أتقدم بالشكر الجزيل إلى الإعلامي الأستاذ سعد المعطش على استضافته لي في برنامجه الإذاعي "أنغام عربية" الإسبوعي على البرنامج العام
اليوم الساعة 11 مساءا و لمدة ساعة على تردد
89.5 FM
تحديث
أشكر أختي قيادية على تسجيل الحلقة .. ان شاء الله أحاول أوفرها منهم في أقرب وقت
Download the file here
37 comments:
تستاهل يا بو دلال
وانشاء الله نقدر نسمع الحلقة
ويلا بالتوفيج انشاء الله
Sulaiman
الله يسلمك يا أخوي ..
أجمعين :)
أعلم بأن البرنامج ليس برنامج ما يطلبه المشاهدون ، و لا حتى مايطلبه المدونون :)
لكن إن سمحت لك الفرصة للإنشاد فلتكن نشيدة لن ترحلي من بينهم :)
بالتوفيق أخي الكريم.
تساهيل كل خير
ما تتخيل اشكثر استمتعت في مقابلتك
اللي بالجريده ذاك اليوم
مشاءالله عليك كلام راقي واجوبه صريحه
بس عندي طلب + سوال
طلبي : عفيه اول ما ينزل شريطك خل البلوقر اول من يدرون
:P
سوالي : ليش لمن يسالونك شنو موهبتك تقول التصوير ؟؟؟ والانشاد ؟؟ شنو تعتبره ؟؟
* ملاحظة : الحلقة مسجلة
توني ألاحظ :)
ان شالله نقدر نطالع الحلقة
ونقولك آراءنا
=)
بالتوفيق
waaaaaaaaaaaaaaaaaay :/
e7trait !! i cant hear it :((
i searched the net maybe feee lehum web site w makoooo :$
i'm sure enha great .. bs 9ij '3me'6aaaa ma gedart asma3haa
.
.
w shukraaaaaaaaaaaan :D
يعطيك الف عافية
اجوبتك كانت بالصميم
=)
موفّق
حسافة يا بودلال ما شفت البوست الا متأخر
نبى نسمعك يا خوى
بسيطة اصيدك وين تروح
ايبك من رفيجك
لا تسألنى منو بعدين اقولك
;)
اولا :
تسجيل الحلقة :
http://rawajmt.com/Al-7aqqan.mp3
حق الي طافته الحلقة و بعدين تستاهل التسجيل =)
و اعتذر على التشويش الي بالتسجيل لأنه بالليل و الشتر مسكر ;s
ثانيا :
شي جميل جدا تسليط الضوء على الأناشيد
و ردودك كانت بمستوى راقي جدا و هذا مو شي يديد طبعا ..
و الاناشيد المختارة كانت رائعة جدا ..
لكن ..
المذيع جدا كان مبتهر مادري ليش طايحة من عينه الأناشيد !
و ديما يقول انتوا انتوا !!
و المطاوعة و الاسلاميين !!
يعني حداااا ما كان له داعي اسلوب الاستهزاء ..
يعني شلون انصدم انه في فيديو كليب للنشيد !!
يعني المفروض على اي مذيع ياي يقدم يكون عنده خلفية واضحة عن موضوع الحلقة ..
مو يبتهر و ما يدري شسالفة !!
على الاقل سامعلة نشيدتين و عارفلة منشدين على الاقل !!
مادري بس ما عجبني اسلوبه احسه كان يبي يتصيد و يستهزئ !!
المهم..
الله يعطيك العافية ..
و الانشاد من الفنون الجميلة و الراقية التي حان وقتها لتسليط الضوء عليها =)
QiYaDiYa
يعني حداااا ما كان له داعي اسلوب الاستهزاء ..
مادري بس ما عجبني اسلوبه احسه كان يبي يتصيد و يستهزئ
اي والله انا معاج بهالنقطه اسلوبه ماكان حلو حتى يوم يتكلم عن المرأه في الفيديو كليب!! حددده بط جبدي جنه يستعبط
سامحوني عالاطاله
سمعت الحلقة ولدي ملاحظات سأطرحها هنا أولاً اضحكني المذيع كثيراً
حين اقترح فكرة المنشدة ، و فكرته الأخرى بخصوص الفيديو كليب .. لكني حملت رأيه على حسن نية .. فواضح جداً أنه غير ملمّ بفن الإنشاد و بالفن الإسلامي عموماً..
