Tuesday, October 02, 2007

!! المسجد الكبير

تشكرات

الجهود المبذولة من قبل إدارة المسجد الكبير و الإدارة العامة للمرور جبارة و تستحق منا كل الشكر و التقدير عسى الله أن يجعله في ميزان حسناتهم و يعينهم على إتمام مهاهم بانسجام بعيدا عن مشاكل الزحام.

استغراب!

ليش كل سنة الناس تتقاتل على الصلاة في المسجد الكبير !؟ ترى ماهو حرم ولا فيه أجر زيادة ! حاله حال باقي المساجد، بل يمكن تستاثم بدال ما تروح تحصل أجر من كثر ما يتسبب البعض بإغلاق الطرق و عدم التقيد بالأنظمة و مضايقة المصلين.
وحتى النساء ما سلمن من هذا .. تشوف أم و بناتها قوقش في السيارة و طايرين للمسجد الكبير و كأن الصلاة فيه عن مئة ألف صلاة و ما دروا أن صلاتهم في البيت أولى !
و بعض الجمعيات تساهم في الزحام و تسوق لفكرة أن الصلاة في المسجد الكبير أفضل بتوفيرها لباصات من المنطقة إلى المسجد و بالعكس !
يا جماعة الخير المسجد الكبير ماهو إلا مسجد من المساجد و ماله داعي للزحمة .. واللي بيتهم قريب ممكن يروح لكن لا تشد الرحال إليه !

عسى الله يوفق الجميع لقيام العشر الأواخر و يبلغنا ليلة القدر .. هو ولي ذلك و القادر عليه

وقفة لأجل أسرتك

كل يوم صبح و أنا رايح للدوام أشغل الراديو و أستمع إلى برنامج قيم جدا على إذاعة القرآن الكريم، وقفة لأسرتك .. برنامج يومي يتناول حلول مفيدة لأجل أسرة سعيدة، البرنامج يبث يوميا الساعة 9:30 صباحا و مرات يتأخر جم دقيقة .. و هو من إعداد و تقديم الدكتور حمود القشعان و مغشغش زايد و من إخراج علي الطبيخ

أنصح بالاستماع له


27 comments:

Dana__23 said...

والله يا خالد فعلاً جهود تشكر عليها ..
وبالنسبه للزحمه بالمسجد الكبير ..
فأعتقد الناس يحسبون انه بياخذون اجر كبير اذا راحوا مسجد الكبير @@
والمصيبه انهم بس برمضان يروحون المساجد !!
يعني العباده بس برمضان ؟؟
العباده بكل يوم ومو بس برمضان !!

للأسف الناس أغلبهم يتعبدون ويروحون المساجد بس برمضان !!

الله يصلحهم ويهديهم وفعلاً إلي يم بيته مسجد .. خل يروحله بدل الزحمه ..

وعسى الله يوفق الجميع لقيام العشر الأواخر و يبلغنا بليلة القدر

بإذن الله :)

كثروا من العبادة والدعاء
فدعاء الصائم مجاب بإذن الله ..

يزاك الله ألف خير ياخوي خالد على هالموضوع :)

وبالنسبه لموضوع الإذاعه ..
فأنا أسمعه الصبح وأنا رايحه الدوام ومن زمان بس مو كل يوم :)

خوش برنامج مفيد والله :)

Яeema said...

ولا مرة رحت هناك
و أستغرب من إللي يشدون الرحال حق إمام معين
بعد


يقولون هذا يخلينا نخشع و الثاني لأ

ما أقدر أفهم هالنقطه الصراحه

الله يرحمنا برحمته يا رب

بوست حلو


ممكن سؤال؟
إنت مو يم بيتكم شموديك هناك؟؟

:p

إيلاف said...

المسجد الكبير أجمل مافيه هو الاحصائيات التي تبشر بالخير : ) وتبعث الراحة في صدورنا

لست ممن يشدون الراحال إليه ولكن من الجميل أن تصلي في مكان يكثر فيه المسلمين , وربما يحرص الناس على الصلاة فيه لوجود بعض القُرّاء الذين يحبون الصلاة ورائهم ..

