Tuesday, October 07, 2008

رقي


ماكو أفضل من استغلال الوقت عندي و خصوصا الصبح في الويك إند، أحللى وقت للطلعة - الاسترخاء في أحد الكافيهات مع تناول الريوق و قراءة كتاب أو تصوير طبعا
في الويك إند اللي طاف، قررت أن أطلع و أصور ،، بس وين !؟ حسمت الأمر لما حركت من البيت و اتجهت إلى جبرة الخضرة - الفرضة - في الشويخ لتصوير الوجيه السمحة واللحى الغانمة من بياعين و رواد الجبرة ..

بياع الرقي اللي في الصورة سالفته سالفة ... دار حوار شيق و مرح بيني و بينه ..

بياع الرقي: هاي يا جريدة !؟
خالد: أنا مو تبع جريدة .. تصوير خاص
بياع الرقي: وين بتحط الصور؟
خالد: في الانترنت ..يشوفون صورتك الناس في العالم كله .. أحسن لك من جريدة
بياع الرقي: صورني لو سمحت
خالد: أفا عليك، أنا لو مو انتوا في الجبرة جان ما ييت أصور ..
بياع الرقي (بعد ما وريته صورته): أيبااااااا .. بعدين يتخطفني النسوااااان لما يشوفوني!!
خالد: شتبي أكثر من جذي .. خل يتخطفنك :)
بياع الرقي: يابا وين سيارتك - حاملا رقية - ؟
خالد: جزاك الله خير .. جم حقها حجي؟
بياع الرقي: شوفة وجهك الله يخليك

حط الرقية في السيارة جزاه الله خير و تشكرت منه، ولي قصة أخرى مع بياع رقي ثاني أصر يعطيني رقية بعد ما صورته، فالمجموع رقيتين في السيارة !!

Shuwaikh Vegetable Market Slide Show
(will be updated periodically)

عـن أبي ذر جـنـدب بـن جـنـادة ، وأبي عـبد الـرحـمـن معـاذ بـن جـبـل رضي الله عـنهما ، عـن الرسول صلي الله عـليه وسلم ، قـال : ( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).

رواه الترمذي