جرت العادة منذ أن كنت طالبا في الجامعة أن أواضب على حضور ديوانية من ربع الكلية .. و بالرغم من أن بعض رواد الديوانية حولوا كلياتهم أيام الدراسة إلا أننا تعرفنا في البداية على بعضنا البعض في كلية الهندسة، و الحمدلله أنعم الله علينا بهذه الصحبة منذ أيام الجامعة .. طلعات و روحات و ييات و سفرات مع بعض .. عسى الله لا يفرقنا .. المهم .. وصلتني رسالة جميلة على الواتس آب مسنجر من صاحب الديوانية أنقل لكم محتواها الجميل بتصرف بنسبة 1% ..
بمناسبه اخر دوانيه قبل رمضان دوانيتنا اليوم غير
أجنده الدوانيه
· الحضور الساعه ٨:٥٩ مساء
· تبادل التحيه والسلام
· ضغاط عالخفيف عشان محد يزعل
· الباستا الاصليه (مو مالت الاسبوع اللي طاف)
· مناقشه موضوع منع البلاك بري
· ميني بيرجر مع باربيكيو سوس
· مناقشه قرب رمضان.
· طبق الموسم
· عصير عوار قلب.
· كوت بو سته "عسم"
· مفاجأت الموسم كوكتيل شرمب على الطريقه اليابانيه
· تركس على قانون بو سيف
· حضور بويعقوب الساعه ١٠:٤٥ يسأل عن العشا
· مناقشة اخر اخبار "عزيزي..... مثلاً"
· دعاء ختام المجلس
و نشوفكم على خير بعد رمضان
و نعم الصحبة أنتم .. و أكرمك الله يا صاحب الديوانية مقدما :)
11 comments:
الحلو دقّة المحاور والانضباط بالوقت ..
شيء جميل أن نرى مثل هالدواوين موجوده
وقت ممتع لكم والله يوفق صاحبها دوم
؛)
الصحبة الصالحة نعمة
عسى ربي لا يغير عليكم
:)
اهم شي:
8.59
انا ملاحظه شي بالنسبه للتوقيت
اخوي امس يقولي قعديني من النوم خمس الا اربع دقايق
!!
مادري شكثر الدقايق مهمه بالتسبه للشباب
:P
الياقوت
ألم أذكر أننا من كلية الهندسة ؟
;)
Estekana
قلتيلي أخوج شنو كان يدرس ؟
:P
الوقت مهم بالنسبة لنا ولله الحمد .. مو كل من يعرف قيمة الوقت :)
ههه عجيب برنامجكم عبالي بس آنا أستخدم الـ 59 دقيقة
:)
شنو التغيير إلي نسبته 1% ؟
:p
ماشاااء الله
صاحبكم عصري حده
واجندته مواكبه كل احداث المجتمع المخملي الكويتي
:)
عسى ربي يسعدكم بصحبه طيبة صالحة
ويبارك عليكم الشهر
ويرزقكم الطاعة والقبول
بويعقوب شكله مبدّع اللي حاطينله توقيت بروحه! :p
عليكم بألف عافية! :)
عجيب الجدول
هههه
والله ممتع ماشاء الله
الله يهنيك بجذي صحبة
ويخليكم لبعض
Ra-1
لا تسألوا عن أشياء إن تُبدَ لكم تسؤكم
:P
لا لا شغلة متعارفة بيننا .. ما حبيت أحطها .. خصوصا إني ما استأذنت صاحب الرسالة في وضع رسالته في الموضوع :)
الزين
التنويع زين يا الزين :)
و عسى الله يتقبل منا و منج و علينا و عليج يتبارك .. أسعدني مرورج :)
Seema
صج ان بو يعقوب وصل أبجر شوي من الموعد المحدد له .. لكن فعلا ما لقى إلا تناتيف و بقايا عشاء
:P
qesat_5ayal
آمين :)
ولدت في المهجر
يوفق الجميع .. حياك الله :)
Post a Comment