استكمالا للحلقتين الماضيتين من عمرة قرة العين .. اليوم سأختمها بالحديث عن أحداث اليوم الأخير .. يوم المغادرة !!
المكان: صلاة الفجر في الحرم
قعدت متأخر .. على قراءة الإمام في الركعة الأولى .. وضوء و ركضة يالله لحقت على الصلاة في ساحة المسجد الخارجية مع أول صف لقيته .. على الأقل لا تطوفني الجماعة
المكان: غرفة 334
ما شبعت نوم .. رديت الغرفة و حطيت راسي و نمت .. الريوق من الـ 6 إلى 10 ص .. فقلت يمدي أتريق بعد النومة .. فزيت من النوم على الساعة 9:30 !! إدارة رحلة العمرة محرصة على المعتمرين يطلعون الجناط الساعة 10 عند باب الغرفة ..
بقدرة قادر .. قعدت و نزلت المطعم و تريقت و رجعت قبل العشر .. و رتبت الجنطة و زاهبتها و حطيتها عند الباب في الوقت المحدد ..
الحين المشكلة رفاق الغرفة .. تعال قعدهم .. و لا يتأخرون .. قصة ثانية :)
المكان: صلاة الظهر في الحرم
آخر صلاة لنا في الحرم قبل المغادرة و التي من المقرر أن تكون الساعة 1 ظهرا
المكان: الباصات عند الفندق
3 باصات كبار .. تقل أكثر من 110 معتمرين .. تم توزيعنا على الباصات لمغادرة مكة باتجاه جدة ..
من المقرر أن تقلع طائرة الخطوط الجوية الكويتية الساعة 4:30 مساءا ..
في الطريج .. وقفنا عند مطعم البيك .. ضبطزنا الجماعة بوجبات شاخنة و لذيذة للغداء .. ما قصروا
و سمعنا طشار حجي ان في مشكلة بالطيران .. بس للحين ما تأكد الخبر ..
المكان: مطار جدة .. الزمان: 3:30 مساءا
الكويتية عليها تأخير ساعتين !!
بعد ساعة انتظار .. يأتينا خبر أحلى و أقوى .. الإقلاع على الكويتية من جدة الساعة 8:30 مساءا
تأخير 4 ساعات !!
لا بارك الله فيكم يا الكويتية .. قسما بالله مال تشب في أسطولهم اللي كله 7 طيارات !!
أفشل طيران في العالم !!
عقب ما تمرمطنا في المطار .. و ما بقى زاوية في المطار ما مشينا فيها .. وصلت الطيارة .. و ركبنا ..
ما طرنا إلا الساعة 9 يمكن .. وقت العشاء .. تم توزيع الوجبات علينا ..
بعد العشاء .. أظن كل طيران في العالم فيه مضيفين أو مضيفات معاهم عربانة يشيلون فيها الصواني بعد ما يخلصون الركاب من وجبتهم ..
في الكويتية لأ .. عندهم معايير أخرى للعمل .. المضيفة تشيل 3 و 4 صواني فوق بعض بيدينها .. و يطيح منها قلاص هني .. و قفشة هناك .. و تدمر ملابس هذا و توصخ عباية هذي !!
و فوق هذا .. ياني مساعد طيار .. ريال لبناني عود كبر أبوي .. يشيل صينيتي و صينية أختي !! يا جماعة شنو هالاحترافية و توزيع الأدوار !! عيني عليكم باردة يالكويتية !!
الطيارة إذا ما خاب ظني .. انتهى عمرها الافتراضي .. كباينها تهتز بشكل مخيف عند الإقلاع !!
حسافة والله على الديرة .. كل هذا خايفين يفنشون 5000 موظف و يضحون فيهم .. علشان ما يخصخصون الكويتية !! و الخسارة سمعة الكويت ..
على فكرة .. ترا مسألة سقوط طائرة كويتية .. مسألة وقت فقط
يتبع .. المطار !!
المكان: صلاة الفجر في الحرم
قعدت متأخر .. على قراءة الإمام في الركعة الأولى .. وضوء و ركضة يالله لحقت على الصلاة في ساحة المسجد الخارجية مع أول صف لقيته .. على الأقل لا تطوفني الجماعة
المكان: غرفة 334
ما شبعت نوم .. رديت الغرفة و حطيت راسي و نمت .. الريوق من الـ 6 إلى 10 ص .. فقلت يمدي أتريق بعد النومة .. فزيت من النوم على الساعة 9:30 !! إدارة رحلة العمرة محرصة على المعتمرين يطلعون الجناط الساعة 10 عند باب الغرفة ..
بقدرة قادر .. قعدت و نزلت المطعم و تريقت و رجعت قبل العشر .. و رتبت الجنطة و زاهبتها و حطيتها عند الباب في الوقت المحدد ..
الحين المشكلة رفاق الغرفة .. تعال قعدهم .. و لا يتأخرون .. قصة ثانية :)
المكان: صلاة الظهر في الحرم
آخر صلاة لنا في الحرم قبل المغادرة و التي من المقرر أن تكون الساعة 1 ظهرا
المكان: الباصات عند الفندق
3 باصات كبار .. تقل أكثر من 110 معتمرين .. تم توزيعنا على الباصات لمغادرة مكة باتجاه جدة ..
