أحيانا ، أكتب لأنشر فائدة أو أنقد موضوعا معينا .. لكن في بعض الأحيان أرغب في تدوين موقف معين أو سالفة صارتلي .. راح أضحك عليها إن قريتها بعد مدة طويلة
ليلة أمس
مريت بيت خالتي و لما سفطت و نزلت من السيارة، شفت التاير الخلفي اليمين فاش ! أشوة صادف وصول ولد خالتي، أقوله يا معود الله يابك، عندك بمب ؟ طلع البمب و تفخنا التاير ولما رديت البيت جيكت على التاير و شفته سليم للحين، قلت باجر إن شاء الله أصلحه إذا فيه شي، بس عسى ما أقوم الصبح ألقاه فاش و أتأخر على الدوام !
صباح اليوم
المكان: في غرفتي
أخوي: اليوم عطلة ولا ويك إند !؟ قوم الساعة 9 !!
أنا: أووووف ما سمعت المنبه .. تأخرت على الدوام !
على ما غسلت و لبست و طلعت، جيكت على التاير و لقيته صاحي للحين .. يوم وصلت على لفة الدائري السادس اللي تشبك من خط الملك فهد - كووع - كنت سايق 100 و جدامي سيارات .. بخفف ولا أشوف السيارة مو طبيعية .. إتعر شوي !
قلت بس ! هذا التاير .. أشوة في نهاية اللفة في محطة بنزين منطقة الشهداء على الدائري السادس، دشيت و تفخت التاير مرة ثانية وقلت أكمل إلين أقرب بنشرجي.
كملت أسوق على الراحة .. مشيت على خط المطار اللي يمر بالفروانية و خيطان و العمرية إلين شفت واحد "يترك لي" و أشر لي .. قلت بس رحنا فيها !
دشيت اليرموك على طول .. و دشيت مسافط مدرسة و سفطت تحت المظلات عن الشمس و ابتدت حوسة البنشر ! قطيت الغترة و جفست الجموم و تويزرت بدشداشتي - اعتفست الكشخة - و تعال نزل التاير و سواد التاير و البصمات على الدشداشة !!
الحمد لله خلصت و كملت طريجي و قلت لازم أصلح التاير المبنجر بالشويخ الصناعية .. والله بلا مبالغة 20 دقيقة أدور بنشرجي ! إلين طحت على واحد .. صلح التاير و رديت الداوم متأخر !
استلمني نائب المدير يوم قلت له القصة .. قال لي عندك خمس أخطاء في إدارة المشاكل
incident management and problem management
الشاهد .. جيكوا على تواير سياراتكم قبل لا تدقون سلف أو تروحون أي مشوار و خصوصا في الصيف، ما تسوى عليكم بنشر و تلطخ بهالسواد و تبديل تواير و حوسة.
في صورة أعجبتني و أنا أدور صورة للموضوع .. شوفوا الذرابة .. بلا سواد و عمات عين .. تقول عملية جراحية في مستشفى !
الله يحفظ الجميع
ليلة أمس
مريت بيت خالتي و لما سفطت و نزلت من السيارة، شفت التاير الخلفي اليمين فاش ! أشوة صادف وصول ولد خالتي، أقوله يا معود الله يابك، عندك بمب ؟ طلع البمب و تفخنا التاير ولما رديت البيت جيكت على التاير و شفته سليم للحين، قلت باجر إن شاء الله أصلحه إذا فيه شي، بس عسى ما أقوم الصبح ألقاه فاش و أتأخر على الدوام !
صباح اليوم
المكان: في غرفتي
أخوي: اليوم عطلة ولا ويك إند !؟ قوم الساعة 9 !!
أنا: أووووف ما سمعت المنبه .. تأخرت على الدوام !
على ما غسلت و لبست و طلعت، جيكت على التاير و لقيته صاحي للحين .. يوم وصلت على لفة الدائري السادس اللي تشبك من خط الملك فهد - كووع - كنت سايق 100 و جدامي سيارات .. بخفف ولا أشوف السيارة مو طبيعية .. إتعر شوي !
قلت بس ! هذا التاير .. أشوة في نهاية اللفة في محطة بنزين منطقة الشهداء على الدائري السادس، دشيت و تفخت التاير مرة ثانية وقلت أكمل إلين أقرب بنشرجي.