ثانياً ، كان يجب عليه أن يأخذ فكرة شاملة حتى يتسنى له الحوار بفعالية اكثر و ليس الالتفات لأمور لا تقدم و تؤخر مثل سؤاله عن الصوفية و الانشاد.
و بصراحة حسناً فعلت حين اعتذرت عن الخوض في مثل هذا الحديث..
ثالثاً و أخيراً ، مهما كان انتقادي لأداء المذيع ، يكفي أنه قام ببادرة طيبة و احتضن مقابلةً إنشادية في برنامجه .. فهو يشكر على ذلك.
أما أخينا الكريم خالد ، فلا نملك إلا الدعاء له بأن يبارك الله بموهبته التي سخرها لخدمة رسالته السامية..
بالتوفيق للجميع
حسافه طافتنى
وفي رابط حاطته
QiYaDiYa
وبطلع عليه
بس المره اليايه قول لنا قبلها بجم يوم
الله يوفقك انشالله يا خالد
انت مبدع بجميع المجالات
عسى الله يوفقك ويسعدك :)
Weird qetra!
and is that a napkin he is holding :)
وي توني أشوف البلوق :(
بس أشوف إنه قياديه سجلتها :)
الله يوفقك ياخالد تستاهل كل خير والله :))
صوتك روعه ماشاءالله الله يحفظك يارب :)
Loyalty
خلاص دريتي عن الحلقة مسجلة سلفا .. مرة ثانية إن شاء الله :)
و كلامج صحيح .. أخوي الإعلامي و الكاتب بجريدة الراي سعد المعطش واضح انه غير ملم بطبيعة الإنشاد .. فكانت أسئلته عبارة عن استفسارات من غير تحضير أوراق .. له قدرة عجيبة في ابتكار الاسئلة ..
أول ما قعدنا على شان نبلش سألته عن الأوراق اللي راح يسأل منها .. قال لي مافي أوراق !!
كل شي محضره في بالي .. و فعلا ما شاء الله عليه استرسل في الحوار و سجلنا ساعة كاملة .. و كان التوقف فقط لشرب الماي و الاستعداد للنشيدة ..
و أنا أشكره من هني لإتاحته الفرصة لنا كمنشدين لتوضيح وجهة نظرنا في النشيد و لتسليط الضوء على هذا الفن الإسلامي الراقي ..
جزاج الله خير و بالتوفيق أختي الغالية :)
san3a w laken
تستاهلين الطيب ..
شكرا ..
الطلب:
يستاهلون البلوقرز .. ادعي عسى الله يسهل و ينزل الشريط .. مصخوها شركة الانتاج
السؤال:
أختي العزيزة سنعة .. التصوير أعتبره هوايتي الأولى .. مع انها ابتدأت معاي متأخرة .. الإنشاد منذ الصغر بدأ .. لكن أحب التصوير لدرجة الولع .. الإنشاد صار شي عادي بالنسبة لي .. لأنه ما يحتاج مجابل كثر التصوير .. و لا يكلف كثر التصوير .. التصوير معدات و دورات و ورش و رحلات و حوسة .. فهذي الشغلات أحس انها تكوُن هواية .. أما الإنشاد ما يكلف .. طَرْق الحنجرة و السلام عليكم ..
ثاني شي الإنشاد شي داخلي فيني غير محسوس إلا في الإصدارات و على المسرح .. الناس ما تشوف شايل معاي عدة ولا شي ..
أما التصوير يونس لأني أشيل فيه عدة و أغراض و يحتاج مني اني أختلط مع الناس و أطلع أصور .. في هالحالة يطلق علي اسم مصور كون الهواية واضحة ..
يمكن ما تكون الصورة واضحة لج .. لكنها حتما واضحة عندي و راضي عن هالشي الحمدلله
:)
a7la eng
عفوا أختي الكريمة الحلقة مسجلة و أختي القيادية ما قصرت سجلتها و حطيت لها رابط للتحميل
حياج الله :)
Qiyadiya
يعطيج ألف عافية .. دائما المنقذة في مثل هذي المواقف ..
شكرا على تسجيل الخلقة :)
أنا في نظري المذيع كان يمثل الشارع العام و الناس اللي ما تدري شنو يعني أناشيد ..
فأخذت هذا الانطباع من أول الحوار و أكملت على أساس اني أنا اللي مطالب بتوضيح الصورة لمثل هذه الأسئلة اللي فيها انبهار و استغراب :)
و من ناحية فيديو كليب إنشادي .. هو سامع و يدري .. لكن لزوم الإثارة في الحلقة أظن
:P
أنا الصراحة ألتمس له حسن النية .. و هذي الصراحة بادرة طيبة و تحسب لصالحه لاستضافة أحد المنشدين في الساحة ..
