سمعت من صديقين اثنين - مو واحد - عن الصاج الجبار حلوم مع بيكون من مطعم زعتر و زيت، فقلت لابد من تجربته .. أخذت رقمهم و اتصلت من المكتب قلت بتريق اليوم حلوم مع بيكون.
أنا: ألو مرحبا .. زعتر و زيت؟
المطعم: أهلا اتفضل
أنا: بغيت أطلب واحد صاج حلوم مع بيكون توصلون؟
المطعم: بنوصل آه بس أقل طلب دينار و نص
طبعا أنا عندي خبر ان سعر الصاج بدينارين و ميتين فلس !!
عطيته العنوان و قال لي 50 دقيقة يكون عندك .. هالحجي الساعة 10 ص تقريبا، طبعا صارت الساعة 11 و ما وصل الطلب، اتصلت ولا ترد لبنانية و تأكدت من العنوان و الاسم و قالت أتصل عليه و أردلك خبر.
نطرت عشر دقايق و اتصلت عليها و سألتها شصار؟
قالت: ما وصلك الطلب للحين !؟
أنا: ما وصل انتي قلتي لي بتتصلين تتأكدين وينه
قالت: اتصلت و قال وصل الطلب عندك و اندفع في الدور الفلاني و الإدارة الفلانية - العنوان صح - للسيد خالد من ربع ساعة
أنا: أي خالد و أي بطيخ - انفجرت - صارلي ساعة و ربع أنطر الطلب لا بارك الله فيكم و الحين تقولين لي صار له ربع ساعة موصل الطلب .. شنو هالخدمة الزفت !؟ أتريق فيه الحين ولا أتغدى ؟؟ أنا شمالة معطيكم اسمي الكامل !!؟ مو علشان الثور يتأكد ان الطلب يوصل صح !!؟ الشرهة على اللي طالب منكم .. طوووووووووط و سكرته !!
طلعت من مكتبي و أحس دمي فوووور من غباء اللي وصل الطلب .. وقعدت أفكر منو الـ (.....) اللي اسمه خالد و قبل انه يستلم الطلب و يدفع !!!؟
بيني و بينكم نائب مدير إدارتي اسمه خالد .. شكيت في الموضوع و سويت نفسي مار عليه و ما شفت عنده شي !!
فكرت منو في المبنى اسمه خالد .. باقي 3 ما شيكت عليهم .. بس قلت فشلة .. رديت مكتبي و خاطري بالصاج الجبار .. و قلت لو حصلته .. راح يكون متسس و باااارد و دم ضروسي الأكل يبرد !!
اتصلت على صاحبي اللي قايل لي اطلبها و شكيت له الحال و قعد يضحك علي !! شوي ولا خط ثاني من الدوام .. قلت له أشوف من اللي داق و أدق عليك .. يوم رديت
الزميل: الأستاز خالد؟
أنا: أي نعم تفضل
الزميل: في طلب باسمك
أنا: و ينك انت الحين؟
الزميل: احنا جنبيكم الإدارة الفلانية - بكل بروووووود -
و في هذه الأثناء .. دخل علي واحد مصري شكله مال مطعم و بيدينه جيس نايلون .. بس الشكل شكل جيس مطعم هندي !!
مال المطعم: ده الطلب بتاعك يا أستاز خالد
أطالع الفاتورة و لا صمونة بيض و صمونة حلوم و مشكل .. لا واسم اللي طالب هم خالد !!
رديت على الزميل:
أنا: يا حبيبي الطلب اللي بيدكم من زعتر و زيت؟
الزميل: أيوة هو كأنه بيتزا - يكون مو مبطل القوطي و مجيك على الطلب - و مكتوب عليه اسم المطعم اللي بتئول عليه
أنا: الحين في واحد عندي يقول انه الطلب اللي بيده لي .. هذا لكم يا بابا .. يرحم أمك اطلع لي بالممر لو سمحت
أكلم مال المطعم و أقوله الحقني .. هذا مو طلبي !!!
و تبادلنا الطلبات و طلعت بوكي و أقول حق الغلطان بالطلب .. اخذ فلوسك .. و هو يقول "لأ لأ خليها علي .. عزومة دي .. المرة دي علي" .. أنا و دي أزنطه و عطيته دينارين و مشيت
في المكتب
الصاج .. سامحونا على القصووووووور !!! باااارد و و يابس !!
