نستكمل حديثنا بعد العودة من رحلة العمل التي قضيتها في دبي لمدة أسبوع تكللت ولله الحمد بالنجاح و طفت الاختبارين
نكمل لكم سالفة صاحبنا اللي خربت عليه سهرته ..
في اليوم الثاني للدورة .. و أنا ياي من الممر و لا اللي جدامي في الجهة المقابلة من الممر ياي صوبي .. أنا طالعته و ابتسمت له .. و يوم وصل سلمت عليه و كأنه ما صار شي أمس - ماله داعي أصلا أتكلم .. أنا شكو !! - المهم مشيت السالفة و جنه شي ما صار .. أنا حسيت من أول ما سلمت عليه انه مرتبك .. لكن يوم مشيت الفيلم و سويت نفسي ما أدري ارتاح الريال ..
و الحمدلله عدى اليوم الثاني و الثالث على خير ..
خبر للزميل حسام بن ضرار .. المحاضر الأسترالي أهداني كتاب من الكتب اللي شارك في تأليفها و كتب على الصفحة الأولى منه التالي .. اضغط على الصورة
for Khalid
May your success be as outstanding and as wonderful as your photographs
All the best
Alan Patching
the book link
May your success be as outstanding and as wonderful as your photographs
All the best
Alan Patching
the book link
التنفيس عن الضغوط ..
لحد يقولكم روحوا الشاليه ولا طلعوا تعشوا بمطعم و لا روحوا سينما !!
إذا كنتوا متضايقين من ضغوطات العمل أو الدراسة .. ثق تماما إن أفضل طريقة للتخلص من كل اللي طاف هي الموضحة في الأسفل ..
بتقولون استخف صح !؟
هذا الله يسلمكم جزء من يوم عائلي ممتع قضيته مع بنتي ..
طلعت معاها و وشريت لها ببايات - رسوم متحركة لغير الناطقين بالعامية - و كان في بالي فكرة .. فقلت لها الفكرة و تحمست لها .. مرينا الجمعية لتطبيق الفكرة .. و دشينا المكتبة و اختارت لي و لها كراسة تلوين نفس الشي و كل واحد خذا الألوان اللي يبيها ..
هني القمندة ..
صراحة .. أثناء التلوين حسيت بشعور غريب .. بساطة في التفكير باختيار الألوان .. و انسياب أقلام التلوين على البياض و سماع صوت صرير القلم و هو رايح راد على الورقة .. استمتاع لآخر لحظة !!
و عقبها شصار !؟ حسيت براحة نفسية لأني قضيت لحظات ممتعة مع بنتي .. أشياء بسيطة في بالي و ممكن أفكر انها سخيفة .. لكنها متأكد سترسخ في بالها و راح تقول حق كل من تشوفه إن أبوي شراله ألوان و كراسة و لون معاي ..
علشان ما تزعل بنتي .. شافتني أسوي "سكان" للرسمات اللي لونتهم و طلعوا على الشاشة .. جان تقول حتى أنا أبي "تصور" رسماتي بعد !!
ماعليه يا جماعة .. دونالد دك مسوي تاااان
الويه أخضر و الإيد زرقة و الريل صفرة !! ليييييييش !!؟
الله يسامحج .. ما طلعتي على أبوج !
الويه أخضر و الإيد زرقة و الريل صفرة !! ليييييييش !!؟الله يسامحج .. ما طلعتي على أبوج !
جربوا الفكرة :)
29 comments:
wow
that was amazing .. seem that you had an amazing day with ur lovely daughter " allah y5aleeha lek "
her paintings are adorable !!
you did an amazing job with her and i think that every one should do such a thing with their kids and try to be friends with them :)
فكرة راائعة..
أحسنت خالد.. أسعدت نفسك و أسعدت بنتك
الله يخليها لك ويرزقك برّها :)
تغيبت عن الرد على المدونات مذ زمنٍ
إلا أن هذا الوقفة التربوية أثارتني حقاً
!
أن يشارك أحد الأبوين إبنه فيما يحب ويهوى, يقترب منه..يستمع إليه.. يُربت على كتفيه.. يناظره بحنان
من شأنه أن يغرس كل قيمة أخلاقية أصيلة في نفس الإبن, غير أنه يشبعه عاطفياً
:)
ومثلما ذكرت مثل تلك الوقفات تظل عالقة في ذهن الإبن حتى يكبر, فمازلتُ الى الآن أذكر جلساتي الفكرية الثقافية مع والدي بعد قراءة أي كتاب, وامتداد أثرها في صقل شخصيتي.
