Sunday, July 01, 2007

!! هذا ما جناه علي أبي


صورة التقطتها في أحد الصالونات الرجالية .. كنت منتظرا لدوري في الحلاقة حين لفت نظري هذا الطفل و أشفقت عليه والله !! كان ينتظر أباه بعد أن جنى عليه بهذه التسريحة و الألوان السخيفة ..



قد يعارضني الكثير في ما سأقوله و أطرحه .. لكن في مدونتي أبين فقط وجهة نظري .. الموضوع يتعلق بالتربية و التنشئة منذ الصغر على التخلق بصفات الرجال .. لا يقل لي أحدكم إن الولد صغير، و لا بأس في أن نصبغ شعره و نقص له بعض القصات الغريبة !!
عجبا لقول الشاعر حين سطر أبياته .. و أظنه أجاد و أفاد و أصاب كبد الحقيقة :

و ينشأ ناشئ الفتيان منا

على ما كان عوده أبوه


هذه الأمور الصغيرة في أعين البعض مع استمرارها تجعل الصغير متطبعا بها ناسيا هويته الإسلامية التي ينبغي أن يكون عليها و أن تبنى شخصيته منها .. سيرد علي أحدهم و يقول : " حتى الأطفال لاحقينهم" إي نعم حتى الأطفال لازم نربيهم صح من نعومة أظفارهم و نغرس في نفوسهم الفضيلة و كره التشبه بأصحاب الرذيلة في قصاتهم و ملابسهم الفاضحة و تلطخ أجسادهم و شعورهم و وجوههم بألوان الطيف !!

الموضوع ذو شجون .. والله تمنيت لو صورت أكثر في المجمعات بعض القصات الشاذة .. لكن ما حصلي حسافة ..

38 comments:

بنت الكويت said...

من رايي قصة الشعر ما فيها شي يعني مو مشكلة

بس الصبغ ليش
حرام الولد صغير واذا من الحين صبغ شعرة عيل عقب اشبسوي

Athoob Alshuaibi said...

صحيح القصة يعني مافيها مشكلة
بس انا اللي يضايقني تهاون الاباء في مسألة صبغ شعر الاطفال

الى جانب الاثار الاجتماعية بعيدة المدى واللي قد لا يدرك فداحتها الاباء

فللاصباغ مضار صحية للكبار و الصغار ....

يعني عملية تغيير اللون بحد ذاتها مافيها شي .. لكن انا افهم قصدك تماما
لكن لما تتحول الى اللماعيات والتقليعات الغريبة
اهني نقول
STOP

و الله يهدي الجميع ان شاء الله و يحفظ عيالنا

moayad said...

وللين...

عاد الحين عنده عدسة 400.. الله يستر

:P

عــــاشــــه said...

أفلحت ياخوي

فعلا حديث ذو شجون

الولد والبنت إذا ماعلمناهم من صغرهم فصعب نقدر ننشئ نشء يعتمد عليه في بناء الوطن

يكفي الغزو الفكري والإقتصادي والي من كل نوع وشكل

الولد يدلعونه لين مايخترب
والبنت يهملونها لغايه ماتسترجل

شو بعد بقى وماظهر من هالأهوال في مجتمعاتنا
والسبب التنشئة الغلط

الله يحفظ عيالنا وعيال أمه محمد يارب

ReLaaaX said...

والله إني أكيّف لما اشوف صبيان صغار اسمالله عليهم رايحين المسيد بروحهم والا رادين من المسيد

وهم نفس الشي استانس لما الابو يعلم ولده يعتمد على نفسه من يوم اهوا صغيرونو

عموماً لازال عندي بصيص أمل بجيل الصحوة :)))

والله يصلح حالنا وحال شبابنا وعيالنا ياربي ياحبيبي

سالفة قلب said...

انا بصراحه أخذ هذا الموضوع بمحمل الجد ولااقبل وجهة نظر بعض الاهل: صغار توهم وخلهم يستانسون
انا عندي التربيه موقف
انا احب اربي عيالي على انهم ماينقادون ورا اي موضه او اي صرعه
ولا احبهم يكونون امعه

Kuw_Son said...