حسافة على الدينارين والله !
طبعا خالد الثاني اللي طالب المشكل واحد من ربعي و أمون عليه .. بس ما أدري هذا الملقوف ليش كلمني نيابة عنه !!
ملاحظة: التنرفز اللي صار علشان غباء العاملين في المطعم
أنا: ألو مرحبا .. زعتر و زيت؟
المطعم: أهلا اتفضل
أنا: بغيت أطلب واحد صاج حلوم مع بيكون توصلون؟
المطعم: بنوصل آه بس أقل طلب دينار و نص
طبعا أنا عندي خبر ان سعر الصاج بدينارين و ميتين فلس !!
عطيته العنوان و قال لي 50 دقيقة يكون عندك .. هالحجي الساعة 10 ص تقريبا، طبعا صارت الساعة 11 و ما وصل الطلب، اتصلت ولا ترد لبنانية و تأكدت من العنوان و الاسم و قالت أتصل عليه و أردلك خبر.
نطرت عشر دقايق و اتصلت عليها و سألتها شصار؟
قالت: ما وصلك الطلب للحين !؟
أنا: ما وصل انتي قلتي لي بتتصلين تتأكدين وينه
قالت: اتصلت و قال وصل الطلب عندك و اندفع في الدور الفلاني و الإدارة الفلانية - العنوان صح - للسيد خالد من ربع ساعة
أنا: أي خالد و أي بطيخ - انفجرت - صارلي ساعة و ربع أنطر الطلب لا بارك الله فيكم و الحين تقولين لي صار له ربع ساعة موصل الطلب .. شنو هالخدمة الزفت !؟ أتريق فيه الحين ولا أتغدى ؟؟ أنا شمالة معطيكم اسمي الكامل !!؟ مو علشان الثور يتأكد ان الطلب يوصل صح !!؟ الشرهة على اللي طالب منكم .. طوووووووووط و سكرته !!
طلعت من مكتبي و أحس دمي فوووور من غباء اللي وصل الطلب .. وقعدت أفكر منو الـ (.....) اللي اسمه خالد و قبل انه يستلم الطلب و يدفع !!!؟
بيني و بينكم نائب مدير إدارتي اسمه خالد .. شكيت في الموضوع و سويت نفسي مار عليه و ما شفت عنده شي !!
فكرت منو في المبنى اسمه خالد .. باقي 3 ما شيكت عليهم .. بس قلت فشلة .. رديت مكتبي و خاطري بالصاج الجبار .. و قلت لو حصلته .. راح يكون متسس و باااارد و دم ضروسي الأكل يبرد !!
اتصلت على صاحبي اللي قايل لي اطلبها و شكيت له الحال و قعد يضحك علي !! شوي ولا خط ثاني من الدوام .. قلت له أشوف من اللي داق و أدق عليك .. يوم رديت
الزميل: الأستاز خالد؟
أنا: أي نعم تفضل
الزميل: في طلب باسمك
أنا: و ينك انت الحين؟
الزميل: احنا جنبيكم الإدارة الفلانية - بكل بروووووود -
و في هذه الأثناء .. دخل علي واحد مصري شكله مال مطعم و بيدينه جيس نايلون .. بس الشكل شكل جيس مطعم هندي !!
مال المطعم: ده الطلب بتاعك يا أستاز خالد
أطالع الفاتورة و لا صمونة بيض و صمونة حلوم و مشكل .. لا واسم اللي طالب هم خالد !!
رديت على الزميل:
أنا: يا حبيبي الطلب اللي بيدكم من زعتر و زيت؟
الزميل: أيوة هو كأنه بيتزا - يكون مو مبطل القوطي و مجيك على الطلب - و مكتوب عليه اسم المطعم اللي بتئول عليه
أنا: الحين في واحد عندي يقول انه الطلب اللي بيده لي .. هذا لكم يا بابا .. يرحم أمك اطلع لي بالممر لو سمحت
أكلم مال المطعم و أقوله الحقني .. هذا مو طلبي !!!
و تبادلنا الطلبات و طلعت بوكي و أقول حق الغلطان بالطلب .. اخذ فلوسك .. و هو يقول "لأ لأ خليها علي .. عزومة دي .. المرة دي علي" .. أنا و دي أزنطه و عطيته دينارين و مشيت
في المكتب
الصاج .. سامحونا على القصووووووور !!! باااارد و و يابس !!