وبخصوص برنامج وقفة لأسرتك , أسمعه عند ذهابي للكية , مفيد جدًا ورائع ,, وهناك تباشير الصابح أيضًا ولكن للأسف فموعد محاضراتي متأخر قليلاً فلم أعد استمع إليه كالسابق

بعثرة مشاعر said...

اللي يشوف المسجد الكبير بالجيام يقول حرم..!

اهو صح مافي افضليه .. بس لان العفاسي يصلي فيه
و يعطي جو ايماني حلوو
بس اللي يرددنا و يخلينا مانصلي فيه الزحمة

Sheikha85 said...

ألف شكر لرجال الأمن وكل الأفراد والمنظمين والقائمين في اللجان في شتى المرافق والمساجد

والله يا خالد
أمر غريب وعجيب انا استغرب فعلاً من هالناس المسجد الكبير لايختلف عن غيره من المساجد الا بمساحته الرب واحد والأعمال تتقبل في كل مكان والدعاء يستجاب في كل الأماكن ان شاءالله
ولكن البعض يحرص على أداء الصلاة في المسجد الكبير ربما لحسن اصوت القراء والأجواء الإيمانية التي هناك
ومع هذا اعتقد الكثير من المساجد فيها قراء تخشع الأنفس لأصواتها كلها بيوت الرحمن البعض يضغط على نفسخ للذهاب للمسجد الكبير
........
والله حصلت حادثه قبل جم يوم اذهلتني
كالمعتاد اصلي صلاة القيام في مسجد الميلم والمعروف من يقيم صلاة التراويح الشيخ صلاح الهاشم وطبعاً صلاة العشاء يقيمها الامام المصري ما اعرف اسمه وبعده يأتي الهاشم للتراويح في ذاك اليوم اعتذر المصري للمصلين بانه الهاشم لن يحضر لظروف صحيه وانه سيتم الصلاة
والله أغلب المصليات تركوا المسجد وخرجوا !!!!!!!!
طبعاً علامات استفهام داهمتني
يايين تصلون وتعبدون ربكم وتطلبون الأجر ولا تسمعون الصوت العذب والقراءه الجميله
شي غرييب ومؤسف الصراحه

عسى الله يتقبل منا صيامنا وقيامنا وصالح اعمالنا ويغفر لنا بهذا الشهر الفضيل انه هو الغفور الرحيم

آسفه عالإطاله :)

Selezya said...

اولا : مثل ما قلت يعطيهم العافية ماقصرو بالمسجد الكبير عساهم عالقوه

ثاني شي : كلامك عدل بس في ناس الله يهداهم لازم المسجد الكبير ليش لا تسأل معنه الحين كل بيت بينه وبين المسجد جم متر ماشالله المساجد زايدينهم الله يكثرهم بس الناس واطباعهم ما تخلص .. ماتدري رايح يصلي ولا رايح يتفرج
الله يهديهم

---
ومبروك على فوز الائتلافية بالنسبة للبوست اللي طافت :)

Kuw Son said...

Dana_23

لا نعمم على أن معظم الناس يصلون في رمضان فقط .. لكن هذا حاصل و في مجموعة من الناس لا تعرف الله إلا في هذا الشهر .. عسى الله يهديهم ..

الله يجزيج خير على الإضافة الطيبة دانة

حياج الله :)

Reema

هذا الكلام وارد .. في ناس تحب قارئ معين و من حقها مافيها شي
------------------------------------

أنا بعيد جدا .. و هذا البوست كتبته من ذكرياتي مع السنة اللي طافت و أدري ان المشهد بيتكرر كل سنة

يعني صايدة الحركة ريما

:P

ealaf

جميل أن نرى الإحصائيات في اليوم التالي في الصحف ..
لكن الغير جميل هو تقاتل الناس بالذات للصلاة في المسجد الكبير ..

