فراره و موقف خايس

الوقت يمر بشكل بطيء لما تكون مسافر بروحك .. و تعد الأيام و الليالي علشان تخلص الدورة و تاخذ الشهادة بعد الاختبار و ترد .. و علشان أقضي و قت ممتع في دبي .. افتريت في المجمعات فرارة .. طبعا كل سفرة أمر مجمعين أو ثلاث على حسب المقاقة .. هذي ثالث دورة خلال هالسنة في دبي و ما شفت نص المجمعات .. إما زحمة أو ماكو وقت أو مالي خلق ..
طبعا المول اللي حبيته و دائما في الصدارة هو مول الإمارات .. وين ما أروح و أرد .. لازم أمره مرتين في النهاية .. طبعا هالحجي صحيح إذا ماكنت ساكن خلال الدورة في فندق الكيمبنسكي .. لأني في المرات السابقة سكنت فيه و ماطلعت منه كلش ! أنزل المول بعد الدورة و ما أرد إلا علشان أنام ! و اليوم الأخير رديت مبجر علشان أدرس للاختبار ..
يا جماعة أنا واحد بطلت أروح للسينما في الكويت من قبل لا يرتفع سعر التذكرة من زمان .. لكن بعد ما رفعوا سعرها ما فكرت اروح خلاص !! لكن من أكون في دبي .. و الوحدة تحاصرني .. مالي إلا السينما .. أدش أشطب على الأفلام اللي نازلة و أرد أنام !
أنا ما أدري فيلم
The Bank job
نازل في الكويت ولا لأ .. لكن من أشوف الممثل
Jason Stathan
على بوستر الفيلم أقص لي تذكرة و أنا مغمض .. فعلا فيلم رائع .. ابتداءا من التخطيط إلى الانتهاء من المشروع - تحليلي كان كله بوجهة نظر إدارة مشروع - الفيلم مشوق و فيه أكشن و مستوحى من قصة واقعية.

طبعا ما أظن أحد ما سمع بفيلم
Indiana Jones
هم شطبت عليه و كنت أبي أروح له من أول ما نزل الكويت لكن ربعي مو مال سينمات - أو بالأحرى مع حريمهم بس .. عقبال ما أنضم إلى قائمة المتزوجين - .. عطهم مطاعم يكونون عند ويهك ..المهم قلت اشوفه .. بس طلعت بالانطباع اللي يقول مممممممممممم .. لا باس ينبلع !

موقف خااااااااااااااايس

صعدت إلى الطابق الأخير في الفندق و المخصص لرجال الأعمال - لان الانترنت فيه ببلاش مو لأني رجل أعمال - لقضاء بعض الوقت في الرد على إيميلات الدوام و الإيميلات الخاصة و المدونات و كتابة موضوع للمدونة .. كان معاي واحد كويتي في الدورة .. و قدر الله إني ما أتعرف عليه إلا في الدورة الثانية - الفترة اللي أحضرها عبارة عن دورتين متصلتين - المهم تعرفت عليه أول يوم من الدورة الثانية و سولفت معاه و يشتغل بشركة معروفة في الديرة و ولد عايلة هم معروفة ماشاء الله ..
هالحجي الساعة 10 بالليل .. دشيت القاعة أدور مكان فيه بلاك كهربا علشان أشغل لابتوبي .. كنت مشغول و ما أدري من اللي قاعد .. بعد ما خلصت لويتي و شغلت اللابتوب و لا أشوف من بعيد صاحبنا الكويتي .. بس هالمرة لابس بنطرون و يالله عرفته .. عاد أنا كنت قاعد أتأكد أهو ولا لأ !؟ و لا بسرعة قام و حط التلفون على خده و قعد يتكلم و انا أطالعه وين رايح هذا؟ راح صوب باب البار ولا الظاهر غلطان جان يلف و يطلع من القاعة ..
المهم كل شي الحين تمام .. بس قاعد أشوف طاولته ولا عليها موزة بصحن ما كلاها !! قلت الظاهر انها مكالمة ضرورية و مشى و بعد شوي بيرد ..
قمت بغير مكاني لمكان أحسن .. ولا الجرسون معاه بطل شغل عدل و رايح لطاولة صاحبنا و ترس قلاصه بعصير أحمر - أحسنت النية - عاد أنا من الشطانة جان اقول للجرسون ..
what kind of juices is this ?
قال لي:
Sir, this is a wine .. you wanna some?
قلت:
No thank you, I'd rather have an orange juice plz

يوم راح قلت .. أهاااااااااااااااااا .. أشوف صاحبنا انثول و تخسـبـــــــــــــــــــــق و ما يدري وين يرووووووووح .. اثاريني خربت عليييييييييه .. ما توقع أحد هالحزة من المشاركين في الدورة يدش قاعة رجال الأعمال .. ههههههههه

عاد أول مرة أشوفه و أتعرف عليه في الدورة ..

تهقون شصار اليوم في الدورة لما شفته !؟

هذا ما سنقرأه في الموضوع القادم
:P


يا جماعة لحد يفهم من الموقف إني أتشمت ... ترى ابن آدم يخطي و كلنا خطاء و محد منزه من الخطأ