لن يكون الموضوع استكمالا لما جرى من أحداث في العمرة الشهر الماضي .. لكن الموضوع يسلط الضوء على الإجراءات الغبية التي يتم اتخاذها و العمل بها في المنفذ الجوي الوحيد في الكويت .. مطار الكويت !!
بعد التأخير الحاصل في رحلتنا على الكويتية القادمة من جدة، نتفاجأ كوفد كبير العدد أثناء النزول من الطائرة بالزحام الشديد عند مدخل السلم النازل لصالة القادمين !! لماذا هذا الزحام !؟ الممر اللي يمر فيه المسافرين القادمين وسيع شزينه .. إلى ما قبل السلم النازل لقاعة القادمين .. يضيج مثل المحقان .. واحد واحد يمرون جدام جهاز الكشف الحراري مال انفلونزا الخنازير!! وقفنا جم دقيقة .. و سكتنا .. عند النزول تفاجأنا بالعدد الهائل للمسافرين القادمين .. و الطوابير الطويلة اللي واصلة للسلم !!
أترك لكم التعليق .. صراحة الكل عيز يتكلم و يقول مطارنا يفشل .. و المسافرين كل مالهم ويزيدون .. و المطار الحالي لا يلبي الاحتياجات و العدد الكبير المتزايد بشكل طردي .. لكن عمك أصمخ !!
قبل لا أنسى .. في ورقة وزعوها المضيفات علينا في الطيارة قبل الهبوط في مطار الكويت .. تابعة لوزارة الصحة .. و هي عبارة عن أسئلة للمسافر عما إذا كان يعاني من أعراض تم ذكرها على شكل أسئلة ..
لا تسألني عن عيادة المطار اللي تقول أحد عيادات الصحة المدرسية أيام أول في كل مدرسة !!
عند وصولنا لكاونتر ختم الجوازات .. يسألنا الموظف عن الورقة الصحية .. قطع جزء منها و عند ختم الجوازات أعطانا الجزء المتبقي اللي يشبه الكوبون .. سألته ليش ؟ يقول لي بكل برود .. راجع وزارة الصحة باجر !!
استريييييييح .. و لي يومكم ما راجعت و لا أحد سأل فيني
ما طلعنا من المطار إلا 12:30 صباحا !! استغرقت العملية نزولا من الطائرة و تختيم الجوازات و البحث عن الحقائب و الطلعة من زحمة المطار حوالي الساعة و نصف الساعة .. ليييييييش !!؟ انمسحت وناسة السفرة و لذتها بهالساعة !!
بطلع عن الموضوع بالحديث عن موقف صارلي اليوم مع شركة فيفا
عندي اشتراك انترنت من فيفا .. أستخدمه كل يوم في الدوام .. حاولت عدة مرات اليوم الصبح اشبك .. و امبين ان المسألة فيها قطع خدمة .. حيث راجعت الرسائل في الواردة فوجدت رسالة تقول ان الفاتورة المستحقة تاريخها 5 يوليو .. فأدركت ان الجماعة شلعوا الفيشة
اتصلت 102 .. انتظار 10 دقايق على الخط .. يالله جاوبتني الأخت الموظفة في مركز الاتصال .. و بعد أن سألتها عن تفصيل الفواتير .. قالت لي انطر شوي .. و خذ 3 دقايق انتظار !!
أنا بقول لكم ليش اتصلت عليهم .. جرت العادة لما كنت مشترك بخدمة إيجو من زين ان الحبايب يدزون مسج بالمبلغ المطلوب .. لكن فيفا تدز مسج و تقول ادفع فقط .. زين جم أدفع ؟ ما أدري !! دشيت موقع فيفا .. لأني طول عمري أدفع عن طريق الموقع من ايام زين .. بس مشكلة موقعهم ما يقولك شكثر مبلغ مطلوب على اشتراك الانترنت .. كل اللي يقدر يقولك ان عليك فواتير على خطك العادي فقط .. فعشان جذي اتصلت أبيها تقولي جم بدفع .. و في هذه الأثناء أنا داخل الموقع و مسجل .. و بما أن الحماية للموقع تقول إذا لم يتم استخدام الخدمات في الموقع لمدة دقائق معدودة .. يتم فصل المستخدم و انهاء الدخول ..