بنت الكويت

أنا ما تكلمت عن قصته هذا بالذات .. أنا شايف ان مافيها شي .. لكن سالفة الأصباغ و التلمع هي المشكلة !!

و أنا كان ودي أتطرق إلى موضوع القصات الغريبة .. بس ناقصني صور !!

athoob

هم أرد و أقول ان القصة اللي قاصها الولد عادية ..
تهاون الآباء في تدليع الأطفال هو المشكلة ..
آمين :)

Moayad

عليك واحد .. 400 مالها دخل كلش .. لا يكون مدخلها الصالون معاي ههههههه !!؟

هذا سوني إريكسون يا شاطر :)

Kuw_Son said...

عاشة

لهذا أختي استدللت بقول الشاعر
التعليم في الصغر كانقش على الحجر .. غرس البذور الطيبة في مقتبل العمر .. بإذن الله ستؤتي ثمارا طيبة في شبابهم ..

الله يستر على أبناء المسلمين ..

حياج الله أختي الكريمة

Relaaax

مثل ما قلتي .. المنظر هذا يبشر بالخير ..
الأمل في الجيل القادم و الأجيال التي تليه ..

عسى الله يرزقنا بجيل يعيد أمجاد الأمة الإسلامية و يرفع من شأنها و مكانتها بين الشعوب بالعلم و الأخلاق

سالفة قلب

أرى فيك مثالا للإلتزام و القدوة من هذه الناحية .. أقدر و أحترم كل من يهتم بالأخلاق و يضعها نصب عينيه ..
لا تتأثري بكلام الناس ..
و من عالحجي !! توهم صغار .. خلوهم على راحتهم ..
و بعدين لين يطيح الفاس بالراس و لا يترقع الولد كلش !!

om-bukhnag-zare :) said...

مساك الله بالخير اخوي :)ا

مادري اشلون بعض الأهالي يبون اعيالهم يطلعون اوادم وسنعين وهم يطوفون لهم اشياء واايد وهم اصغار .. الواحد لازم يكون حريص ودقيق بتربية اعياله مو دكتاتوري لكن يكون حريص ولا يتهاون بالأشياء الصغيرة
لأن مثل ما يقول الشاعر
معظم النار من مستصغر الشرر

وصراحة لا القصة عاجبتني ولا التصبغ يرضيني .. صج ضيعنا هويتنا
واللي قاعد انشوفه من الصغار شي يهول ويخرع مادري اهلهم اشلون راضين بللي يصير

عموما كل واحد حر في نفسه وباعياله وكلن له طريقته .. شكو مشتطه ومتليقفه :)ا

loco said...

mo yomken yaby esaway 7ag welda ely ma gedar ohwa esawy :P :P

Unknown said...

تصدق اليوم كنت اتشرى اغراض البيت واشوف واحد من اللى موقفين روسهم
بغيت اتله
من عتراه

مانى فاهم شنو هالاشكال اللى طلعت فجأة وم وين يايبينهم يعنى انا اذكر بال91 كان الجيش الامريكي نقلد قصاتهم لان بنظرنا اهم الاقوياء اللى حررونا يعنى فى تبرير بس الحين تبرير حق اشكال ما ادري من وين طلعوا منها

وفعلا اهيا مسألة غرس علشان الواحد يثبت نفسه بس وين اللى يفهم عاد والله يقدرنا نربى عيالنا على مرضاة رب العالمين

wafa'a said...

من شبّ على شيء شاب عليه
فالطفل لمه يتعود من صغره على أشياء من هالنوع تكبر معاه لمه يكبر و تزيد رغبته فيها..
و موضوعك واصل بدون صور .. لأن الكل شايفه و معايشه .. تبقى المسألة بيد كل مربي ، إنه يبدي يصلح بحاله ، ويربي أطفاله على فضائل من شأنها أن تعلي من شجاعة الطفل و تقوي من شخصيته .. حتى يكون لنا كما نريد طفلاً من جيل الصحوة..