حسافة على الدينارين والله !
طبعا خالد الثاني اللي طالب المشكل واحد من ربعي و أمون عليه .. بس ما أدري هذا الملقوف ليش كلمني نيابة عنه !!
ملاحظة: التنرفز اللي صار علشان غباء العاملين في المطعم
50 comments:
awwww this is really sad ,,
your first time with 7aloom and bacon shouldn't be like this :(
inshallah next time you will have a better one ,, o hawenha o t'hoon =)
اخوي اسمح لي
انت وايد وايد عصبي و بزيادة
تشق هدومك و معصب و طالع النار من خشمك ، كل هذا عشان الصمونة تأخرت ؟
شدعوة يبا ؟ الدنيا مو طايرة . اذا على هالامور تعصب ، عيل شتسوي بالامور الثانية اللي فعلا تستاهل العصبية ؟
شالسالفة يا الطيب
رسولنا صلى الله عليه وسلم قال
لا تغضب و لك الجنة
على صمونة تغضب !!!
و تسب الريال و تقول عنه ثور
الصراحة انصدمت فيك
ما أعتقد الملاحظة صحيحة
;)
ليش ما زرقت الشاميه كليتها و رجعت يمكم
do you eat bacon!
ما هقيتها منك والله
هاهاهاهاها
متفائلون
مصدومةمثلك
بس ما عرفت خالد حااار بطن
ههههههههههههههههههههههههه
ههههههههههههههههههههههه
هههههههههههههههه
loooooool
اهي السالفه اتبط الجبد .. خصوصا انك كان خاطرك في
بس عاد مو كل هالعصبيه .. المره اليايه ازرق تريق برا على الاقل غير جو
:)
الحين ما عرفت الصاج حلو ولا لأ ؟
ما تنلام يا خالد.. كله الا البطن ، اهو اللي ممكن يودي الواحد بداهية
و قديما قالوا...
مجابل الجيش و لا مجابل العيش
يعني الواحد يكون بوسط المعركة و لا أنه يجابل صينية العيش و يتمقل فيها و اهو يوعان و مو قادر ياكل منها... او بهالحالة يدري انه يايه اكل و صاحبنا اللي يايبه مضيع
:D
تدري عاد...
اذا قلتلك إن مره صار معانا موقف مشابه مع نفس المطعم !
احنا كنا طالبين منهم غدا... و تأخرو علينا لما المغرب !
و آخرتها الحبيب طاق الجرس علينا... جان اقوله شيل قشك و ارجع مطعمكم ، ما نبي أكلكم !
بعد ما راح بمدة اتصل علينا واحد من المطعم يتأسف و قالنا بنعوضكم ، طلبوا اللي تبون و نييبه لكم ببلاش :)
فالحمد لله.. صج يوعونا ، بس بالاخير طيبوا خاطرنا
:)
آآآآآخ
ذكرتني بالحمير ملوت المطاعم
ادق على كبابجي يطلع لي حمار يشيل التلفون:
يطلب رقمي: اعطيه رقم بدالة الدوام
يقول بس ده مسجل بإسم واحد تاني
اقول له زيد عليه الرقم الداخلي
الخانه متكفيش اكتر من سبعة ارقام
قلت له: زين خذ عندك رقمي المباشر
جان يقول ميصحش، لازم رقم واحد بس للمكان الواحد
قلت له: عيل اخذ الطلب اللي بطلبه منك و رك عليه
قال: معلش، يعني ايه روك عليه؟
هالحمار، يعني ستين ألف موظف من الشركه كلهم بيطلبون على اسم و رقم موظف واحد؟
الواحد بيطلب اكل ولا بيفتح صندوق بريد؟
---------------
الحمار الثاني مال مطعم نايف بوحده من المناطق
طبعاً احجام دجاج الشوايه بنايف تتفاوت
ولازم تحرص عليهم عشان يجيبون لك ديايه كبيره
وقفت و طقيت هرن و طلع لي الاخ سوبرماريو اللي يشتغل بنايف
اقول له: عطني دجاجة شوايه، بس جيب وحده كبيره
قال: كلهم نفس الحجم سيادتك
قلت له: طالع الشوايه و قول لي اذا كلهم نفس الحجم ولا لأ
جان يطالع الشوايه الحمار و قال : آآآه كلهم نفس الحجم
قلت له: لاوالله؟ عيل اذلف عن ويهي
قال طب ليه حضرتك؟
قلت له: عشان ما تستخف دمك على الزباين مره ثانيه
يعني قص علي و قول لي حجيب لك كبيره، لازم تفلسف؟
-------------------------
اما الحمار الثالث من كبابجي
وصل الدوام تحت عند السكيورتي و يشتغل علي
Missed Calls
عشان ارد ادق عليه و تصير المكالمه على حسابي
قمت ارد ادق عليه
Missed Calls
لين طفر و قمت استقبل اتصاله و اصكه بويهه
يوم طلعت حرتي فيه
نزلت له تحت عن السكيورتي
قلت له: ليش تعطي مسد كول؟
قال: منشان بلوس مال تلبون
زين يا حمار عندك بداله عند السكيورتي قول لهم يطلبوني حالك حال باجي المطاعم
لازم حميره؟
حسام بن ضرار
عفوا اخوي ، انت عاجبك اسلوبك ؟
جم مرة عدت كلمة حمار ؟
حسام بن ضرار و حالتك حالة و أدب و اسلام . هذا اللي علمك اياه الادب و الاسلام ؟ ردك لا يمت لهم ب صلة !!!
