محطة أم العيش الأرضية للاتصالات .. أصبحت الآن أطلالا و مأوى للأشباح .. و ربعنا المصورين ما قصروا فيها .. إذا مريت على يوم و شفت سيارات يمها و أضواء، اعرف ان فيه مصورين ..
طلعنا كشتة مع الربع أمس صوب الصبية و تغدينا، الجو ممتاز و الشيف مضبطنا بالمشاوي الطيبة، بعد ما صلينا العصر توكلنا على الله و رحنا نصور .. و بعد صلاة المغرب فلينا، و كنت وقتها مع أخوي بسيارتي، فقررنا نروح نصور محطة أم العيش بالليل علشان نصور حركة النجوم معاها .. و فعلا دزيناه إلى المكان و وصلنا بعد 40 كيلو متر تقريبا ..
أنا ما كان عندي أدنى فكرة عن المكان في الليل، و صادف ان أخوي ياي ليلة أمس مع مجموعة من المصورين كان عندهم ورشة تصوير حركة النجوم و ما قدرت أحضر .. بس في فرق بين ان يروح 20 شخص لمكان نائي و بين ان شخصين يروحون هناك !! بلا مبالغة المكان رعب بالليل !
ضبطنا كاميراتنا على الوضع المطلوب و شغلناهم .. و أثناء التعبث نشوف ليتات سيارة ياية من بعيد صوبنا .. و من كثر السوالف اللي سولفوها لنا ربعنا اللي يايين قبل فكنت متوقع هالشي .. بلاغة الشف .. شي مو طبيعي .. من تنعكس إضاءة سيارته على سيارتي و يلاحظون في سيارة يوك على طول يفترون و يتطمشون و اللي يستهبل .. يانا واحد طاق العالي علينا ..
المتطفل: يالربع .. الموووووتر المغرز لكم؟
نحن: لا ولد عمي .. موترنا مو مغرز .. قاعدين نشتغل ..
المتطفل: ما تامرووون على شي يا الربع؟
نحن: سلامتك ما قصرت ..
طبعا هذا الموقف زين بالنسبة لواحد من الربع قبلنا بجم شهر .. رايح بروحه الله يهديه !
المهم .. بعد تضبيط الكاميرات .. خليناهم و ركبنا سيارتنا بانتظار مرور ساعة كاملة تقريبا .. طبعا لا تسئلون شلون مرت الساعة .. كانت أثقل ساعة !!
بعد مرور ساعة ..
نزلنا و شلنا قشنا و مشينا ..
النتيجة بالنسبة لي .. كانت مذهلة للغاية .. لأنها أول مرة بالنسبة لي أصور حركة النجوم !!
لمشاهدة الصورة بحجم أكبر .. يرجى زيارة مجموعتي التصويرية هنا
طلعنا كشتة مع الربع أمس صوب الصبية و تغدينا، الجو ممتاز و الشيف مضبطنا بالمشاوي الطيبة، بعد ما صلينا العصر توكلنا على الله و رحنا نصور .. و بعد صلاة المغرب فلينا، و كنت وقتها مع أخوي بسيارتي، فقررنا نروح نصور محطة أم العيش بالليل علشان نصور حركة النجوم معاها .. و فعلا دزيناه إلى المكان و وصلنا بعد 40 كيلو متر تقريبا ..
أنا ما كان عندي أدنى فكرة عن المكان في الليل، و صادف ان أخوي ياي ليلة أمس مع مجموعة من المصورين كان عندهم ورشة تصوير حركة النجوم و ما قدرت أحضر .. بس في فرق بين ان يروح 20 شخص لمكان نائي و بين ان شخصين يروحون هناك !! بلا مبالغة المكان رعب بالليل !
ضبطنا كاميراتنا على الوضع المطلوب و شغلناهم .. و أثناء التعبث نشوف ليتات سيارة ياية من بعيد صوبنا .. و من كثر السوالف اللي سولفوها لنا ربعنا اللي يايين قبل فكنت متوقع هالشي .. بلاغة الشف .. شي مو طبيعي .. من تنعكس إضاءة سيارته على سيارتي و يلاحظون في سيارة يوك على طول يفترون و يتطمشون و اللي يستهبل .. يانا واحد طاق العالي علينا ..