الله يعافيج و شاكرلج تعليقج :)
hamoora
الله يعافيج .. شكرا ..
و ما من إطالة .. مساحة الحوار هني تكفي الجميع و إخذي راحتج :)
Mishari
لا تحاتي يا أخوي .. الحل عندي و أنا بو هندي ..
أختنا القيادية ما قصرت و ضبطتنا بالتسجيل ..
شوف .. إذا بتصيدني .. قول لي في موضوع للتصوير و أنا حاضر أييك
:P
Shaima'a Alkandari
ان شاء الله عمتي .. مرة ثانية أقولج
Heba
أهلا بالأستاذة هبة ..
شكرا .. ما قصرتي .. عسى الله يوفق الجميع
الله يوفقج يا هبة .. تظلين أستاذة يشار لج بالبنان :)
ra-1
الحين الموضوع بكبره مو عاجبج و خليتيه و تطنزتي على غترته هههه !!
إي هذا اللي جدامه منديل ما الطاولة اللي قاعد عليها .. بس ما أدري شسم المطعم و لا جان قلت لج :)
شي ثاني لاحظتيه بعد احنا ما لاحظناه !؟
حياج الله :)
Dana
الله يوفق الجميع يا دانة .. و مشكوورة أختي الغالية ما قصرتي :)
قميظه ماسمعناها
ردودك ممتازه ماشاء الله عليك
واسلوبك كان راقي جدا
الله يواليك العافيه ويثبتك
kuw_son...
Cool interview... all the best luck brother
اكيد نحسن الظن فيه ..
و نشكر له هذه البادرة الطيبة =)
والله يعافيك ..
ولو ما سوينا شي
احنا بالخدمة =)
beeh kel hatha 6afnii ??
حسافه ما لحقنا عالحلقه
حلاته نتابعها live :P
mabrook testahel kel 5eer
:)
salamz...
تستاهل أخوي وأتمنى لك
التوفيق :)
انشرح قلبي وانا استمع للأناشيد
وتوني اعرف انك منشد
صوتك رائع مشالله عليك
ولقاء حلو
وأجوبتك صريحه وايد
تأثرت بأنشودة الشرع انتي فتاته
يمكن مايكون اسم الأنشوده لكن هالكلمتين يحملون الكثير
بارك الله فيك أخوي
على فكره المذيع غريب
شنو منو يبي يسمع فتاة منشده؟؟
والبنات يشترون شريطها ويسمعون
مع احترامي له
أحس بعض الغير مكتوبه
غير مدروسه
يعني كلش مافيها اي منطق او غريبه بعد!!!
ماشالله
ويعطيك العافيه
تستاهل يا كويت تستاهل
التواجد الاعلامي المتزن مطلوب جدا، وبودلال قدها وقدود وان شالله كلنا نشوفك يابولال دايما متواجد اعلامياً كخطوة لتحقيق مانريد من نهضة المجتمع والتعايش البناء.. ادعولك دايما بالتوفيق والسعادة بالدنيا والآخرة
أخوك وراجي الخير لك
مقابلة ممتعة
وأجوبة راقية
تستاهل كل خير
الله يوفقك
الشكر لك والاخت قيادية على الحلقة
يعطيكم العافية واستمر عزيزى
:)
وموضوع التصوير عندي شيطان وملاك
بناتى
اذا تبى تعبر عن الصراع بين الشيطان والملاك تعال شوفهم واضحك بس تخسبقت وياهم
تستاهل ياخوي
دايما في المقدمة يا بووليد .. لا يوقف :)
أدعواجميع أخواني المدونين و المدونات بزيارة الموقع التالي و كتابة فقرة لا تزيد عن خمسة أسطر دعما لحرية الكلمة و الفكر بالكويت ..ادخل عن طريق البريد الالكتروني التالي و اضف مقال باسم مدونتك .. و انشروها لنثبت لهم ان الشعب الكويتي شعب حي لا يهاب الترعيب و الترهيب.
http://q8ifreedom.blogspot.com/
E mail: q8ifreedom@gmail.com
Password: abc123456
FREE SPEECH IS PATRIOTIC
MICHAEL MOORE 2004
وينك غاطس؟ ما تبين ناطرين بوست جديد
Post a Comment