:
:
أسأل الرحمن أن يوفقكم في تربية ابنتكم التربية الإسلامية الصالحة, لتصبح يوماً قائدة رائدة في الأمة.
الله يعطيك العافية اخ خالد
كتابة رائعة و ممتعة
حلو ان الوالدين يشاركون عيالهم ، مو كله قاطينهم عند الخدم و لا يدرون عنهم
بس سؤال من باب اللقافة ;p
انت في احد الكتابات بالمدونة كتبت عن الرياييل اللي يروحون السينما مع زوجاتهم ، و انت قلت بما معناه ان يا رب نركب في قافلة المتزوجين ، او شي جيذي . فا شلون الحين تقول بنتي يعني متزوج . ممكن توضح لنا هالنقطة ؟ عشان استوعب
the dawn
Yeah its true that I had an a amazing day since I barely see her ..
Thank you Dawn :)
'3air
آمين .. شكرا
شهرزاد
فعلا هي قيمة رفيعة أحببن أن أغرسها .. ما كانت السالفة عبط .. الفكرة كانت مدروسة ..
هي بالنسبة لها وااااااو .. أبوي لون معاي !
أنا عندي انها لحظة بسيطة و يمكن عودة إلى ذكريات الطفولة و نسيان الحاضر ..
شكرا لإدلائك بتعليقك :)
متفائلون
الشرع حلل أربع
:P
u r agood father
she's lucky
:)
allah ya7fo'6kom 7ag ba3a'9
الشرع حلل اربع ؟
وشدخل هذا بسؤالي
نعتذر لكم على ردي الأولي . الظاهر انت تبي توصل لي رسالة انك ما تبي تجاوب
اوكي . وصلت رسالتك
و نعتذر لك . كان مجرد سؤال لا اكثر
الزين
آمين :)
متفائلون
و أنا عند كلامي ..
الله يسهل و أقتنع و أركب القافلة مرة أخرى بعد ما نزلت منها
;)
وضحت ؟
اولا ..
الحمدلله على السلامة :)
و ثانيا :
بالنسبة لصاحبك الي شفته ..
حاول انك تكسبه ..
و توجه له نصيحة اخوية ممكن يقتع و يبتعد عن هالشي ..
و يمكن اهو مقتنع انه حرام بس مو قادر يتركه فتساعده و تاخذ فيه اجر ..
اما بالنسبة الى الرسمات ..
و هدفك بقضاء وقت ممتع مع بنتك فأهنيك على هالشي ..
صدقني ..
اغلب مشاكل البنات بسبب ابهاتهم ..
ما يقعدون معاهم ولا يدرون عنهم ..
اذا شفت وحدة ضايعة بحياتها فتأكد ان ابوها بعيد عنها ..
و صدقني ..
اجمل اللحظات لما البنت تقضيها مع الاب ..
لحظات ما تنسي ..
و بالنسبة الى الرسمات ...
عذرا بس
رسمات دلولة احلى ;p
كافي انهم من تلوينها..
wooooooooooow
عاد انا اموت على التلوين ورفيجتي تقول ان فيه دكتور نفسي قايلها ان التلوين او الرسم عموما يفرغ الشحنات العاطفيه المكبوته او اذا كان الانسان متضايق من شي او نفسيته تعبانه...عاد رحت خميت دفاتر تلوين من بو اميه ورديت حق هوايتي القديمه التلوين...صراحه وايد استانست وارتحت...وانت الحين اكدت معلومتي
الله يخليلك بنيتك ان شاء وتشوفها عروس :)
Qiyadiya
الله يسلمج :)
مو مشكلة بطوفها هالمرة .. علشان بنتي
:P
tekana
أها .. زين قلتيلي .. لأني حبيت التلوين
:P
عسى الله يخليلج كل غالي .. ما قصرتي أختي :)
والله ريال آلان
احسن مدرب اخذت عنده دوره
عسى قال لكم عن تجربته مع اولمبياد سيدني؟
يقول ان اهوه كان البروجكت مانجر مال الاستاد الاولمبي
نعتذر لك اخوي خالد
اجابتك احرجتني وايد
اتمنى انك ما تكون متضايق
انت خوش واحد و تستاهل كل خير والله
حسام بن ضرار
اي أكيد تكلمن عن تجربته في أستاد سيدني ..