سؤال ، اذا كل هذا عشان اكل ، شتسوون عيل برمضان ؟ تفجرون بالناس يمكن
متفائلون:
و دام انك سألتني بصراحه بجاوبك بصراحه
عاجبني اسلوبي و مالك خص فيه
و لاهي مدونتك
او بالاحرى : مو مدونتكم
:P
حسام
صج ترا
فى بنات
راعوا وجودنا
تخيل وحده من خواتك قاعدة تقرا
طول عمرنا نقول إنك قدوة
والنعم فيك
هدوا اللعب شباب
ما سوت عليكم أكله فطاير
هاهاهاهاهاها
Яeema:
اختي يزاج الله ألف خير
و شهاده منج اعتز و افتخر فيها
بس ليش التهويل؟ بسم الله شقايل انا؟
كاتب قصه رايحه فيها - و العياذ بالله- ولا خادش حيائكم؟
غير ان الواحد عكس حقيقة غباء بعض عمال الديلفري؟
كلمة "حمار" عزج الله اهي وصف ياما قريناه بالمدونات
عموماً اشكرج على التنبيه
ولو اني متأكد اني تجاوزت مثل مدونات اخرى تجاوزت حتى على الدين و الذات الإلهيه و اللي اتمنى انج بعد ما تبخلين عليهم بنصايحج
لأن هالكلمه اللي وصفت فيها غباء العمال تطلع نقطه في بحر بالنسبه للي يكتبونه الآخرين
فياليت نسمع هالنصح و الموعظه تجاه من يستحقهم فعلاً
يا جماعة الظاهر ان الموضوع مسوي أزمة ..
:P
أنا ترا حبيت أطلع موجة شوي و أغير الجو و أكتب موقف فكاهي صار لي !!
شسالفة متفائلون !!؟ ترا شقيتونا !!؟
شنو منصدمين و ماني عارف شنو !!؟
شقلت أنا بالله !؟
ثاني شي ..
الكتابة غالبا ما تختلف عن الواقع .. و الموضوع لو تجيكون عليه تلاقونه مكتوب بعد ساعات من الموضوع ..
يعني المود تغير بعد بريك الريوق و دشيت اجتماع و طلعت و لوووية ..
شللي يخليكم متأكدين و تحكمون علي اني شرارة و بفجر بالأوادم و من هالحجي !!؟
و منو قالكم هذا طبعي !؟ هذي خامس مرة أطلب ريوق خلال سنة يكون في علمكم !!
متفائلون .. حياكم الله
feminist
اي والله ..
ان شاء الله المرة الياية أمرهم أحسن
حياتي مو عبث
صحيحة
Reema
كنت متأخر على الدوام و ما أبي أتأخر زيادة
;P
خلاص المرة الياية أطلب أول ما أقوم من النوم .. علشان ألاقي مال المطعم ناطرني هناك !
و منو قالج حار بطن !؟
الافتراء مو زين
:P
why me
إي هذا الرد اللي يونس .. يا جماعة أنا كاتب موضوع أغير فيه جو .. مو كاتب موضوع علشان الواحد يحلل شخصيتي !!