حوالت أدخل مرة ثانية
username & password ..
ماكو فايدة ..
شوي و لا مسج من فيفا ..
بعد التأخير الحاصل في رحلتنا على الكويتية القادمة من جدة، نتفاجأ كوفد كبير العدد أثناء النزول من الطائرة بالزحام الشديد عند مدخل السلم النازل لصالة القادمين !! لماذا هذا الزحام !؟ الممر اللي يمر فيه المسافرين القادمين وسيع شزينه .. إلى ما قبل السلم النازل لقاعة القادمين .. يضيج مثل المحقان .. واحد واحد يمرون جدام جهاز الكشف الحراري مال انفلونزا الخنازير!! وقفنا جم دقيقة .. و سكتنا .. عند النزول تفاجأنا بالعدد الهائل للمسافرين القادمين .. و الطوابير الطويلة اللي واصلة للسلم !!
أترك لكم التعليق .. صراحة الكل عيز يتكلم و يقول مطارنا يفشل .. و المسافرين كل مالهم ويزيدون .. و المطار الحالي لا يلبي الاحتياجات و العدد الكبير المتزايد بشكل طردي .. لكن عمك أصمخ !!
قبل لا أنسى .. في ورقة وزعوها المضيفات علينا في الطيارة قبل الهبوط في مطار الكويت .. تابعة لوزارة الصحة .. و هي عبارة عن أسئلة للمسافر عما إذا كان يعاني من أعراض تم ذكرها على شكل أسئلة ..
لا تسألني عن عيادة المطار اللي تقول أحد عيادات الصحة المدرسية أيام أول في كل مدرسة !!
عند وصولنا لكاونتر ختم الجوازات .. يسألنا الموظف عن الورقة الصحية .. قطع جزء منها و عند ختم الجوازات أعطانا الجزء المتبقي اللي يشبه الكوبون .. سألته ليش ؟ يقول لي بكل برود .. راجع وزارة الصحة باجر !!
استريييييييح .. و لي يومكم ما راجعت و لا أحد سأل فيني
ما طلعنا من المطار إلا 12:30 صباحا !! استغرقت العملية نزولا من الطائرة و تختيم الجوازات و البحث عن الحقائب و الطلعة من زحمة المطار حوالي الساعة و نصف الساعة .. ليييييييش !!؟ انمسحت وناسة السفرة و لذتها بهالساعة !!
بطلع عن الموضوع بالحديث عن موقف صارلي اليوم مع شركة فيفا
اتصلت 102 .. انتظار 10 دقايق على الخط .. يالله جاوبتني الأخت الموظفة في مركز الاتصال .. و بعد أن سألتها عن تفصيل الفواتير .. قالت لي انطر شوي .. و خذ 3 دقايق انتظار !!
أنا بقول لكم ليش اتصلت عليهم .. جرت العادة لما كنت مشترك بخدمة إيجو من زين ان الحبايب يدزون مسج بالمبلغ المطلوب .. لكن فيفا تدز مسج و تقول ادفع فقط .. زين جم أدفع ؟ ما أدري !! دشيت موقع فيفا .. لأني طول عمري أدفع عن طريق الموقع من ايام زين .. بس مشكلة موقعهم ما يقولك شكثر مبلغ مطلوب على اشتراك الانترنت .. كل اللي يقدر يقولك ان عليك فواتير على خطك العادي فقط .. فعشان جذي اتصلت أبيها تقولي جم بدفع .. و في هذه الأثناء أنا داخل الموقع و مسجل .. و بما أن الحماية للموقع تقول إذا لم يتم استخدام الخدمات في الموقع لمدة دقائق معدودة .. يتم فصل المستخدم و انهاء الدخول ..