و القراء المتميزين لا يتوفرون فقط في هذا المسجد .. فالكويت مليئة بالقراء المتميزين ما شاء الله :)

Kuw Son said...

بعثرة مشاعر

فعلا شي غريب .. و كأن الكويت خلت من المساجد !

sheikha85

أختي شيخة ..

للناس حق و للمصلين و المصليات حق في اختيار الأصوات الجميلة ..
و ما أرى فيها شي ان الواحد يختار و يدور مسجد فيه قارئ حسن الصوت و يرتاح له ..

هذي الحادثة اللي صارت معاج لا أستغرب منها ..

الهدف أول شي هو الخشوع في الصلاة .. و إذا كان صوت القارئ يساعد على الخشوع فما المانع من الحرص للصلاة خلفه .. و ما ألوم من طلع من الحريم :)

حياج الله :)

selezya

الفرجة

هذي المسألة كنت بركز عليها .. بس مالي خلق أفتح باب ..

و الله يبارك فيج :)

::heba:: said...

يعطيك العافيه اخوي خالد


بالنسبه للموضوع صدقني انا افرح وارتاح نفسيا لي شفت الناس تتوجه
بشكل كبير للمسايد خاصه برمضان
لانه رمضان شهر الرحمه والعتق من النار
والناس تدور الاجر بشهر الخير

يعني ما المفروض نكون ناقدين لناس
بالعكس المفروض نفرح لانه الناس تضاعف
اعمالها الصالحه بالشهر هذا


انا شخصيا اروح كل ليله صلاه القيام
بالمسيد القريب من منطقه اهلي رغم انك قلت ان صلاه المرا بيتها اولى !! لكن يا خالد صلاه هناك لها طعم يختلف عن صلاه بروحك فيها خشوع اكثر فيها
روحانيه اكثر تسمع كلمه خاطره تعرف على ناس طيبه ..!!

يعني بالعكس انا ايد وبشده
الذهاب لصلاه القيام :)

واسفه على الاطاله :)
ويزاجك الله خير وانشالله نكون
من اللذين يغفر الله لهم ذنوبهم
وبدل سيئاتهم حسنات ويعتق رقابنا
ورقاب اهلنا من النار

Kuw Son said...

Heba

الله يعافيج ..

أنا ما أنقد على الناس .. بالعكس .. هذي من مظاهر الاهتمام بالصلاة و تعظيم شعائر الله ..

لكن اللي ناقد عليه التزاحم على مسجد بعينه .. و الناس تدري انه زحمة و هم تزيد !!

إذا خروج المرأة لا يسبب مشكلة فما المانع من صلاتها في المسجد ..

الله يوفقج و يغفر لنا جميعا :)

Aldenya said...

كلامك عدل
ما تقدر تمر أو تحوشك زحمة مو طبيعية إذا مريت صوب المسيد الكبير
يعني المسالة صارت
ذو وجهين مثل ما تفضلت بـ بوستك
ايجابيات منها
العبادة , الصلاة , الدعاء , جو روحاني

وسلبيات
هو انك مسبب زحمة وفي ناس عندها مشاغل
فـ تلقى البعض يدعي عليك
وخصوا وإنك راح تكون مسبب للأذى بالطريق



يعطيك العافية
بوستك فكرته واقعية وحاصلة هاليومين

وبرنامج وقفة لأجل أسرتك
ما سمعته للأسف
لكن أستمع لـ بوعمر اللى يطرح قضايا إجتماعيه ومشكلاته حاصله بين الناس

Sheikha85 said...
This comment has been removed by the author.
Sheikha85 said...

أنا معاك لكل شخص الحق في اختيار المكان والمقرء والجو الإيماني المريح
ولا انكر اني وحده منهم
لكن ما اضغط على نفسي وازيد الازدحام بالذهاب الى المسجد الكبير ولا غيره من المساجد
ولا اترك المسجد لعدم استطاعت المقرء الفلاني اليوم باتمام الصلاة

المشكله طافت اول ركعتين يعني مافي مجال تروح مسجد ثاني
وانت في بيت الرحمن اكمل صلاتي اليوم وبعدها يصير خير ان شاءالله ما اطلع واترك الصلاة عشان مقرء
!!!!!!!!!!