ان شاء الله المرة الياية إذا لقيت وقت زرقت
حياج الله
:)
kuwson:
بعد تسأل شسويت؟
يكفي انك خدشت حياء المتفائلون
او بالاحرى:
حياءات المتفائلون
الله يهداك خليتهم ينصدمون منك
زين جذي؟
هذيل و اهم متفائلون حايشهم احباط و تنرفز جذي
الله يعين لو متشائمون؟
انا اقترح تطيب خاطرهم و تصلح الصدمه على حسابك
:P
حسام بن ضرار
هدي اللعب .. كرت أصفر
:P
يبة أنا أرحب بجميع الآراء .. خذ راحتك دام انك ما تعديت على أشخاص بأسمائهم ..
عادي ترا الواحد يفش خلئه و يطلع اللي في خاطره ..
يعني أنا مثلك .. احتريت و قلت عن مال المطعم ثور ..
و طب لي متفائلون سلايد ما أدري منين الله يهديه .. و عفس المود و سواها محاضرة !
blog 3amety
والله حلو .. بس مشكلتها باااردة .. و متأكد لو كانت حارة راح يكون لها موضوع ثاني
:)
حياك الله :)
Moayad
تصدق .. غلطتي اني رحت استلمت الطلب !!
المفروض أحقرهم و أخليه عندهم .. لأني ما استفدت صراحة .. الأكل بااارد !
ما أدري شحادني و طالب من برة .. يا زين البسكوت و الجاي حليب :)
لا والحين طايحين له يسوون كوكتيل .. خلاطة و حركااات :)
حسام بن ضرار
أعود مرة أخرى للرد على المواقف البايخة اللي صارتلك ..
أنا ما أسويها صراحة .. برستيجي ما يسمح
:P
أو بالأحرى مو من النوع اللي ينزر و يزف !
انت شكلك كنت متنرفز منهم من عدة مواقف متراكمة من زمان :)
هذا العشم طال عمرك
و الله الواحد يتشرف يشارك بمدونات حره و بنفس الوقت واعيه مثل مدونتك
رداً على تعقيبك
تفسريك تقريباً صحيح
ساعات الواحد يفش خلء الدوام فيهم
استغفر الله
يا جماعة أهم شي الالتزام بأدب الحوار :)
ما له داعي نصعد الموضوع .. الدنيا ما تسوى .. هدوا اللعب ولا استخدم صلاحياتي
حسام بن ضرار
تسلم لي .. عزيز و غالي :)
الأسبوع الياي بسوي
Hallomi & Bacon BBQ night
انت معزوم و فريق متفائلون معزوم
أيضاااا .. نبي فريق قوي حق كوت بو ستة
يا جماعة الغشمرة مطلوب في بعض الأحيان .. لكن ما نزعل بعض
بووليد اول شي الحمدلله على السلام هدي يمعود لاتصير عصبي مثل حالتي آنا مره طلبت من مطعم توصيل للبيت بعد كنت موصل حدي ومال المطعم قايل لي (تلاتين دئيئة والطلب عندك يافندم)المهم بدل التلاتين دئيئة صارت تسعين دئيئة !! وآنا شخلتهم بالتليفونات ياني راعي المطعم عطيته زفة محترمة وقتله بأمريكا إذا تأخروا عن الموعد خمس دقايق يسلمون الوجبة في بلاش قالي هذا خدها ببلاش جان أقوله آنا ودي بس عن الحلال والحرام مظطر إني اعطيك عصبي بس قلبي طيب :)
بو وليد الدنيا ماتسوى وبالكويت إذا ماتأخروا عليك بالموعد تصير حالة نادرة :)
الحمدلله على سلامتك اشتقنا لمواضيعك بس مادري شفيك رافع الجام علينا :)
جنه فيها ريحة أكل !!
متى العشاء ؟
صقر قريش
الله يسلمك .. لا يت سليمة هالمرة .. ماكو إصابات لا تحاتي ..
والله يا أخوك كل ما أمر على ديوانيتك أقصد مدونتك و بسلم ما ألقاك
:P
إن شاء الله ما يصير خاطرك إلا طيب :)
abdull
يااااك بو عابد من بعيد على الريحة ..
