الموظف: زين تشكر اتصالك
تعليقي:
ماهي أهمية بياناتك بالنسبة لك؟
هل تعتقد أن هذه الخدمة مميزة و تفيدك؟
هل تثق في الشركة بعدم الاطلاع على بياناتك من أرقام و صور ؟
بالنسبة لي .. آخذ باك آب - نسخة احتياطية - كل فترة من موبايلي بما فيها الأرقام و أخزنها على اللابتوب .. فما عندي مشكلة في التعامل مع بياناتي، و ليش أحط 12 دينار سنويا على شي أقدر أسويه في بيتنا وأضمن خصوصيته و عدم وصول أحد غريب لبياناتي.
أرى أن الخدمة للناس اللي مالهم خلق يسوون
Synchronization
مع أجهزة الكمبيوتر الخاصة فيهم رغم توفر البرامج مع كل جهاز تشتريه لتمكينك من أخذ نسخة احتياطية لجميع بياناتك على جهازك الخاص و بسهولة و أمان.
موقع الخدمة
11 comments:
هذه خدمة حق الناس اللي فيهم عيز!
والشركة تبي تربح..
يعطيك العافية
حاط دوبك و دوب شركات الاتصالات !!
خلصنا من الوطنية يينا على زين ;p
هالخدمة بالنسبة لشخص مطلع على التكنولوجيا و عارف شلون يتعامل مع جهازه ..
مو بس يدق و يدز مسج
اكيد ما راح تنفع !!
لكن في ناس صج ما يعرفون !!
يعني اذا ربع العملاء اشتركوا فالشركة اربحت!
و اربحت فوقها اعلان عن الشركة بكل الكويت !!
هذي سياسة تتبعها الشركة ..
مو بس زين كل الشركات الكبيرة !
تسوي من الحبة قبة ..
حتى ابسط الامور ممكن انها تقوم فيها !!
و مهما كانت الخدمة عادية !
لكن بالنسبة للشركة يضيف الى رصيدها الكثير !!
يعني مثلا بيت التمويل !
لما وزع الخصومات على العملاء !
هل معقولة انا بروح كبابجي مثلا و اعطيه الكرت عشان يخصملي 100 فلس على الوجبة !!
عيزانة عليها يعني ؟
طبعا لأ ..
لكن بالكويتي نقول اسمها سوت شي !
و اسمها خبت الناس و حطت اعلانات و نافست الشركات الثانية بالسوق !
وبالنسبة الى اسئلتك !
اكييد ما اثق بالشركة هذا اولا !
و بالنسبة الى البيانات ..
ما يهمني شي كثر الارقام فقط !
و الخدمة ما تفيدني نهائيا ..
الله يعافي اللاب توب ..
و زين كافي عليهم الاشتراك و المكالمات ;p
كل شي يمشي بهالديرة !
لو يبعون هوا بقراش، في خبول بيشترون !!
Q8 chili
والله الكسالى وايد
ويقولك رزق القطاوه على الخاملات
وحتى خدمة لعفاسي مثلا
وخدمة القرآن الكريم اللي يدزولط مقاطع من القرآن الكريم
يعني بالله اكو احد ما عنده ختمه بالبيت
ونسخه اصلية بعد
والشركة مدخله بلالالالالالالالالالالاوي من هالسوالف
وسلامة قلبك
سؤال؟؟؟
اذا كانت عندك شركة اتصالات ...شنو الخدمات اللي بتطرحها؟؟؟
:)
وعلشانكم نهتم بتلفوناتكم
آنا أقول زين وغيرها من شركات الإتصالات مقزرينها على ربعنا حيل وقاعد يطلعون من وراهم كنوز .
بو وليد لو كان العقاد موجود جان الحين مسخرهم وتولاهم بو وليد أنت من النوع الي يحذف أي شي يلقاه يمه :).
hamooora
صدقتي .. الناس العيزانة و اللي ما عنده وقت بعد ..
الله يعافيج :)
qiyadiya
وانتي حاطة دوبج و دوبي
:P
خليني أفضفض على راحتي .. الواحد ماله متنفس إلا هالمدونة :)
قطعا هذي الخدمة ماراح تنفعني .. و أنا متأكد مو كل الناس مطلعة على التكنولوجيا .. و في ناس ما تدري شلون أصلا تاخذ نسخة احتياطية للحين فأكيد بيفكرون يستخدمون هالخدمة ، لكن اللي مو فارقة وياهم سواءا ضاعت بياناتهم ولا ما ضاعت .. مالهم شغل، و هؤلاء كثير.
فعلا .. أنا أقدر أستنتج الحين إن بعض المنتجات لو تكون سخيفة .. لكن مع الحملة الإعلانية القوية ستصبح هذه الخدمة بقدرة قادر إلى شيء ضروري لا يمكن الاستغناء عنه.
وليييين .. شكو بيت التمويل الحين !؟
:P
حياج الله :)
q8 chili
و انت صاج :)
3ateeja
أنا اللي أعرفه ان ... رزق الهبل على المجانين .. شلون صارت رزق القطاوة على الخاملات ؟
:P
أشم ريحة طنازة من هالفقرة
"و علشانكم نهتم بتلفوناتكم " ؟
:P
لو عندي شركة اتصالات .. أوزع ككاو .. شكو !؟
:P
حياج الله
صقر قريش
أغلب التجار مقزرينها على أفا الناس !!
ترا ذبحتنا بالعقاد !
:P
إي دير بالك .. اقضب راسك لا يجيك شي طاير
:P
لوول, اصلا محد قاص عالناس غير هالشركات
وانا وحدة ما اهتم بالبيانات
مادري ليلحين ما شفت مشكلة عشان احتفظ فيها
!! وصراحة لأ, ما اثق بالشركة
sim sim
على الأقل لازم يكزن عنج اهتمام بأرقامج .. و هذا كله ما يحتاج انج تشتركين بالخدمة .. أظن الخدمة ما راح تمشي
سخافه و ما عندهم سالفه و يبون يقصون عن الناس بأي صوره
ماهي أهمية بياناتك بالنسبة لك؟
مهم
هل تعتقد أن هذه الخدمة مميزة و تفيدك؟
لا .... و اكيد فاشله تقنياً مثل باقي خدماتهم
إذا المكالمه 60 مره تطيح، عيل شلون خدمه ثانوية جذي؟
هل تثق في الشركة بعدم الاطلاع على بياناتك من أرقام و صور ؟
كلش ما اثق
مثل ما يبيعون سي ديات الارقام على الشركات الاعلانيه، يبيعون بيانات ثانيه .. .ليش لأ
حسام بن ضرار
يبيعون سيديات على الشركات !!!!؟
أنا أول مرة أدري !
أثاري الشركات اللي تدزز إعلانات مو عشوائية طلعت !!
كلها إعلانات موجهة لأرقام معينة !!؟
صراحة الشركة في هذا المجال تفتقد الحفاظ على خصوصية العميل !
Post a Comment