جزيت خيراً

Anonymous said...

waaay wallah maskeen alwalad

he is not even smiling :/

allah ysame7 abooh

hatha eli ysamoonah

ta8leed a3mah

fina 3eqdat america 7ata be ga9at alsha3ar!!!!

Sheikha85 said...

المشكله مو بقصة الولد هذا
روح المجمعات وشوف عجب العجاب
قصات وألوان وأشكال اللي حالق كل راسه وحاط بس قذله واللي مسوي خطوط يعني كول شي محزن والله

وانا معاك ما المفروض نقول صغير وتوه ياهل خيستانس ويسوي اللي يبيه هذا الصغير يفهم وخصوصاً بهالعمر تتنمى عنده العادات والسلوكيات ويعرف الصح من الغلط
راح يكبر والسلوك الخطأ يكبر معاه ويعتقد انه شي عادي وصح

عاداتنا وتقاليدنا احنا بنفسنا شوهناها بتصرفاتنا وتقليدنا للغرب بالزين والشين والشين اعتقد اكثر :)

لكل شعب ولكل أمه وحضاره سلوكيات وعادات من الواجب والمفروض التمسك فيها وتربية أبنائنا عليها
لكن للأسف صارت الشعوب متشابهه بالشكل والعادات حتى اللغه كثير يتناسى العربية ويتظاهر بالانجليزية يعني ستايل وكول المشكله في التربية وقلة الوازع الديني مافي تمسك بسلوكيات لدين

( هذا الكلام للصبيان والبنات )

الله يستر على اعيالنا واحفادنا :X

يعطيك العافية

الحارث بن همّام said...

هههههههه .. أنا اشهد انك صاج يا بوليد ..
إذا كان رب البيت بالدف ضارباً ** فشيمة أهل البيت كلهم الرقصُ

لا يوقّف

Kuw_Son said...

om-bukhnag-zare

أوكي ندري ان كل واحد حر بعياله .. لكن هذا ما يخلي مسئوليتنا كمجتمع المفروض انه يربي .. صج المسئولية تقع على عاتق الوالدين و الأهل بالدرجة الأولى .. لكن نحن بحاجة إلى إعادة مفهوم .. الجيران يربون و الفريج يربي و المجتمع ككل يهتم بالتربية ..

الله المستعان .. انتي معنية في هذا الموضوع يا أم بخنق كونج أم عيال و تربين و حبينا نسمع رايج

حياج الله .. أثريتي الموضوع :)

loco

يجوز ليش لأ
:P

mishari

جان تليته وأنا خوك ..
:P

الحين السالفة ضايعة ما تدري من طقاق ثقافتك و هويتك !!

::heba:: said...

والله انا ياخالد من هالناحيه
مع وضد بنفس الوقت

وللاسره طبيعي شي كبيير
في توجيه الاطفال ....

يعني مثلا رش الي يروح انا ماشوف فيها
اشكاليات خاصه هالشي وايد منتشر بين الاطفال ...وبالاخر الطفل مارده يكبر
وبيفهم واهو من نفسه يقول مابي انا مو ياهل .... اللون شعري


وهالشي شفته مع وايد اطفال

وبالتالي التربيه لها دور كبير
في توعيه الطفل ... بخصوص الشغلات هذي

وبنظري اذا الياهل منعته من شغلات عاديه مثل رش الي يروح ... باجر اذا كبر بطلع الكبت هذا
بشغلات ثانيه

هذا الي اشوووفه من الواقع
ويعطيك العافيه على الموضوع

Kuw_Son said...

loyalty

أشوة انه واصل بدون صور ..
أثني على كلامج و ما أزيد عليه ..

الله يجزيج خير :)

ghasheema

la la t5afeen el9bayan mestanseen dam yel3boon 3la ra7at'hom bdoon raqeeb !!

oho akeed taqleed a3mah :)
en3edam elqodwat fe 7ayat el kids oho elmeshkela elkbeera elle n3ani mnha .. tlaqeena yqalled momathel or singer or 7atta cartoon character !!