الريال متمكن ما شاء الله عليه
:)
متفائلون
حياك الله
ماكو احلى من الشعور اللى حسيته مع بنتك التخلص من الضغوط في شى بسيط ومريح
أول شي الحمدلله على سلامتك ونورت الديره بو وليد .
ثاني شي صاحبك حاول تكسبه قد ماتقدر انصح بحب تكسبه ترى أكثر المنحرفين يرفضون لأنه يحس أنت موقاعد تنصحه قاعد توريه إنك أحسن منه فعشان جذي حسسه إنك تبيله الخير لأنه صاحبك وعزيز عليك.
ثالث شي:
الله يخليلك بنيتك ويحفظها ويصلحها إن شاء الله وزين سويت الواحد لما يقعد مع بنته ولا ولده ينسى الدنيا كلها والله الله يخليكم لبعض واقول هذا الكلام الحكيم(آنا كل كلامي حكمه إحم إحم)
وآنا ماركبت قطار الزواج لحد الحين عموما موضوع مميز منك يامميز الله يوفقك بحياتك يا بو وليد.
لك كل التحية من أخوك بوعبدالله
san3a w laken
جربيه و قولي لي شنو تحسين :)
صقر قريش
الله يسلمك يا بو عبدالله :)
والله تبي الصراحة ما بيني و بينه شي .. ما أعرف إلا اسمه ! الله يصلحه و يستر علينا جميعا
عسى الله يخلي لك كل غالي .. ما قصرت يا أخوي .. حكيم طول عمرك دام ربعك العقاد و أمثاله
:P
ان شاء الله تركب .. بس قص تذكرة و صف بالدور
:P
صباح الورد
الحمدالله على السلالامه
:)
ههههههههه
والله زين اتسوى
يا حلو القعده مع اليهال
الله يحفظها ولا يخليها منك ان شاءالله
:)
Charisma
صباح الأزهار .. هلا كاريزما :)
الله يسلمج من كل شر ..
لا تعلقين و بس .. جربي الألوان و التشخبط و علميني شيصير معاج
:P
حياج الله
الله يخليها لك
انا باسمع كلامك وبجرب اللي قلته ويا خشيم الفار
واذا صار شي انت اللي تتحمل
اهليين ..
من زمان مامريت على مدونتك مقصره
بس فكره التلوين علشان تتخلص من الضغوط
ممتاااااااازه ومجربه ..
انا جذيه مره تضايقت من شغله وقعدت اركب واستااااااانست مادري شلون مسكتهم وقعدت اركب ..
وطار كل الضغوط ..
بس وين لنا بهذي الفكره وقت الضيقه عسانا نذكر
مشكور والله ذكرتني فيها الحين واحتاج لها
الله شوقتني على التلوين
احب الوان شمعيه توووووونس :)
وما تدمر ولا شي
اشترها حق بنيتك :) الله يحفظها
Barrak
يا هلا و مرحبا .. تعال تقهوة عندي ..
:P
جرب معاه جرب شخسران ؟
بس دير بالك يعضك
:P
عابرة
إي والله مقصرة .. لا تقطعين
:P
استمري في ممارسة هالهواية .. تراها حلوة .. بس لا تكثرين منها .. ترا هي بس عند اللزوم
:)
حياج الله
Shlalat
جربي و علميني شنو استفدتي :)
ما أحب الألوان الشمعية .. أحس انهم يدبقون
:P
ربي يخليها لك ويسعدكم ببعض يابوالدل
بس ماقدر اخفي ان تعليق اخونا براك ضحكني :)
Salman Almulla
الله يسلمك يا الاحساس .. ما قصرت ..
جرب تلون .. و خل عنك المِكسرات و الوايرات
:P
يامعود لاتوصي السلم دايما مناشب اليهال، شفتهم أمس يلونون جان اطيح له تلوين معاهم
:)
Salman Almulla
ههههههه .. كلش ما أتخيلك تلون مع اليهال .. هههههه ..
شكلك حاط مايك يم الصفحة و قاعد تسجل صوت القلم و هو يشخبط
:P
Post a Comment