ماقلت لنا وين تصلي ؟
:Pp

Najmah said...

صح كلامك الأجر نفس الأجر
ولا اهوا حرم ولا تشد اليه الرحال

لكن احيانا نخشع بمكان أكثر من مكان ثاني
مادري الجو هناك غير .. روحانية حلوة

وترى حتى المسايد الثانية زحمة ماشاءالله .. شي يفرح :)


عسى ربي يتقبل من الجميع

Neyoma said...

نفس الكلام اللي كنت بقوله قالته نجمة ..

Q8DOLL said...

انا مو معاك هالمره
بالعكس
انا جربت الصلاة بكذا مسجد
وشفت الزحمه والتزاحم الموجود بالمسجد الكبير ؟
هذا احلا شي فيه
هالزحمه الوحيده اللي فيها بركه
ياحلات شوفت الناس وكثرتهم واهما بكل الأجناس والجنسيات يم بعض
هذا الحلو ترى
وصلاة المسجد الكبير فعلا لا تزيد بالأجر عن أي مسجد
بس المكان له روحانيه خاصه بسبب هالتجمع
ليش ما نقول انه تقليد شعبي وديني تفرد فيه المجتمع الكويتي وخصوصا بهالسنين الأخيره اللي يقولون قل فيها الإيمان ؟
بصراحه منظر يشرح القلب
الله يكتب لي هالسنه لو مره وحده اصلي هناك

ولا اشوفك هناك لا تسوي زحمه :)

حسام بن ضرار said...

ترى ماهو حرم ولا فيه أجر زيادة ! حاله حال باقي المساجد، بل يمكن تستاثم بدال ما تروح تحصل أجر من كثر ما يتسبب البعض بإغلاق الطرق و عدم التقيد بالأنظمة و مضايقة المصلين.
وحتى النساء ما سلمن من هذا .. تشوف أم و بناتها قوقش في السيارة و طايرين للمسجد الكبير و كأن الصلاة فيه عن مئة ألف صلاة و ما دروا أن صلاتهم في البيت أولى
-------------------------

كفو والله

و حتى مسجد الراشد بالعديلية و مسجد المشاري باليرموك

ترى اهالي هالمنطقتين لاعت جبدهم من الترعص و الزحمه

يا جماعه أحيوا المساجد الصغيره او صلوا ببيوتكم ...

kuwaitya_7saweya said...

والله شرطتنا مو هينين
يعطيهم العافيه بس لو يخلونهم يستعملون السلاح اللي بيدهم

يمكن زحمه عشان العفاسي يصلي فيهم

واحلى شي من الصبح وانته رايح الدوام تستمع لايات قرآنيه تريح القلب وتهدي الاعصاب

ويعطيك العافيه

Unknown said...

والله حالى من حالك افضل بالصلاة بالمساجد العادية

يعنى حتى الجو يكون خانق من الزحمة فى الكبير
اهو يمكن يفرق عليه الجو الايماني بس الناس تحب الزحمة وتعطيها شعور كانهم بالحرم

Kuw_Son said...

aldenya

شكرا على إثراء الموضوع بتعلقيج :)

ما أذكر منو بو عمر :)

الله يعافيج و حياج الله

Sheikha85

والله إذا حصلت إني أصلي عند مقرئ صوته حلو و ما أزاحم الناس زين على زين ..

لكن إني أسبب زحمة و أضايق خلق الله .. لايبا بلاها صلاة في الزحمة .. أصلي يم بيتنا أبرك لي :)

تبين الصراحة .. أنا يوم الأربعاء صليت بمسجدين ..

طاق طريج من بيتنا و أبي ألحق على واحد يصلي بالشامية ..
بس يوم وصلت ولا مو أهو ! .. صليت العشاء .. و طلعت أدور لي مسجد ثاني ..