Shai5a

علشان جذي قلت في الموضوع حسافة ما رحت و صورت في المجمعات !!
و كلامج صحيح .. إذا من الصغر يسوي هالأشياء .. راح تكبر معاه على انها شي عادي لأن تربى على هالشي !!
لازم في هوية تميزنا عن باقي الديانات .. هوية نعتز فيها مو نحذفها و نتلقى أسوأ الهويات المستوردة !!

شكرا لج :)

Kuw_Son said...

الحارث بن همام

ان شاء الله ماراح أوقف بس ضبطنا بواحد سنيكرز
:P

حياك الله :)

Heba

أقدر وجهة نظرج ..
و أنا ما أبي أحد يفهم كلامي ان الصبغ حرام أو ما يجوز
أنا برايي هالشغلات ما يسوونها إلا اللي يخالفون ديننا ..
فليش نقلدهم !؟
يعني وناسة الطفل ما صارت إلا على هالشغلة !؟

الله يعطيج العافية .. نحتاج آراء مغايرة في بعض الأحيان :)

Shather said...

ذكرتني في اوبريت "صبي كسر المنظره" :P

و صدقت

التعليم في الصغر كالنقش عالحجر :)

مع ان في ناس تعجبها هالستايلات صج لي قالوا الناس اذواق

~ شَــهْـــرزاد ~ said...

موضعك بالفعل ذو شجون أخي الفاضل

ففي حين نجد أن أمهات المؤمنين ونساءنا الخالدات يحرصون على غرس حب الجهاد والبذل والعطاء والعمل للدعوة نجد الوضع مغايراً تماماً في زماننا هذا

الله المُستعان
؛(

أتذكر أن صفية رضي الله عنها , كانت تغرس في إبنها الشجاعة مذ سن الخامسة حيث كانت تدعه في الظلمة لوحده لكي يكون فارساً مقداماً مغواراً لا يهاب شيء لتأهله ليكون أحد فرسان الإسلام وحاملي لواء الدعوة

وقد نجحت بذلك نجاحاً منقطع النظير , ولا أخفى عليكم أنها كانت تتعذب من الداخل كونها أم تخشى على مشاعر إبنها ,إلا أن الرسالة التي تحملها أكبر من ذلك جعلتها تتتغلب على ذلك الأمر .


دمتَ ذات عدسةٍ ناقدة للظواهر السلبية التي تطفو على الساحة

QiYaDiYa said...

صح لسانك والله ..

في وايد اشياء ممكن تكون بسيطة في نظر الاباء لكن تأثر جدا في شخصية الطفل ..
و خاصة اذا كبر ..
بعدين ما نقدر نسيطر عليه ..


حلو الانسان يتحلى على عياله ..
لكن مو بالصورة هذي ..

و الله يعطيك العافية =)

Kuw Son said...

shather

عاااد الأوبريت !!! شنو مغبره ههههههه
هو أكيد الناس أذواق .. بس لازم يفرقون بين الزين و الشين ..

حياج الله :)

wase3at ala'afaq

ذكرك لموقف الصحابية مع إبنها أثرى و دعم الموضوع بارك الله فيج
شكرا لك :)

qiyadiya

صح بدنج أختي الكريمة :)

أكيد الواحد وده يتحلى عليهم لكن بالشي الزين اللي ينفع الطفل و يقوي من شخصيته و يحافظ على هويته ..

الله يعافيج :)

DanDash said...

عيل شتقول للي صابغة شعر بنتها و اهي عمرها 5 ؟!!
لا و مرة غيرته و حطلت له خصل @@

الحمد الله انه في وعي عند الأهالي عيالي هل الكورس كانو وطنين لأقصى درجة يعني لما نقول لهم عن العيد الوطني ولا اليوم الشعبي يناقزون من فرحتهم مو عشان الدشداشة لا و الغترة و العقال و فوقهم البشت تخيل عاد منظرهم بالطابور لووول

و عن سالفة الحلاقة انا جربتها مرة بالصف حطيت لهم ركن الحلاقة بكل شي تتخيله بس الأطوات بلاستيك و تعال شوف ما يحبون اصلا هل الأشياء
و ساعات الأهالي الله يهداهم يلعبن بحسبة
عيالهم ويحطون العلة بعيالهم و الله اذونا بالحنة نبي و نبي و تلاقيهم اهم الي يبون هل الشي

اصلا القصة هذي ما تصير و حتى الأصباغ انا اشوفها عيب للولد خصوصالانها ممكن تعده على اشياء ثانية

Hitman1 said...

