Friday, June 15, 2007

أجمل تعليق - الحلقة الأولى

مع دخول الصيف يبدأ الناس في ابتكار أفكار غريبة لقضاء أوقات فراغهم .. ما أدري هل هو تأثير الحر !!؟

من اليوم سأبدأ مع قرائي الأعزاء سلسلة من الحلقات ..

أجمل تعليق على الصورة
..

بدأت المسابقة من اليوم .. شد حيلك و عطنا تعليقك اللطيف الخفيف بأي لهجة تريد


سيتم استقبال التعليقات لمدة 3 أيام (15-16-17 يونيو) دون ظهورها لكم، و بعد انتهاء المهلة (18 يونيو) ستظهر التعليقات كاملة لكم وسأضع تحديث مفاده ابتداء عملية التصويت لاختيار أجمل تعليق لمدة يومين (18,19) و ستعلن النتيجة بتاريخ (20 يونيو) إن شاء الله

شروط التعليق

- لكل صورة تعليق واحد فقط

مـــــثــــــــال

إن كانت الحلقة تتضمن صورتين أو أكثر، يحق لك كتابة تعليق واحد فقط لكل صورة، و بعد انتهاء مدة التعليقات، يحق لكل مشارك أن يرشح تعليق واحد أعجبه من كل صورة.

التعليق الفائز سيتم ذكره في الحلقة القادمة

تمنياتي لكم بالتوفيق


الصورة الأولى

مجموعة صور لموضوع واحد .. سأعتبرها صورة واحدة تحتاج لتعليق واحد

اضغط على الصورة للتكبير




التعليق الفائز لهذه الصورة من نصيب قماشة

توب .. توب يا بحر
ييبهم يا بحر .. ييبهم يا بحر
ما تخاف من الله يا بحر


الصورة الثانية

أيضا مجموعة صور لموضوع واحد .. سأعتبرها صورة واحدة تحتاج لتعليق واحد

اضغط على الصورة للتكبير




التعليق الفائز لهذه الصورة من نصيب
Catism

التعليق

يمتطي فرس الأرض، وعلى أذنه فرس الأثير



مبروك للفائزين :)

لمشاهدة النتائج إضغط هنا

58 comments:

QiYaDiYa said...

شي جميل جدا ;p

فكرة وايد حلوة ..

بس ما فهمت متى يتم التعليق بالضبط .. الحين او بعد 3 ايام ؟؟

بنت الكويت said...

التعليق على الصورة الاولى
لو تقعد مو بروحك تغني لو تييب فرق غنائية كاملة انسى تطلعلك حورية


التعليق على الصورة الثانية
هذا عيب الام تي سي ما عندهم سيرفس فوق الحصن


طبعا تعليقاتي بالعامية :)

يعطيك العافية

Kuw_Son said...

Qiyadiya

التعليق بدأ يالله شدي حيلج

و الصور لتكون واضحة الرجاء الضغط على الصورة للتكبير


شكرا

Amna said...

لازم يكون التعليق طريف ولا يصير التعليق عن ماتعنيه الصورة وماتوحيه ؟

§eVeη said...

انا ما راح اعلق ابلاش حط جائزه واعلق

لوووووووول

الاول

ماعنده سالفه

"بدش جو بس مو عارف"


الثاني

هذا اي شارع؟؟

"الوا وين البر "

حقوق الطبع محفوظه

جنون إحساس said...

ياسلام ع الأفكار شي حلو الصراحة
بس مو جنه صعب التعليق على جم صوره بجملة وحدة؟

بنحاول ان شالله
^_^

صج توني اشوف ان بلوقك
من افضل 100 بلوق
حدي استانست جنه انا اللي محصله هاللوقو ع البركه تستاهل
وفعلاً خوش بلوق أستانس يوم ادشه

Kuw_Son said...

b9mah

هو تعليق بجم كلمة و خلاص ..

طريف .. ساخر .. لاذع .. حامض ..اللي هو
:P

جنون إحساس

لا مو صعب إن شاء الله .. حاولي و اللي يطلع معاج :)

و مشكورة على رايج في مدونتي .. في النهاية لو ما انتوا شاركتوا ماراح تسوى شي من دونكم :)

يالله بلش التعليق شدي حيلج

Tekana said...

فيه جائزة حق احلى تعليق؟ عشان الواحد يتحمس بس :PP

SAJA.S said...

الصوره الاولى
ذكرى 1975

الصوره الثانيه
خرج ولم يعد

Catism القطويّة said...

رائع حقا :)
جزاك المولى كل خير.

الصورة الأولى:
أنغام بَحْرية، بـِـحُريَّـة

الصورة الثانية:
يمتطي فرس الأرض، وعلى أذنه فرس الأثير

Spoiled Royality said...

1

على الله يابوبشيت البدري على الله

2

اتمخطري واتميلي ياخيل
وارأصي ويا عرايس الليل
واتمخطري ياخيل

Kuw_Son said...

tekana

لا ما في جائزة .. شسالفة يبا الناس كل تبي جوائز ولا ما تشارك !!؟

موفقة :)

seven

ماكو جوائز ..
:P

wafa'a said...