المتطفل: يالربع .. الموووووتر المغرز لكم؟
نحن: لا ولد عمي .. موترنا مو مغرز .. قاعدين نشتغل ..
المتطفل: ما تامرووون على شي يا الربع؟
نحن: سلامتك ما قصرت ..
طبعا هذا الموقف زين بالنسبة لواحد من الربع قبلنا بجم شهر .. رايح بروحه الله يهديه !
المهم .. بعد تضبيط الكاميرات .. خليناهم و ركبنا سيارتنا بانتظار مرور ساعة كاملة تقريبا .. طبعا لا تسئلون شلون مرت الساعة .. كانت أثقل ساعة !!
بعد مرور ساعة ..
نزلنا و شلنا قشنا و مشينا ..
النتيجة بالنسبة لي .. كانت مذهلة للغاية .. لأنها أول مرة بالنسبة لي أصور حركة النجوم !!
لمشاهدة الصورة بحجم أكبر .. يرجى زيارة مجموعتي التصويرية هنا
21 comments:
لقطه متقنه و مو غريبه عليك كالعاده يا بو وليد
بس عندي سوأل فني
هل تصوير حركة النجوم يعتمد على تبطيء سرعة الغالق الى اقل سرعه ممكنه؟
لأني خابر حركة النجوم بطيئة
---
اما بلاغة الشف فشي مو طبيعي بهالشعب
ذاك اليوم رايح مع شباب نتغدى مندي بمكان مقطوع بالجنوب
كلها ربع ساعه، ما وعينا إلا البجيات و الوانيتات انواع و اشكال و كلهم يطلون
كلنا شباب ... شيبون؟
جلة حيا
عاد تصدق سبحان الله انا امس مار عليها وانا رايح العبدلي ..
جان اقول حق الربع هذي الي خربوها العراقيين .. الله ياخذهم !!
بالنسبة حق التصوير اذكر قبل شهر رحنا السالمي بالليل واحد من ربعي يموت على تصوير النجوم وحطها لمدة ساعة عشان يصور حركتها ...!!
واخر شي اكتشف ان واحد من الشباب الملاقيف .. متعبث فيها ومحركها.. وتطلع تصويره تلش !!
الله يعينكم يالمصورين على الملاقيف و المقلدين بهالديرة !!
اطلعت على فليكرك .. جدا رائع .. موفق ان شاء الله :)
وتحياتي :)
:)
الصورة ماشالله روعة
بس ما فهمت شنو يعني
This shot has an exposure of 3180 Seconds which means 53 mins.
does it mean it was shot in 53 mins?
forgive my ignorance
رائعة جدا الصورة
هل من الشطارة ان استطيع الحصول عليها بطريقتي
ام ان ذلك لايجوز ؟
جزاك الله خير
حفظك الله
حسام بن ضرار
الله يسلمج يا بو ضرار :)
الجواب على سؤالك ..
نعم .. تم تصوير هذه الصورة على فترات متقطعة ولكنها مستمرة لمدة 53 دقيقة
يعني الكاميرا ثابتة لمدة 53 دقيقة على الحامل .. خليتها و رديت شلتها بعد مرور الوقت .. فمعناها سرعة الغالق 53 دقيقة .. و بالامكان مثل منت شايف الحين الصورة جدامك أن أرسم حركة النجوم
--------------------
بلاغة الشف .. اعرف ان الانسان فاضي .. و ما عنده سالفة أو شغل !
q8_el5air
لو الله يفكنا من الملاقيف في الديرة .. نصير بخير :)
شكرا لزيارة مجموعتي التصويرية و حياك الله
Fashionista
شكرا ..
yes thats what I meant ;)
أبو لطيف
شنو طريقتك طال عمرك ؟
الله يجزينا و إياك خير و حياك الله
لول, على الأقل التنيجة كانت تستحق التجربة ; )
يعطيكم العافيه
الصورة واو واو واو واو
تسلم على هالابداع:)
ما شاء الله عليك يالسمي
منت محتاج شهادة
الا بغيت اسالك
شخبارها هالمحطة يعني شغاله فيها احد و الا باكر نشوف البنغالية ياخذون حديدها و يبيعونه سكراب
this is what i call art !
