Thursday, August 05, 2010

ديوانيتنا اليوم غير


جرت العادة منذ أن كنت طالبا في الجامعة أن أواضب على حضور ديوانية من ربع الكلية .. و بالرغم من أن بعض رواد الديوانية حولوا كلياتهم أيام الدراسة إلا أننا تعرفنا في البداية على بعضنا البعض في كلية الهندسة، و الحمدلله أنعم الله علينا بهذه الصحبة منذ أيام الجامعة .. طلعات و روحات و ييات و سفرات مع بعض .. عسى الله لا يفرقنا .. المهم .. وصلتني رسالة جميلة على الواتس آب مسنجر من صاحب الديوانية أنقل لكم محتواها الجميل بتصرف بنسبة 1%  ..
 

 بمناسبه اخر دوانيه قبل رمضان دوانيتنا اليوم غير

أجنده الدوانيه

·         الحضور الساعه ٨:٥٩ مساء
·         تبادل التحيه والسلام
·         ضغاط عالخفيف عشان محد يزعل
·         الباستا الاصليه (مو مالت الاسبوع اللي طاف)
·         مناقشه موضوع منع البلاك بري
·         ميني بيرجر مع باربيكيو سوس
·         مناقشه قرب رمضان.
·         طبق الموسم
·         عصير عوار قلب.
·         كوت بو سته "عسم"
·         مفاجأت الموسم كوكتيل شرمب على الطريقه اليابانيه
·         تركس على قانون بو سيف
·         حضور بويعقوب الساعه ١٠:٤٥ يسأل عن العشا
·         مناقشة اخر اخبار "عزيزي..... مثلاً"
·         دعاء ختام المجلس
و نشوفكم على خير بعد رمضان

و نعم الصحبة أنتم .. و أكرمك الله يا صاحب الديوانية مقدما :)

11 comments:

الياقوت said...

الحلو دقّة المحاور والانضباط بالوقت ..

شيء جميل أن نرى مثل هالدواوين موجوده

وقت ممتع لكم والله يوفق صاحبها دوم

؛)

esTeKaNa said...

الصحبة الصالحة نعمة
عسى ربي لا يغير عليكم
:)
اهم شي:
8.59

انا ملاحظه شي بالنسبه للتوقيت
اخوي امس يقولي قعديني من النوم خمس الا اربع دقايق
!!
مادري شكثر الدقايق مهمه بالتسبه للشباب
:P

Kuw_Son said...

الياقوت

ألم أذكر أننا من كلية الهندسة ؟
;)

Estekana

قلتيلي أخوج شنو كان يدرس ؟

:P

الوقت مهم بالنسبة لنا ولله الحمد .. مو كل من يعرف قيمة الوقت :)

Ra-1 said...

ههه عجيب برنامجكم عبالي بس آنا أستخدم الـ 59 دقيقة
:)
شنو التغيير إلي نسبته 1% ؟
:p

Ra-1 said...
This comment has been removed by the author.
الزين said...

ماشاااء الله
صاحبكم عصري حده
واجندته مواكبه كل احداث المجتمع المخملي الكويتي

:)

عسى ربي يسعدكم بصحبه طيبة صالحة
ويبارك عليكم الشهر
ويرزقكم الطاعة والقبول

Seema* said...

بويعقوب شكله مبدّع اللي حاطينله توقيت بروحه! :p
عليكم بألف عافية! :)

عائد said...
This comment has been removed by the author.
qesat_5ayal said...

عجيب الجدول
هههه
والله ممتع ماشاء الله

الله يهنيك بجذي صحبة
ويخليكم لبعض

Kuw_Son said...

Ra-1

لا تسألوا عن أشياء إن تُبدَ لكم تسؤكم
:P

لا لا شغلة متعارفة بيننا .. ما حبيت أحطها .. خصوصا إني ما استأذنت صاحب الرسالة في وضع رسالته في الموضوع :)

الزين

التنويع زين يا الزين :)

و عسى الله يتقبل منا و منج و علينا و عليج يتبارك .. أسعدني مرورج :)

Seema

صج ان بو يعقوب وصل أبجر شوي من الموعد المحدد له .. لكن فعلا ما لقى إلا تناتيف و بقايا عشاء
:P

Kuw_Son said...

qesat_5ayal

آمين :)

ولدت في المهجر

يوفق الجميع .. حياك الله :)