كملت أسوق على الراحة .. مشيت على خط المطار اللي يمر بالفروانية و خيطان و العمرية إلين شفت واحد "يترك لي" و أشر لي .. قلت بس رحنا فيها !
دشيت اليرموك على طول .. و دشيت مسافط مدرسة و سفطت تحت المظلات عن الشمس و ابتدت حوسة البنشر ! قطيت الغترة و جفست الجموم و تويزرت بدشداشتي - اعتفست الكشخة - و تعال نزل التاير و سواد التاير و البصمات على الدشداشة !!
الحمد لله خلصت و كملت طريجي و قلت لازم أصلح التاير المبنجر بالشويخ الصناعية .. والله بلا مبالغة 20 دقيقة أدور بنشرجي ! إلين طحت على واحد .. صلح التاير و رديت الداوم متأخر !
استلمني نائب المدير يوم قلت له القصة .. قال لي عندك خمس أخطاء في إدارة المشاكل
incident management and problem management
الشاهد .. جيكوا على تواير سياراتكم قبل لا تدقون سلف أو تروحون أي مشوار و خصوصا في الصيف، ما تسوى عليكم بنشر و تلطخ بهالسواد و تبديل تواير و حوسة.
في صورة أعجبتني و أنا أدور صورة للموضوع .. شوفوا الذرابة .. بلا سواد و عمات عين .. تقول عملية جراحية في مستشفى !
الله يحفظ الجميع
35 comments:
الحمد لله على السلامه
الله ستر
ياخي المشكله والطامه الكبرى اذا طالع مستعيل وعندك امتحان متأخر عليه ويطقك بنجر
الحين فجج عاد
7mdellah all setar o ma 9ar shi o inta tsoog ,
6a3an elie bel9oora qemah feltharaba nafs el kuwaityeen belthab6..
yazli walllah ;p
سلامااات سلامات
اهم شي التاير، لا تتهاون فيه يمعود، ياما ناس راحوا فيها بسبة التاير
اما نائب مديركم هذا حده فاهي
شنو خمس اخطاء في ادارة الازمات؟
تاير و فش، قضاء و قدر
لازم يتفلسفون مدراء القطاع الخاص، ولا ما يعيشون
ما تشوف شر .. خطاك السو
الحين تحمسنا نبي نعرف شنو الأخطاء اللي قال عنها مديرك ؟
الاخ العزيز ابن الكويت
أولا سلامات
تعيش وتاكل غيرها ههههه
يا اخي على ان ديرتنا حااااارة
بس احنا مهملين ناحية التواير بسياراتنا ...
يعني ذاك اليوم ابحث بين التواير واشكالها
طلعت السالفة فيها مقاسات وارقام وماادري شنو
فالله الله في العناية في التواير فهي من اهم اجزاء السيارة لأن مربوط فيها سلامتنا
تقبل تحياتي
عجبتني الصورة فعلا حلوة
faisal
الله يسلمك يا بو غازي .. الحمدلله ما صار شي
الله يعينك .. صارت وياي ايام الجامعة
:P
jouja
الحمدلله على السلامة ..
عن الطنازة يالله
:P
حسام بن ضرار
درس .. و استفدنا منه .. و أهم شي تعليق نائب المدير .. خلاني ما أنسى الموقف !
q8_whiteboard
الشر ما إييك .. خطاك اللاش
لا لا لا .. ما له داعي أذكرهم .. شغلات بسيطة .. المهم جت سليمة
ساخر كويتي
الله يسلمك :)
والله التواير فيها تفاصيل وايد .. و كل واحد له سرعة معينة و استخدام معين ..
طبعا احنا نبدل التواير و خلاص .. ليش و شحقه هالتاير لا تسأل !
حياك الله :)
سالفة البنشر حزة الصيف وحدر هالشمس باااااااااااايخة
مرة طق عندي التاير بنشر اتصلت على تاكسي وخليت السايق يبدل التاير
بصراحة ما لي خلق بالحررر
الحمدلله على السلامة ..
على الاقل الشباب يقدرون يتصرفون !
المشكلة لي صارت ابنت !!
