جونا الحلو

مساكم الله بالخير

كعادتي في كل صباح عطلة نهاية أسبوع، أقضي الوقت في الدراسة أو القراءة في أحد الكافيهات .. و 95% كاريبو كوفي .. المهم .. خبركم اليوم الجو شحلوة .. فطلعت من البيت ولا الجو كما هو عليه من البارحة !


توكلت على الله و كملت .. و أنا في الطريج طرا على بالي فكرة توثيق الموضوع بالتصوير .. و هالمرة فيديو .. يا حسافة على هواية التصوير الفوتوغرافي اللي ماني عارف شلون أجابلها مرة ثانية ..

أستغربت لما وصلت المجمع و لقيته يصفر ! صحيح ان الجو مغبر .. لكن في أماكن داخلية للاستمتاع بوقت النهار مبكرا .. عموما ما ألوم الناس .. كعادتهم يدورون النوم في عطلة نهاية الإسبوع بينما أستيقظ مبكرا في هذا الوقت .. هل أنا عكس الناس!؟



لفت انتباهي وجود مجلة ذات صفحات كثيرة - مجلة متينة - في كاريبو كوفي .. تصفحتها عالسريع .. مجلة إعلانات حالها حال غيرها اللي نشوفهم وايد في الكافيهات .. لكن شدتني الصفحة التالية ..

I think its Blackberry Bible

نعود إلى الأجواء المغبرة ..

يا ترى ممكن نسمع اقتراحاتكم شلون نقضي بقية الويك إند في الجو المغبر!؟ أنا واحد رايح أشوف فيلم روبن هوود الليلة .. تمسون على خير