الفكرة حلوة
لكن الصور صعبة :(

Nora said...

صيد الوتر

===

Did u ask the HORSE if it's ok to smoke ?!!?

Kuw_Son said...

loyalty

أفاااا .. شنو الصعوبة فيها !؟

حاولي :)

Unknown said...

تعليق على الصورة الاولى
طريقة الحداق 2007 غن للسمج

تعليق على الصورة الثانية
ياترى الاولوية بالمرور لي ولا للقادم من جهة اليسار

Unknown said...

الصورة الاولى

بيع عودك واشتر شوية حلاوة


الصورة الثانية

زقارة وموبايل وحصان
ودقى يا مزيكا
:P

ما لقيت غير هالصور وايد صعبين ترى :))

بس خوش فكرة

3ateeja said...

المجموعه الاولى
قطينا خيوطنا
نصبنا الطاروف
حذفنا الشبك
دشينا حضره
دقينا عووود
ماكو نابر
you have breck you have asong

صلحلي ...وهديتي حصان عربي اصيييييييييل ;p

HamadQatar said...

حياك الله اخوي ..

إن كنت باعلق راح أعلق على الصورة الأولى :

أبي أعرف يا بحر شنو ذنبي اللي سويته ؟!!
أنا لا عمري جرحت انسان
و لا عمري بكيته !!
ابسكت يا بحر و امشي ..
و اخلي ضيقتي فيني ..
ابسكت و ابتعد عنك و ادور من يواسيني..
تصدق ؟!
تصدق يا بحر إني توقعتك تشيل الهم ؟!!
لكني انصدمت انك غرقت بدمعه
من عيني !!

.........

هاذي كلمات احاكيها للبحر كل ما جيته :) ..
موفق اخوي مع صيفك

Kuw_Son said...

Mishari

شدعوووووة ماكو شي صعب .. ترى خوش تعليقات .. بس ما راح أجدم و لا أأخر ..

التصويت راح يحسم النتيجة ..

3ateeja

شفت تعليقج و استغربت حيل منه !!
ما شاء الله عليج شكلج تحدقين
:P

ما راح أكشف التعليقات إلا بعد انتهاء المدة
;)

شدوا الحيل

HamadQatar

حياك الله أخوي الكريم .. تعليق جميل ..
و شاكر لك مشاركتك ..

و لاتنسى تمر تصوت

What Will Be , Will Be .. said...

خوووووش فكره

مممم

الصوره الاولى

دور فيها يالشمالي دور فيها
دور فيها لاتبالي دور فيها



الصوره الثانيه

الصور الوالى سكتنا
الثانيه
التفنا
الثالثه
شاللقافه؟

What Will Be , Will Be .. said...

تصدق مادري ليش نحب الجوائز
لووول

بس ان شاء الله الحلقه اليايه صور اكثر Funny

سؤال يطرح نفسه

وين حصلت هالكومبارس ؟

لوووول

Kuw_Son said...

what will be, will be

طال عمرج اللي يدق عوود صايدة على بحر الفنطاس

و اللي راكب الخيل صدته في أحد الشوارع ..

و هذي الصور باستخدام عدسة
Canon 100-400mm

زووم ممتاز و من غير لا يدري
;)

Dana__23 said...

فكره حلوه ونشاط حلو يا خالد :)

الصورة الأولى :

هذا عودي هذا عنتر ... لا تقول عنه إمكسر إمكسر ;p

الصورة الثانية :

صراحه صعب أعلق عالصورة الثانيه @@ بحاول اممممم

أركب الحنطور ..درقن درقن .. وأتحنطر ..درقن درقن ;p

Dana__23 said...

عاد نبي جوائز ;p
بروحه حرررر وقاعدين إنعصر مخنه عشان نفكر ;(

لووووووووول ;p

الجوائز كلها آيس كريم 31 أو بوضة فارس
لووووووول ;pP

Kuw_Son said...

Dana

يستاهلون المشاركين :)

sologa-bologa said...

مابي أطولها

التعليق على الصورة الأولى

حتى البحر صد عني ما يبي يسمعني


الصورة الثانية

اجري اجري اجري
اجري أوام وصلني
ده حبيب الروح مستني


وبس

Hitman1 said...

1st set:
يقولون البدو مايعرفون يغنون بحري"

2nd Set:
يبيله حصان فيه بلوتوث

قماشة said...

يه يه يه اشهالحركات يا اخوي

بنشارك بهالمسابقة

أول تعليق

توب .. توب يا بحر
ييبهم يا بحر .. ييبهم يا بحر
ما تخاف من الله يا بحر


والتعليق الثاني

ماشي وين .. لسه في قلبي كلام



وبالتوفيق لكل المشاركين
وفكرة وايد حلوة

Alather said...

بو حصان عبالي تعرفه

أثاريه بأحد الشوارع
فكرت فيها ليش الناس ما تستعمل حصل وتتمشى .. ونااسة
=)


متابعين

الحارث بن همّام said...