ان شاء الله أعلن عنه في الموضوع القادم إذا ما نسيت
:P
بو وليد
المهم تسير وآنا ألقاك :)
hehe i really enjoyed what happen here ;p
you guys you really have to come down ;p
صقر قريش
ما يصير خاطرك إلا طيب ..
Feminist
We are good people .. we were joking :)
:)))
بس تبى نصيحتى لا تطلب صاج توصل
لان الصاج لى برد ما ينبغا
عادي هذي سالفة كل مطعم
تخيل مرة طلبت من موقع طلبات اوكي طلبت من بلاك اند وايت و الله نص ساعة و اهو عندي
و مرة ثانية اتصلت عليهم و طلبت قالي بعد ساعة يوصل الطلب ان شاء الله
و فعلا بعد ساعة وصل
الحين شل الفرق بينهم و بين موقع طلبات
معرفش
جرب التيركي وايد حلو
عوافي
lo0o0o0o0ol
بالعافيه :P
انا امس طالبة من كبابجي
دقيت طلبت الساعه 1 الظهر
صارت 2 ولما الحين ماوصل
وكل شوي ادق يقولون لي 5 دقايق ويوصل
آخر شي صارت 3 ونص
وانا ميتة من اليووع
دقيت كنسلت الطلب وقتلهم آخر مرة اطلب منكم
صار شوي جان يدق المدير
يقول لي احنا صارلنا ساعه ندق عليج ماتردين
!!
قتله اصلا انا قاعدة يم التلفون مادقيتوا
!!
صج نرفزوني
الله يعافي برجر كنج ربع ساعه يوصل
:P
loool away shay 3alaik bel3afyaaa ;p
ow ba3dain lat3aseeb eldenya mateswaa yertefe3 tha'36eik 3ala akel ! ;p
bs ham ana lo menik ow eyeny el6alab ma akhtha ! shasawy feeh 3ogob sa3a ow shway ! :O
akhaleeh 3enda 7alal 3alaih ;p
esta'3farallaa takel bacon ? laaa ow kalaita bareeed !! ;S ( 3alaik bel3afya :D )
yuba next time lai ba'3ait tetrayag roo7 enta elma63am lata6leb belphone wely e3afek bacher nesma3 hosha beldawam wela khalid ow ra3y elma63am met'hawsheeeen ;pP~
شكرا لك اخ خالد على الرد باحترام
ليتك يا حسام بن ضرار تتعلم من خالد شلون يرد على الناس
مع انني اشوف تصرفه غلط مع المطعم ، لكنه رد على كلامي باسلوب زين
إنما انت يا حسام بن ضرار قاعد تتطنز على اسمي و تقول كيفي ومادري شنو جنة و مو مدونتك و جنة قاعدين بالروضة على هالحجي
للأسف انت كنت من الاقلام اللي احبها وايد و اتابعك مدونتك باهتمام . لكن ردك علي هذا هز صورتك هزة كبيرة و ما راح انساها لك
متفائلون:
:)
عزيزي ما همني بتنساها ولا منت ناسيها
ان شاء الله تسوي مليون باك اب
وابيك تعرف ان تعليقاتك هذي قاعد تخرب عليك انتو بالذات اكثر من غيرك
لأنك قاعد تتكلم جدام ناس واعيه
:)
و انا تلبية لطلب الاخ خالد
و هو عزيز علي
راح اتحفظ عن الرد على باجي استفزازاتكم
و راح اكتفي بالتمني انكم مره ثانيه انك ما تتدخلون -سلبياً - بما لا يعنيكم و تعكرون و توترون الامور
و السلام
و ازيد اني اتشرف اتعلم من خالد و من اي شخص عزيز و محترم مثله
و بنفس الوقت مو بحاجه لأخذ النصايح منكم فوفروا خدماتكم لأنفسكم
:)
Charisma
هذا اللي بيصير المرة الياية إن شاء الله
Dandash
مطعم أسود و أبيض ما جربته .. شكله زين ما أدري !
أنا دشيت موقع
6alabat.com
و شفت المينيو مال زعتر و زيت و عرفت شنو بطلب و خذيت رقمة و اتصلت و يا ليتني ما اتصلت ..
حياج الله :)
Najmah
أنا عندي أروح للمطعم و استلم منه أبرك و أسرع لي و أضمن .. لو يبرد على الأقل تكون غلطتي و أنا عارف ليش برد !!