I cannot agree more with you. That cut was sure ridiculous on a man head, let along on a boy that young. A father needs to set a standard much higher for his kids than this.

Shaima'a Alkandari said...

الردا ردى الاهل

عاد تعال شوف جم قاط على شعر ولده مبلغ وقدره

اذا الاهل يشوفون عيالهم جذي ويشجعونهم عيل باجر لي كبروا شبيسوون


الله يستر على هالجيل والاجيال اليايه


يعني هالشي بيترب عليه شكثر اشياء مستقبلا يعني من الممكن ان هالاطفال ينفتح لهم باب مستقبلا للانحراف


مادرى وين العقل وليش مايفكرون هالاهل

Kuw_Son said...

dandash

الله يحفظها ماشاء الله 5 سنوات و لاعبين بشعرها !!
أنا ما أشره على البنات .. كون الزينة لهم بالفطرة ..

لكن الصبيان هم المشكلة ..

و صحيح .. بعض اليهال ما يفطن على هالسوالف إذا أهله ما علموه عليها .. أحيانا تكون المشكلة في الأهل ..
كلامج على العين و الراس ..

Hitman

I'm with u Hitman1.. but in my opinion this is at least good hair cut compared with other odd ones !!
The problem here is the painting :)
I believe parents should set at least minimum good standards for raising thier Kids :)

Shaima'a Alkandari

في هذي انتي صاجة .. شرها على أبوه اللي مسويله هالخرابيط ..
و أنا الحين مو بصدد مناقشة سعر القصة أو هالخرابيط اللي على راسه ..
الأصل في الشغلة المبدأ ؟؟ هذا صح ؟ ولا غلط ؟
و مثل ما قلنا ..

إذا كان رب البيت بالدف ضاربا ..
فشيمة أهل البيت الدق و الرقص !!

Dana__23 said...

أول شي يعطيك العافيه على طرح هذا الموضوع يا خالد ..

صراحه أنا مع وضد هالشي ... ألحين أقولك ليش ..

اليهال الصغار مابين السنه و7سنوات .. تلاقي أمه وأبوه فرحانين فيه وطايرين فيه من الفرح وموعارفين شنو يسون فيه ..
فتلاقي أحسن الملابس يشترون له ودايمايختارون الأشياء المميزه عشان يتميز بين اليهال الثانين ..

تلوين الشعر حلو اذا كان في مناسبات خاصه كحفلة تنكريه أو عيدميلاد أو نوع من أنواع الحفلات أو اذا يبون يصورونه .. حلو الياهل يلون شعره اذا الوالدين يبون جذي طبعا ..

بس طبعا أتكلم عن الرش إلي يروح بالماي !! مو الصبغ الدائم

وأنا مع هالشي ..

==================================

وطبعا ضد هالشي .. إذا الكبار إلي فوق 7 سنوات وأكثر .. يلونون شعرهم ويسونه كشه !! صراحه أنا ضد هالشي ..

تلاقي ريال شطوله وشعرضه مسوي سبايكي كشه وصابغه !! منظر غير مشرف والله يفشل !!

الله يهدي هالشباب يارب .. ويحفظ ديرتنا وأهلها ...

هذا راي ياخالد :)
ويعطيك ألف عافيه يارب :)

eshda3wa said...

wa3alaiya maskeen

yhawloon b3yalhom and a new generation of 3agad is born

Kuw_Son said...

Dana

أحترم رايج و اقدره و كل له رأيه .. و هما الموضوع مفتوح للأخذ و الرد و الشد و الجذب ..