من المقرر أن تقلع طائرة الخطوط الجوية الكويتية الساعة 4:30 مساءا ..
في الطريج .. وقفنا عند مطعم البيك .. ضبطزنا الجماعة بوجبات شاخنة و لذيذة للغداء .. ما قصروا
و سمعنا طشار حجي ان في مشكلة بالطيران .. بس للحين ما تأكد الخبر ..
المكان: مطار جدة .. الزمان: 3:30 مساءا
الكويتية عليها تأخير ساعتين !!
بعد ساعة انتظار .. يأتينا خبر أحلى و أقوى .. الإقلاع على الكويتية من جدة الساعة 8:30 مساءا
تأخير 4 ساعات !!
لا بارك الله فيكم يا الكويتية .. قسما بالله مال تشب في أسطولهم اللي كله 7 طيارات !!
أفشل طيران في العالم !!
عقب ما تمرمطنا في المطار .. و ما بقى زاوية في المطار ما مشينا فيها .. وصلت الطيارة .. و ركبنا ..
ما طرنا إلا الساعة 9 يمكن .. وقت العشاء .. تم توزيع الوجبات علينا ..
بعد العشاء .. أظن كل طيران في العالم فيه مضيفين أو مضيفات معاهم عربانة يشيلون فيها الصواني بعد ما يخلصون الركاب من وجبتهم ..
في الكويتية لأ .. عندهم معايير أخرى للعمل .. المضيفة تشيل 3 و 4 صواني فوق بعض بيدينها .. و يطيح منها قلاص هني .. و قفشة هناك .. و تدمر ملابس هذا و توصخ عباية هذي !!
و فوق هذا .. ياني مساعد طيار .. ريال لبناني عود كبر أبوي .. يشيل صينيتي و صينية أختي !! يا جماعة شنو هالاحترافية و توزيع الأدوار !! عيني عليكم باردة يالكويتية !!
الطيارة إذا ما خاب ظني .. انتهى عمرها الافتراضي .. كباينها تهتز بشكل مخيف عند الإقلاع !!
حسافة والله على الديرة .. كل هذا خايفين يفنشون 5000 موظف و يضحون فيهم .. علشان ما يخصخصون الكويتية !! و الخسارة سمعة الكويت ..
على فكرة .. ترا مسألة سقوط طائرة كويتية .. مسألة وقت فقط
يتبع .. المطار !!
9 comments:
^_^ قرة عينكم بهالرحلة
ماشاء الله
الله لا يقوله
على فكرة .. ترا مسألة سقوط طائرة كويتية .. مسألة وقت فقط
@@
فال الله ولا فالك
مو حبا بالكويتية ولكن خوفا على الناس
ممتع السرد جدا يا خالد
وتقبل الله طاعتكم للمرة المليون
:)
شلون الجزء الأخير ويتبع ;p
آخر مرة ركبت طيارة كويتية أعتقد يوم عمري 5 سنين يعني قبل 15 سنة وما أفكر أجازف بحياتي مرة ثانية ;p
أحس الخطوط الجوية الكويتية مسلسل خرج ولم يعد من النوع إلي مالهم نهاية وإلا مسرحية سيف العرب ;p
مادري ليش كل الدنيا تتطوّر إلا هالطيران !!
شي عجيب..
الله يحفظ الكويت وخلونا عالطيارات الخاصة وطيران بره أحسلّنا وإن شالله ما تطيح الطيارة ;p
أهم شي راحة صديقتي وصلها سلامٍ جثير ;p
تقبل الله طاعتك
وقرت عينيك بهالعمرة
:)
تدوينك وذكرياتك ذكرتني بتلك العمرة الجميلة التي خذتها ايام الجامعة
:)
يبيلنا عمرة
:p~
Glomhilda
مشكورة
Q8Links
عندك شك ؟ مع كل عالتسيب في الشركة .. ما أظن ان الحادث بعيد
الله يستر
الزين
يا جماعة ما نستبعد هالموضوع .. الطيارة اليمنية قبل جم يوم طاحت .. و المشكلة مشاكل في الطيارة تم تجاهلها .. و هذا حاصل عندنا
و تقبل الله منا و منج :)
Shello
في موضوع له علاقة .. علشان جذي قلت يتبع .. بس سوالف العمرة خلصت
الله يفكنا من خدمتهم السيئة .. و و عسى الله لا يعوزنا لطيرانهم .. اتمنى يتعدل وضعهم و يتم خصخصة الشركة و تتسنع
Estekana
تقبل الله منا و منج :)
عمرة صيفية سريعة .. يبيلج :)
حلوة و الله الرحلة !!!
أعانكم الله على الكويتية للطيران
أخوي ما شفت شيء
اركب الطيران العماني و شوف الفضائح
خخخخخخ
أهم شيء سلامتك
عمرة مقبولة ان شاء الله
اسعد الله اوقاتك يالغالي جميل اسلوبك وفقكم الله
Post a Comment