بس التوصيل مو من ربعه كلش ..
حتى برغر كنج .. لو بفكر أطلب منه .. أروح له
عوافي :)
Hanan
الله يعافيج .. شسوي .. ساعات الواحد يتنرفز .. بس الأهم ان يكبح جماحه و لا ينطلق !
الموقف فيه أكشن شوي .. حبيت أنقله لكم :)
لا تحاتين .. هذي آخر مرة أطلب من مطعم بالتلفون
حياج الله :)
متفائلون
العفو ..
بس ماله داعي نجرح و نقول شوف فلان أحسن منك .. تعلم منه !
على العموم .. شرفتنا و حياك الله :)
حسام بن ضرار
لفت نظر من الأدمن مال المدونة
:P
هدي اللعب عزيزي ..
أشكرك على الكلام الجميل .. ما عليك زود ..
و حياك الله يا بو ضرار .. المكان مكانك :)
هونها وتهون
ويييييييه ماسوت عليك هالصاج...يمدحون النسكافيه والدايجستف الصبح وخل زيت وزعتر حق بالليل...:P
اخ حسام بن ضرار
رسولنا صلى الله عليه وسلم كان يقبل النصيحة حتى من اصغر الناس
مو شرط يطبقها ، لكن ما يستهزىء من اللي نصحه !
انت يعني بتصير احسن من الرسول و ما تقبل النصيحة مني ؟
انا ادري فيك حار بطن بس ما توقعت الى هذي الدرجه الريال ما غلط ليش تغلط عليه الصراحه طحت من عيني
بهالموقف البسيط ما عرفت تتصرف وعصبت و بتشق هدومك على شنو صمونه تاخرت 10 دقايق ؟؟؟؟
انا مصدوم في ناس شذي
اقتراح بسيط اذا يابولك طلبك بارد روح عند الفراش و سخنه بالميكروويف
عالعموم بالعافيه
واذا بتزعل و تعصب ازعل على شي يسوه
واذا زعلت على سندويشه نصيحه اكلها ولاتقول حق احد وتكتب بلوق طويل عريض وتشق اهدومك على سندويشه
فتى الجبل
هانت هانت .. :)
tekana
إي والله .. يازينه على الصبح .. ما تحسين باليوع لين الغدا !
متفائلون
جزاك الله خير .. النصيحة لوجه الله :)
Seven
روح موت .. إن شاء الله على يوم بييب معاي الصاج في ديوانيتك .. كل الشباب ياكلون إلا انت ..
:P
انا اتمنى انك تييب شي للشباب وتطمن انا مسوي ريجيم ما راح اكل وما يهمني الاكل واعصب واشق اهدومي على صمونه
خلاص انت ييب تنقنق حق الشباب في الدوانيه وانا ما راح اييب شي
انشوفك في الدوانيه
لا تشق هدومك يااخوي
افا عليك بس
انت اطلب على عنواني وانا اخلي خشيم الفار يوريك فيهم
LOOOOOOL
عااادي الي سويته طبيعي يا خالد
شدعوه الأوادم منصدمين.. يعني اكيد بتعصبون اذا كنتوا بنفس الموقف.. كل شي و لا الأكل..
لول .. ترى والله مو بطينية بس شي طبيعي
و على قولت صقر قريش اذا ما تأخر المطعم يعني في شي موطبيعي.. :)
أخ حسام ابداااع
امتعتونا الصراحة و ادخلتوا السرور علينا بهالبوست الخفيف اللطيف
Seven
قلنا على يوم راح نييب ..
خل الرجيم ينفعك يا بو رجيم
:P
أفاااا .. مو هذا اعشم فيك .. ما تنزل شي في ديوانيتك و تكتفي بانك تحط إيدك على خدك و تطالعنا !!؟
أفاااااااا ..
:P
نشوفكم اليوم .. زهبوا فريق
Barrak
كفو والله .. خشيم الفار قدها :)
'3air
شكرا شكرا .. هذي الرد الثاني اللي يونس ..
البوس يا جماعة عبارة عن فرفشة هالمرة .. مو زين كل الوقت جد في جد !!
حياج الله :)
نأسف هذه المرة .. نكتفي بهذا القدر من التعليقات لكي لا يساء فهم الموضوع .. حيث أن بعض التعليقات قد خرجت عن الموضوع
شكرا لكم
Post a Comment