حوالت أدخل مرة ثانية
username & password ..
ماكو فايدة ..
شوي و لا مسج من فيفا ..
Your Portal account has been locked out. please retry logging to portal after 24 hours !!
يعني 24 ساعة ماكو خدمة انترنت !!
8 comments:
إجراءات المطار شي يضحك :)
انا وصلت قبل جم يوم من لندن و وزعو علينا نفس الورقة ، و المشكلة إن بنتي كانت منشولة شوي... فانحطيت أمام معضلة أخلاقية ، هل أكتب بالورقة ان فيها نشلة و أراجع عيادة المطار مثل كا اهم طالبين ولا أعطيهم طاف؟
توكلت على الله و قلت الصج
لما نزلنا من الطيارة تفاجأنا بجهاز يشبه حبيبنا وولي
WALL-E
:D
واقف ورا الجهاز واحد مادري ممرض ولا عامل.. و اهم شي إنه لابس كمام ! ليش.. مادري !؟
أشوه إن الطيارة كانت صغيرة و نص فاضية ، فالحمد لله مرت الأمور بسهولة و يسر
لما نزلنا تحت على طول دخلت العيادة و قالولي خل الدكتورة تفحص البنية أحسن ، دخلت بنتي ولا باستقبالنا الممرضة و بإيدها ميزان الحرارة مال الأذن... بنتي مسكينة اخترعت و بغت تنحاش !
لما ختمنا الجوازات سألتهم اذا لازم نمر المستوصف و قالتلي مو لازم الا اذا حسينا بشي
فالحمد لله تيسرت الأمور..
الظاهر سالفة المراجعة هاذي على المزاج
غلط
الكرت الي انت حاطه بس يبون تعبيه بيانات
المفروض مايقولك راجع
الي يراجعون اهما الي يايين من دول موبوؤه .. مثل امريكا
ويتم تسليمهم ورقه واهما بالطياره ومكتوب عليها .. غرامه اذا ماراجعت الطبيب خلال 24 ساعه
لكن الي انت حاطها اهني .. فقط اذا كانت عندك حراره يتم تحويلك لطبيب المطار الي يحولك لمستوصف اذا اشتبه فيك
وحمد الله على السلامه :)
توسعة المطار الحالي وبناء المطار الجديد وانشاء 9 مستشفيات و49 ألف وحدة سكنية ومدينة الحرير ومستشفى جابر بتلاقيها بالخطة الخمسية عند فهد احمد الفهد سنة 2040 لان ابوه احمد الفهد ما لحق يطبق الخطة الخمسية ؟؟
________________________________
وبالنسبة لاجراءات المطار فهذا شي طبيعي عند المسئولين المتخلفين
Moyad
الحمد لله على سلامتكم ..
شفت الـ
WALL-E
شكله مرتب جنه صج !
كل شي يمشي بالمزاج بالديرة !
انت بس طنش .. و ماكو إلا العافية
Q8 Blogger
على بالي أنا اللي غلط ..
أكيد هو الغلطان .. على أي أساس أراجع .. لا فيني حرارة و لا فيني شي الحمدلله .. مراجعة عالفاضي ليش !!
الله يسلمك :)
أهل شرق
سمعنا عن هالخطط ,, بس متى بيدقون أول مسمار !!؟
عرضت شركة هندية على منظمة الصحة العالمية، دواء لأنفلونزا الخنازير بعشرة دولارات
لكنها رفضت أن تشتريه أو تعتمده
لأن الدواء الحالي تبلغ قيمته 100 دولار
وصاحب وكالة الأدوية هو
رامسفيلد
!!
ولهذا يجب أن تنتشر دعاية المرض
لكي يستربح العم الأكبر على ظهورنا
الحمدلله إني سافرت قبل هالبلاوي وأحس المطار كلهم نايمين مادري ليش ولو أحد في فلونزا ما يدرون عنه والحافظ هو الله..