في النهاية كلكم راع و كلكم مسئول عن رعيته ..
و إن الله تعالى سائل الناس عن من يعولون .. أحفظوا أم ضيعوا ..

فأروا الله منكم خيرا :)

و كلامج عن الكبار ليس عليه غبار ولا ضباب .. واضح و ضوح البدر في الليلة الظلماء ..

الله يعطيج العافية يا دانة :)

eshda3wa

he he he .. we are not talking about 3aqad here :P

wrong moda5ala :P

What Will Be , Will Be .. said...

اي والله والمنظر قبيح جدا جدا

لا القصه ولا الالوان

ياحلو القصه اللي بدينار
تواليت وانقز

حتى الياهل يكون شكله
مرتب
وسنع

وتحس ان اهله ماعندهم كيري ميري

اما هالاشكال والقنافذ اللي تارسين الكويت

فهذا اسميه تشويه صورة الكويتيين

قبحهم الله

san3a_wa_laken said...

شوف يابو دلال:P
والله السالفه يالتها بس على قصه
الشعروالصبغ
السالفه اكبر .. السلاسل ...التراجي البطلون النازل الي الركب الله يهدهم بس ...جنه مشتري البطلون مو مقاسه
شي يحز في النفس وين الاهل والتربيه ..

Kuw_Son said...

what will be, will be

أنا واحد من الناس أبوي كان متوليني تواليت .. ماكو غيرها ..

و ماكنت معترض ولله الحمد إلين عاد رحت الثانوية
:P

بس ما عمري قصيت قصة و أفتخر ولله الحمد ..

و أخواني الصغار على شاكلتي لما كنت صغير .. أبوي طايحله تواليت .. و فيه خير واحد يتكلم :)

القنافذ صج تارسين الديرة الله يستر !!

Dalal w laken :P

هلا والله دلال
:P

والله الموضوع كبير و متشعب و ذو شجون .. الله يرحم الحال .. والله اني أحتر لما أشوف شاب طول بعرض و حاط ترجية ولا سلسلة !!

فما بالج لما أشوف ياهل !! المصيبة أعظم لأنه ما يفرق بين الصح و الغلط !! ينشأ على هالحركات !!

الطارق said...

هذا ما جناه أبي علي وما جنيت على أحد

Kuw_Son said...

altariq 2009

حياك الله :)

|:| DUBAI |:| said...

أكره شيء عندي ..ريال يصبغ شعره ..و حتى لو طفل ..أحس ما خلوا شيء حق الحريم

5roofa said...

9a7 lsanek
yaret kel el ahal yegron ele ent ketabta.

hatha walad b7alag ya3ny gol etha bero7 ay mkan bekon 6ale3 6al3a ehon, bs t3al shof el madars el bnat o el shabab , lebsom, sh3orhom.

ana tawny ma9arly 7ata sena bel tadres o a7es rasi shayab men ele ashofa.

bnat fe ola ebteda2i 9ab'3en sha3arhom 5e9al o el ga9at ele ma te9la7 ele 7ag kbar tshofa 3ala sha3arhom jena 7alaw.

mara de5alt 3ala 9af e7teya6 wela ashof bent 7a6a tarjeten fe athonha o tefalsf ena laha gathen taraji gbal el bnat o hathe kan ma yet3ada 3omerha el 9 snen.

9ij hal jel e5are3 o tasahel el aba2 oho ele ga3ed e6ale3 hal jeel.

ya36ek el 3afya 3al mawtho3 loool o adry lawa3t jabdek bkel blog rada mara wa7da lool bs kel ma ba6la3 eshedny 3enwan el blog ele wara :P

thanks o sorry 3al 6wala :D
Salamz...

Kuw_Son said...

5roofa

بالعكس .. وجهة نظرج صحيحة ..

الصراحة هالجيل ينخاف منه .. امفتحين باللبن !!

انتي عليج مسئولية لانك مدرسة .. على الأقل اغرسي قيمة .. نبهي على شغلة معينة ..

حاولي تبدين درسج بمعنى تربوي ..

إن شاء الله راح تأثرين فيهم إذا حبوج :)

حياج الله :)