أرى من الطبيعي اختلاف الأشقاء في الطباع .. فهنالك الجاد و الكسول، خفيف الطينة و المليق، المحبوب و الكريه، الكريم و البخيل ... الخ
بالنسبة لي أدري اني مختلف تماما عن أخوي اللي أصغر مني على طول في الطباع لكن ما لم أدركه إلا قبل جم يوم .. إن أطباعنا و ذوقنا في الأكل مختلفة تماما !!
كنت أعتقد أن الأكل ماله أهمية في الطباع .. فاللي المفروض آكله ,, حتى أخوي ياكله .. شي عادي .. بس ما لا حظت إلا لما طلعت معاه قبل يومين و تعشينا في نودلز فاكتوري في الأفينيوز ..
القصة و ما فيها إن اتفقنا نتعشى .. أنا أحن أبي أروح الأفينيوز علشان ماكاروني جريل و هو ما يعرفه .. يوم وصلنا و طل داخل و شاف المنيو .. قال أنا ماراح آكل بيتزا و باستا و عجين .. قلت له يابن الحلال أكلهم حلو .. قال أبد !
قال: خنروح نودلز مجربه جم مرة و عاجبني .. و أنا بيني و بينكم ما جربته .. و كل ما أمر عليه أقول مرة ثانية أجربه .. هالمرة وافقت و ليتني ما وافقت !
طلب أخوي كونه يعرف شنو الزين كعادة الناس لما تروح مطعم يديد ما تدري شتطلب .. و غالبا ما يروحون بعد ما يمدح لهم شخص ثاني المطعم ..
وصل الطلب و حسيت لايعة جبدي من الشوربة اللي فيها جيلي و طلع في النهاية بيض ! و سبرينغ رولز بط .. علجت البطة لين طق حنجي جان أقطها !
و هو مستمتع آخر استمتاع الحبيب ما شاء الله عليه !
طبعا ما بقى تعليق ما علقت .. قلت له .. هاردلك مطعم .. قال لي هالجم كلمة اللي خلتني أفكر بعدها وايد ..
قال: تصدق أنا معاك مختلفين نهائيا بذوقنا في الأكل !! ما قط دخلنا مطعم و مدحته - لأن إذا طلعت معاه أروح على ذوقه و على بالي كل الأكل اللي ياكله لازم يعجبني - إلا في جوني روكتس !!
هني قعدت أفكر ان المشكلة مشكلة ذوق في الأكل .. و على طول فكرت في ربعي و حمدت ربي ان طول هالسنين من تعرفت عليهم في الجامعة إلين يومنا هذا ما قط دشينا مطعم مع بعض و طلع واحد مستاء من الأكل !
كلنا نفس الذوق .. و ما قط ذكر واحد أكلة معينة .. إلا الكل تشوفه يتنطع !
Have a nice week end ..
على فكرة .. رايحين نتغدى مع بعض .. الله لا يغير علينا :)
-------------------------------------------------
ما مقدار إدمانك على التدوين !؟ اكتشف حبك للتدوين بالإجابة على بعض الأسئلة :)
64%
بالنسبة لي أدري اني مختلف تماما عن أخوي اللي أصغر مني على طول في الطباع لكن ما لم أدركه إلا قبل جم يوم .. إن أطباعنا و ذوقنا في الأكل مختلفة تماما !!
كنت أعتقد أن الأكل ماله أهمية في الطباع .. فاللي المفروض آكله ,, حتى أخوي ياكله .. شي عادي .. بس ما لا حظت إلا لما طلعت معاه قبل يومين و تعشينا في نودلز فاكتوري في الأفينيوز ..
القصة و ما فيها إن اتفقنا نتعشى .. أنا أحن أبي أروح الأفينيوز علشان ماكاروني جريل و هو ما يعرفه .. يوم وصلنا و طل داخل و شاف المنيو .. قال أنا ماراح آكل بيتزا و باستا و عجين .. قلت له يابن الحلال أكلهم حلو .. قال أبد !
قال: خنروح نودلز مجربه جم مرة و عاجبني .. و أنا بيني و بينكم ما جربته .. و كل ما أمر عليه أقول مرة ثانية أجربه .. هالمرة وافقت و ليتني ما وافقت !
طلب أخوي كونه يعرف شنو الزين كعادة الناس لما تروح مطعم يديد ما تدري شتطلب .. و غالبا ما يروحون بعد ما يمدح لهم شخص ثاني المطعم ..
وصل الطلب و حسيت لايعة جبدي من الشوربة اللي فيها جيلي و طلع في النهاية بيض ! و سبرينغ رولز بط .. علجت البطة لين طق حنجي جان أقطها !
و هو مستمتع آخر استمتاع الحبيب ما شاء الله عليه !
طبعا ما بقى تعليق ما علقت .. قلت له .. هاردلك مطعم .. قال لي هالجم كلمة اللي خلتني أفكر بعدها وايد ..
قال: تصدق أنا معاك مختلفين نهائيا بذوقنا في الأكل !! ما قط دخلنا مطعم و مدحته - لأن إذا طلعت معاه أروح على ذوقه و على بالي كل الأكل اللي ياكله لازم يعجبني - إلا في جوني روكتس !!
هني قعدت أفكر ان المشكلة مشكلة ذوق في الأكل .. و على طول فكرت في ربعي و حمدت ربي ان طول هالسنين من تعرفت عليهم في الجامعة إلين يومنا هذا ما قط دشينا مطعم مع بعض و طلع واحد مستاء من الأكل !
كلنا نفس الذوق .. و ما قط ذكر واحد أكلة معينة .. إلا الكل تشوفه يتنطع !
Have a nice week end ..
على فكرة .. رايحين نتغدى مع بعض .. الله لا يغير علينا :)
-------------------------------------------------
ما مقدار إدمانك على التدوين !؟ اكتشف حبك للتدوين بالإجابة على بعض الأسئلة :)
64%