خرعتني ;p
و الصورة اخر شي !!
واااااااااايد ذرب !!
لا شمس فوق راسه !
ولا نائب مدير بقوله اخطاءه ..
بكل بروود قاعد يصلح التاير ;p ;p
الله الحافظ :)
ههههههههه
يالله سلامات
أشوة أن سيارتي فيها دسوس مع عدة تبديل التواير
اللي يسمع يقول انا اللي ببدل التاير!؟
:)
الحمدلله على سلامتك
..
والجو ماشاء الله حده يساعد
(:
الحمدلله على السلامة
تصير بأحسن العايلات و السيارات
عمرك صحيت الصبح و لقيت بدال البنشر
اثنين .. يومها رديت و حطيت و راسي و نمت
و العصر و أنا أبدلهم حسيت نفسي قلندايزر
غير اني رايح راد للبنشرشي اسويهم واحد
واحد هههههه
بس ظريف مديرك .. قول له طائر يسلم عليك
و يقول لك البنشر يبيله ذراع و ليور
و راس يرزح تحت الشمس .. يفتر و لا يطيح
ههههههه
و اللي بالصورة الأخير وايد حنيّن .. أنا
لو مكان السيارة و على هالرقة تزوجته
:)
و مشكور على النشيد اللي تركته لي في مدونتي
:)
سلاااااااااام
محسد
يا حبكم للربادة
:P
qiyadiya
الله يسلمج .. و أتوقع لو خليت السيارة و دقيت على واحد من الربع يوصلني ما راح أحل المشكلة .. يعني لازم الواحد يصلح البنشر :)
الذرب ما يحاتي الشمس .. لو منه أنطر 10 دقايق منسدح على غطاء المحرك و أتأمل المنظر .. بعدين أفكر أصلح البنشر !
dilli o milli
الله يسلمج .. سيارتج لو فيها آدمي مخصوص يصلح البنشر ما راح تستخدمينه ..
:P
الحمد لله على السلامة
طائر بلا وطن
الله يسلمك من الشر :)
تايرين مبنشرين مرة وحدة !!
زين سويت يا معود .. شلك باللوية من الصبح
:P
يوصل السلام إن شاء الله للمدير لا تحاتي ..لو تشوفه تقول هذا ممكن يشيل السيارة و يصلح البنشر بإيد وحدة ما شاء الله عليه
النشيدة كانت في بالي يوم قريت موضوعك .. فقلت خل أسمعها طائر راح يحبها ..
حياك الله :)
د.خالد
الله يسلمك أخوي :)
تبي راي و انا اخوك
أجر و لا تعور راسك
خصوصا اذا كان الحظ معوكس معاك نفس حالتي
يا اشتري سيارة و اشوي اشوي تطلع خرابات ما ادري من وين
يا انك تشتري سيارة يديده
او تفوز فيها و ييك واحد خفيف الطينة ثقيل العين
و يصكك بوحده و ما تكمل عندك 6 اشهر
أجار و لا تحاتي شي
حتى البنشر خمس دقايق و اهم عندك
وخطاك السو و الله ستر عليك
في حركة قبل نسويها اذا تأخرنا يا بروحة الدوام او اذا كنا بره الدوام و تأخرنا
لمسه سحرية بايدك على التاير و على طرف الغترة اللي تقدر تجفسها و ما تبيين و طرف الدشداشه من تحت
يعني رافع الدشداشه و شايل الغترة
انصحك لا تسويها ترى طاحوا عليها
و خصوصا انك طلعت من اللي اللحقوا على بوتيله
:P
enter-q8
الله يسلمك و خطاك اللاش ..
والله الوالد مأجر 3 سيارات للبيت .. و ينصح .. بس أنا ما أحب ما أدري ليش ..
يمكن أقتنع بعدين :)
الحركة هذي ما أسويها كلش .. الحمدلله دوامي متفهمين .. و صارت الحركة هذي فيني غصبا علي بحكم اني فعلا كنت أصلح البنشر !
تبي الصراحة أنا ما لحقت عليه و هو بالسوق لكن شفته بعد فترة بسيطة في بيت يدي الله يرحمه
حياك الله :)
الحمد الله على شلامتك وعلى سلامة تايرك :)
واعدلك معلوكتك
بانزين الشهداء مو حطين
:) :)
Smile
الحمدلله على سلامتج انتي .. أهلا بعودتكِ للتعليق في مدونتي ..
