لكل منا ذكرياته .. قديمها و حديثها .. و اليوم سأضع بين أيديكم أحد ذكرياتي القديمة
كتب على ظهرها التالي:
أول تذكرة أقصها عندما ركبت باص المواصلات لأول مرة من أبو حليفة خلف مدرسة عباد بن بشر الثانوية إلى الفنطاس عند المقبرة وكان سعر التذكرة 150 فلس .. التاريخ 24 أبريل 1996 .. 6 ذو الحجة 1416 يوم الأربعاء
القصة:
أتذكر أن ذاك اليوم صادف آخر الاختبارات النهائية للصف الثاني ثانوي و كنت برفقة بعض الأصدقاء اللي من نفس المنطقة .. و الظاهر ان عندهم الموضوع عادي يركبون باص مواصلات!! طبعا لما اقترحوا الفكرة و قالوا بنرد بباص مواصلات انصدمت لأن أهلي مو من النوع اللي يسمح لنا نركب مع أي أحد أو نركب باص مواصلات أو تاكسي .. المهم كانها كانت تجربة استحقت التوثيق ذاك الوقت لأنها كانت أول مرة و آخر مرة في حياتي أركب باص مواصلات في الكويت !!
أول تذكرة أقصها عندما ركبت باص المواصلات لأول مرة من أبو حليفة خلف مدرسة عباد بن بشر الثانوية إلى الفنطاس عند المقبرة وكان سعر التذكرة 150 فلس .. التاريخ 24 أبريل 1996 .. 6 ذو الحجة 1416 يوم الأربعاء
القصة:
أتذكر أن ذاك اليوم صادف آخر الاختبارات النهائية للصف الثاني ثانوي و كنت برفقة بعض الأصدقاء اللي من نفس المنطقة .. و الظاهر ان عندهم الموضوع عادي يركبون باص مواصلات!! طبعا لما اقترحوا الفكرة و قالوا بنرد بباص مواصلات انصدمت لأن أهلي مو من النوع اللي يسمح لنا نركب مع أي أحد أو نركب باص مواصلات أو تاكسي .. المهم كانها كانت تجربة استحقت التوثيق ذاك الوقت لأنها كانت أول مرة و آخر مرة في حياتي أركب باص مواصلات في الكويت !!
7 comments:
كأنه شعار الاتحاد على التذكره !
وماشاء الله من صغركم تصورون
ذكريات جميله
: )
يا حليلك :p
أنا ما أذكر أول مرة ركبت فيها الباص .. أكيد بالثمانينات ، بس أذكر مرة أنا و ولد عمتي رحنا بالباص من النادي البحري لما سوق السالمية و ردينا من غير ما نعلم أحد و حصلنا خوش زفه لما ردينا
:D
:)))
تبارك الرحمن
محتفظ بالتذكرة من هذيج الحزة
يقولون ان ركوب باص المواصلات تجربه فريده
وعندي وحده من صديقاتي قبل جم شهر
ركبت باص السيتي بس
من الدسمه اليييين السالمية
وتالي نزلت بالسالمية
ومشت من مطافي السالمية الييين ستاربكس اللي يم سلطان
تقول انها كانت تجربة تستحق الجهد
وانها عاشت شعور مختلف
وكنت مفكره اعيشها معاها
لولا الوعكة الصحية اللي اعترتني من هذاك اليوم
وحتى هذا اليوم
ولله الحمد
:)
تدري عاد
ودي اطلع مع مجموعة بنات يميع ونعيش التجربه فعلا
مدري ليش تذكرت رحلتنا لفيلجا لما كنا يهال
واهالينا لما اجروا باص يفتر فينا على معالم فيلجا
الله
ياليت يرجع الزمن ورى
تعرف لما الحريم الكبار يشتطون وصفقه واغاني
واليهال يشتطون معاهم
والشعور انج تخوض تجربه بسيطه يديدة بس تشعرك بسعاده لا توصف
وايد خربطت
وتذكرت
وسولفت
مشكور على مساحة البوح
وجرب تركب الباص مرة ثانية
وسولف لي عن التجربه
:)
تجربة مميزة وإلا ما كانت وثقت وقرأنا عنها الآن :))
تعجبني المغامرات و تعجبني الذكريات الغريبة
كان في تذكرة وردية و وصفر
وحدة للمسافات الطويلة وحدة للقصيرة
طبعا الكويتية عمرهم ما قصوا الطويلة هذا اذا قصوا تذكرة من الاساس
يامعود تروح بالباص.. ولا تروح مشي بالقيظ كل يوم نص ساعة رايح ونص ساعة راد
ترى يايبين طاريك بالخير بمدونتي.. حياك :)
Post a Comment