يعني هذي اول لقطه وجذي تبارك الرحمن
انا شفت وايد مصورين نفس هالصوره وبنفس المكان.. وماكانت اول صوره لهم ..
بعكسك انت ماشاء الله, بصراحه احلى صورة نجوم شفتها ;)
شكرا إنك علقت في دار عزيزة ... وجريت رجلي لبلوغك ... هوايتي التصوير وسعدت جدا بما رأيت
كأني طحت على كنز
:)
الله يعطيك العافية
الصورة وايد حلوه مشالله
كأنها فلم مو صج
بس صج اتخيل المكان بليل فلم رعب
;P
بصراحة أول مره اسمع بتصوير حركة النجوم
ماشاء الله عليك يا خويه .. جداً رائعه الصورة وقمه فالابداع
ماتخيلت ان النجوم تتحرك جيه ^___^ !! سبحان الله
عن المتطفلين !! فيهم الخير حليلهم >_< تخيل لو كنت فعلا فموقف تحتاج حد يساعدك لوول ما بتقول متطفلين :) يالله اهم شي النتيجه طلعت اكثر من مرضية
Well Done
حلوة الصورة ..
بس شنو هالحلقات اللي داير مداير الصحن ؟
الصورة واقعية ولا لاعب فيها ؟
KeChi-ChaN
الله يعافيج .. صحيح .. النتيجة كانت مبهرة :)
كبرياء وردة
الله يسلمج :)
Enter-Q8
الله يسلمك يا الغالي ..
والله ما أظن ينفع .. ولا جان من زمان مشلحينه
Take Off life
thanks :)
nikon 8
ما سوينا شي .. مدونة جميلة ..
الله يعافيج
Nescafe
روحي و جربي الرعب
:P
lil.D
الحين عرفتي انه في شي اسمه تصوير حركة النجوم
;)
الحمدلله .. فعلا نتيجة جميلة ..
مشكورة أختي
الحارث بنب همام
الأماكن كلها مشتاقة لك
:P
الحلقات طال عمرك .. حلقات بصل :P
هذي الحلقات نتيجة دوران الأرض حول نفسها و بالتالي من خلال صورة مدتها 53 دقيقة تمكنت من رسم الحلقات من خلال الصورة
الصورة واقعية ولا لعب فيها :)
خبرة جديدة أضفتها لنفسي، لأول مرة أقرأ عن تصوير النجوم و دوارنها بهذا الشكل و إمكانية تصويرها !
بوركت، صورة موفقة، و اعطِ الخباز خبزة .. أتقنتها بحرفنة ماشاء الله.
يقال بأن الصحافة مهنة المتاعب !
و أقول !
التصوير:
أتعب المهن !
كل شيء يبدأ غريبًا و يؤلف !
حال كل فكرة مبدعة تنكر في بدايتها و تؤلف مع الوقت بل يصفق لها الجميع .... أعانكم الله ووفقكم إن شاء الله :]
wow
this is really wow
um il3aish laha thikrayaaat
534 photo All R amaizing !! All :)
masha2allah .
أبو لطيف
تصدق كنت فاهم تعليقك غلط .. لكن لما قلت لي الطريقة عرفت شنو تقصد !
على بالي تسألني :
لو أنا بصور نفس الصورة اللي انت مصورها .. أقدر أستخدم طريقتي الخاصة للحصول عليها؟
و شكرا للتوضيح .. و آسف مسحت التعليق علشان ما نفتح عيون الناس
:P
يا أبو لطيف .. سرقة الأعمال الفنية موجودة .. و لو اكتشفنا كمصورين ان الصورة انباقت .. ما نقدر نسوي شي !
الله المستعان !
Post a Comment