آسفين .. معلومتج هي الصحيحة .. بنزين الشهداء :)
حياج الله :)
آنا سامع إنه في واحد باليرموك انشوى!!لايكون إنت بو وليد؟!! كيف حالك ياخوي من زمان عنك والله الحمد لله على سلامتك أنا ساعات يصير فيني بنشر لكن اغلب الأشياء الي تصيرلي حوادث!!بس ترى كله آنا المندعم يعني آنا الضحية المظلومة:)دير بالك يمعود
ماتشوف شر.
تصدق انت كسوووووول
يعني من اول مرة شفته روح صلحه :S
بس العيز :)))
هذا الي يأجل عمل اليوم إلى الغد :-)
الحمدلله.. احنا نطرة الأهل يسوونه و لا ان احنا نسويه .. لول
بس الاثنين فيهم تأخير و لويه
الله يحفظ الجميع
سلامات ما تشوف شر توايرك...:)
خطاك السو والمشكله هي في ان الحر وسواد الاطار يجعلونك تتنرفز وانت تسعى للهدوء:)
في المره القادمه استبدل الاطار في المره الاولى حتى لا يتكرر المشهد مره اخرى :)
دمت بخير
خطاك السو أخوي
البوست الي قبله شوقني كثير تخيل بيصير لي ست شهور مشتريه كتابها السابق ومادري ليش للحين مو قاريته
السجينه على أن وايد روعه .. خاصه اني اعشق القصص الحقيقيه لأن فيها حبكه أكثر من الخياليه
بصكر الحين وروح أقراه احس شوقتني كثير وبعده بعون الله اخذ كتابها الثاني
الكاتبه مميزه جداً بأسلوبها
مشكوره أخوي وااايد
داك الشر
:)
أضف على التجيك أنه ينرفس بالريل ( عزكم الله) لنرى مدى انتفاخه
صورتك الأخيرة ذكرتني بشخص ما أنسى وقفته لما عيت تشتغل السيارة
مسك الأشتراك بكلينكس لما بغى يركبه عالبطارية
:)
الحمدلله على السلامه
اى صح عاد اهم شي التواير والبانزيييييييين
بس ماعليه طلعت المواهب
نسيت الصوره قمه بالذرابه وهذي اخر صيحات تصليح بنجر السيارات
ونستني يابوالدل وماعليه ربي سلمك عسى يحفظك من كل شر ويوفقك لكل خير
عداك الشر*
البدليات واردة
:)
الحمدلله على السلااامة
الله يبعد عنا هالموقف ^_^
الحمد لله ع السلامه
الحمدلله ما نسووق
والا كان علوووم :)
اهم شي الاخطاء الخمسه :)
خطااك السو
وااى وانا اقرى اقول وييييييه الله يعيينه على شبت الشمش والحر
:/
والصوره شغل عدل
:))
اى والله ذراابه اكيد انجليز هذول
shlooon ma at6naz allah yhdak bs .. inta shayef el farq el shase3 ;p
hatha yfta7 el nafs inik tbacher tayrik met3mad :P:P:P *jk*
looool aby a3arif sheno el5 akh6aaaaa2 !! ;p
ma a7eb halmawaqeeeef dayman akhaf la eser feny chethy wana ray7a elkoleya or 3endy emte7aaan :S
3ashan chethy lazem etgoom EMBACHER 3ashan la qadar alla sar shay chethy ela yamdeek tosal eldawam ! ;p
lai sarat ebrayal et'hooon bs lai sarat fee bnayaaaa maskena ehya ely sij atheyaa cuz majbora tan6er a7ad =/
yalla el7emdella 3ala elslaama ow alla y7fethik ow ya7feth eljame3 =)
ama belnesba 7ag elsora elakhera fa 7eta lo eljaw ehny nafs jawhum ehnaak haaaaaam shababna mayseron chethy cuz hathy esamonha tharabaaaa which is shay mafqoooood lada alshabab alkuwaiti !!! ;p hehehehe
Post a Comment