وعلى سالفة إن طلعوا السفرة من جبدكم فهذا شي لازم وطبيييعي وإلا ماتحس إنك مسافر عالكويتية ;p
--
بخصوص فيفا إلي ما ودي أكتب اسمها فرايي وتجربتي إنها شركة وين ما يقطونها تمشي وما تدري شسالفة
أنا جرّبت خذيت منهم خط فواتير أول ما سووا الشركة طبعًا أول جذبة إن الخط ببلاش واهوا بفلوس وثاني جذبة إن الدقايق أرخص وعندهم تخفيضات بوقت الذورة ولا شفنا ذروة ولا هم يحزنون..
استخدمت الخط من 21.12 ومو ذاك الاستخدام لأن خط مؤقت وحده مو الكل يعرفه يعني كنت أستخدم خطين بس كنت أستعمله استعمال خفيف جدًا..
دقيت عليهم تاريخ 6.1 -طبعًا عقب سنة نطرة ونظام الرد الآلي متخلف عندهم لازم أكلم الموظف عشان أعرف جم فاتورتي قصة-المهم قالولي فاتورتج 18 د.ك آمنا بالله
عقبها بإسبوع يمكن دقيت قالوا 26 د.ك وحطيت خدمة Family & Friend
عشان أدق أنا وايد على خط زين عشتو فيعني تصير الدقيقة أرخص وعقب 5 أيام تقريبًا كنت بسافر فدقيت إن بدفع قبل لا أروح ومتوقعة فاتورتي 30 يعني إذا كثّرت لأني قللّت من استخدامه يعني تقريبًا 80% جان يقولولي فاتورتج 52 دينااار !!!!
طبعًا أنا انصدمت صكرته شوي استوعبت جان أدق قتلهم بسأل عن فاتورتي جان يقولي اي أختي بس انتي توّج داقة !!!!
أنا نعم !!
إن شالله شركة يعني مو بقالة وإلا مطعم !!
يعني أنا عميل كيفي أدق لو كل دقيقة @@
وطبعًا أنواع الجذب يقولون مسجاتج بروحها 9 دنانير وشي حشا أوباما أدز 450 مسج بـ5 أيام والمضحك يقولي أختي النت عندج 230 فلس قتله أنا ما عندي أكاونت النت أساسًا !!
بوق مو طبيعي صكرت جهازي ورديت من السفر زادوا دينارين وشي ودفعت 54.540 زحيرإن شالله ما يتهنون فيهم ;p
سوري وايد قرقت بس يحرووون أكرههم لحد اييبلي طاري فيفا مع اسمها الغبي ;p
وأخيرًا أقولك ماكو على زين آه يا الأسمر يا زين ;p
اجرائات مطار الكويت مالها داعي ..
وانا لمى رجعت الكويت قبل شهر رحت المستوصف وماكو الى هنود..
ولو بطبقون القانون بشان الكرت الاصفر اشكره الكويت كلها بعد شهر 9 حابسينهم على قضايا بسبب عدم مراجعتهم المستوصف..
وعلى viva مالهم داعي داشين السوق الكويتي فايدتهم شي واحدحركت العروض بسوق الاتصالات فقط.
السلام عليكم ورحمة الله وبركاته
شلونك أخوي الفاضل:أبن الكويت؟
أن شاء الله بخير
أحب أدعوك أخوي الفاضل
لقراءة مقالاتي في مدونتي
مدونة أخوك:النور القريب
أنا أجريت أول مقابله لي
مع منشد الشارقة 2
المنشد شهاب خماس
تقدر تشوف المقابله في مدونتي
وأيضا كتبت مقاله عن حملة ركاز
وهي حملة رمضان فرصة عمري
وأيضا كتبت مقاله عن برنامج منشد الشارقة 4 الذي سوف يكون في شهر رمضان المبارك
أتمني لكل أخوي أبن الكويت
كل التوفيق
:)
وعلى فكره أنا وضعت بعض من أناشيدك
الرائعه في جهازي ال أي بود
أترقب كل أنشوده أنته تنشدها
في المستقبل
أخوك:النور القريب
Post a Comment