~ ~ ~ ! والعود دن دن دنلي ~ ~ ~

Spoiled Royality said...

منو النيمونيه؟؟

من جد مافينا صبر

Kuw_Son said...

alather

لا ما أعرفه ..

بس من صجج !! بهالحر أحد يركب حصان !!؟

spoiled royality

عن قريب :)

Kuw_Son said...

********************************************************************
Start To Vote

True Faith said...

I vote for Catism

Dana__23 said...

I vote for ... Mishari

الصورة الثانية

زقارة وموبايل وحصان
ودقى يا مزيكا
:P

بالتوفيق للجميع :)

Unknown said...

اصوت حق نفسى :)))

يصير ؟

Catism القطويّة said...

كل معلقة بنفسها معجبة :)
أصوت لنفسي، وإذا كان لا يجوز أنقل التصويت للأخ الحارث بن همام.

شكرا.

الزين said...

اوووووه يامااااال
عبود جنها ما تضبط
حول
خذني معك بالجو الحو .....

Kuw_Son said...

mishari

ما يصير تصوت لنفسك .. الرجاء قراءة القوانين

Catism

أكيد ما يصير تصوتين لنفسج :)

Zozota

أخوي آسف تعليقك لن يدخل التصويت .. جاء متأخرا .. حياك الله :)

san3a_wa_laken said...

ترى الفكره حلوه وعجيبه
وانا اصوت حق فى الصوره الاولى
sologa- bologa

حتى البحر صد عني ما يبي يسمعني
احسها تعبر

وحق الصوره الثانيه
what will be , will be
الصور الوالى سكتنا
الثانيه
التفنا
الثالثه
شاللقافه؟

wafa'a said...

الصورة الأولى - العود -
تصويتي للحارث
- الصورة الثانية- الحصان
تصويتي ل catsim

True Faith said...

I vote for Catism on both

Aldenya said...

تعليقات تموت من الضحك

بصراحة كلكم مبدعين


صوتي حق قماشة

layal said...

يمتطي فرس الأرض، وعلى أذنه فرس الأثير
حق الثانيه

أبي أعرف يا بحر شنو ذنبي اللي سويته ؟!!
أنا لا عمري جرحت انسان
و لا عمري بكيته !!
ابسكت يا بحر و امشي ..
و اخلي ضيقتي فيني ..
ابسكت و ابتعد عنك و ادور من يواسيني..
تصدق ؟!
تصدق يا بحر إني توقعتك تشيل الهم ؟!!
لكني انصدمت انك غرقت بدمعه
من عين

حق الثانيه

عندي ملاحظه ممكن تأخذ فيها او تخليها
طبعا شي اكيد :-)
شرايك لم تكتب تعليقات المشاركين ما تحط اساميهم لانه هذا ممكن يأثر علي التصويت /ممكن الشخص يصوت للي يعرفه
والله يعطيك العافيه

Nora said...

1-الصورة الأولى الحارث بن همام

2-الصورة الثانية hitman1

SAJA.S said...

اصوت
a7La eNG
تعليق على الصوره الثانيه

dana_23
التعليق اللي على الصوره الاولى

Kuw_Son said...

اليوم راح يسكر باب التصويت بعد الساعة 12 منتصف الليل بتوقيت الكويت :)

Яeema said...

إنتوا علقوا و علي ما إييي التاريخ إلا أنا مسافرة إنشاء الله

Shaima'a Alkandari said...

كل تعليق احلى من الثاني

والاختيار صعب

بس شنسوي ماباليد حيله لازم نختار

فبالنسبه للتصويت



ارشح التعليق الاول

والثاني للاخت

قماشه





بس ياليت المره اليايه لاتكتب اسامي او القاب


قوااك الله


وبانتظار النتيجه


وتمنياتي للجميع بالتوفيق

Kuw_Son said...

اللي اقترح ما نحط أسماء المعلقين .. معاه حق وكان من المفروض آخذ هذي النقطة بعين الإعتبار .. لمزيد من الحيادية :)

إن شاء الله الحلقة القادمة بحطها في بالي :)

شكرا

Layal and Shaima'a Alkandari

للاقتراح

True Faith said...

You're tagged

Hitman1 said...

I vote for....

قماشة

Amna said...

اصوت حق بنت الكويت

بنت الكويت said...

الصورة الولى
أرشح تعليق قماشة

والصورة الثانية
تعلق محمود

وبالتوفيق:)

QiYaDiYa said...

صوتي لـ

Catism

الصورة الأولى:
أنغام بَحْرية، بـِـحُريَّـة

الصورة الثانية:
يمتطي فرس الأرض، وعلى أذنه فرس الأثير


و بالتوفيق للجميع ;p

Kuw_Son said...

يغلق باب التصويت
و يبدأ الفرز إن شاء الله في الدوام باجر ..

مالي خلق الحين .. بروح أنام ..

تمنياتي للفايز بالتوفيق

Kuw_Son said...

طلعت النتيجة ..

ترقبوها في الموضوع القادم :)

مبرووووك للفائز :)