رحت كيفان أبي أشوف يمكن الشيخ نعمة حسان يصلي التراويح بمسجد السند .. لكن طلع الظاهر في العشر الأواخر ما يصلي التراويح .. ما ردي إلى مسجد عثمان اللي جدام مدرسة من هالمدارس ..
صليت و بس .. المهم ما يروح الوقت :)


و بالنسبة وين أصلي !!

صليت الأربعاء القيام في مسجد - أظن اسمه عثمان بن عفان - اللي يصلي فيه الشيخ نعمة حسان و الثويني ..
الصراحة انطربت على الآخر مع المواويل العراقية للقارء نعمة حسان
:P

و باقي الأيام .. أصلي خلف الوالد الله يحفظه في منطقتنا :)

Najmah

ما قلنا شي .. الزحمة في المسجد دليل خير .. لكن لا يقصد مسجد عن مسجد آخر .. هذي المشكلة .. و أخشى أن البعض يرى أن هناك فضيلة للصلاة في المسجد الكبير عن ما سواه من المساجد ..

الله يتقبل من الجميع :)

Kuw_Son said...

neyoma

أشكره مالج خلق تعلقين
:P

حياج الله

q8doll

هم أرد و أقول .. الزحمة دليل الخير .. لكن ما نبي أحد يحط في باله أن المسجد الكبير له فضيلة أو أجر زيادة :)
إذا انتي مرتاحة .. زين الله يهنيج :)

والله أفكر أروح هناك .. عندي تصريح بالدخول للتصوير من مركز التصوير الفوتوغرافي بالنادي العلمي

بالتوفيج :)

حسام بن ضرار

و حتى مسجد الراشد و المشاري .. رعصة و زحمة و لا تزعل :)

Kuw_Son said...

kuwaitya_7saweya

أكيد علشان العفاسي .. عيل منو غيره !؟

صح أحلى شي الاستماع لآيات من القرآن من الصبح .. لكن ما يبنا طاري الاستماع في الصباح !!

الله يعافيج :)

mishari

الجو فعلا تحس ان الناس فيها خير و حرصانة على الصلاة .. لكن أحس ان الخشوع في جو الزحمة صعب جدا !!
ما أدري لكن هذا شعوري ..

حياك الله :)

Cr8ivia said...

صحيح صار جنه حرم المسجد الكبير .. لكن اغلب الناس تروح عشان صوت مشاري العفاسي و فهد الكندري

هم ياني تساؤل انت ليش رايح :P

الله يتقبل منا و منكم الصيام و القيام و سائر صالح الاعمال

Kuw_Son said...

Cr8ivia

أنا مارحت طال عمرج هالسنة كلش .. خبري في الزحمة من السنة اللي طافت و حجي الناس :)

الله يتقبل منا ومنج :)

ReLaaaX said...

الزحمة اللي صارت فظيعة كانت العام !؟
الأوضاع كانت كسيفة ولااااااااتطاااااااق

عادي ننفقص
عادي ننفلع
عادي تنداس
عادي تندز وانت بمكانك
عادي يحوشك كوع وانت تصلي من شطة اللي يمك
عادي تنفلع وانت فاج مصفحك وتحاول انك تمشي بالختمة فجأة يفتر راسك الصوب الثاني عااااادي
هم عادي تشوف سيادة وماتلاقي أحد يمها وان صليت عليها او بنفس المكان ياويييييييلك إذا ارجعت صاحبتها :p
عادي تشوف سباق جدامك ومن يناحس الثاني قبل ماجنها صلاة
عادي تشوفهم يتزاحمون من يطلع قبل صكو على اليهال صراحه



ومن العام قلنا تووووبة! ماكو المسيد الكبير وكلش مو ناوية اروح :) بس حطيت الجدول عشان الفايدة ليس إلا

Barrak said...

فعلا الجهود المبذوله في المسج
الكبير تستحق الاشاده والشكر
والشي الحلو بالموضوع ان اعداد وحماس المتطوعين افضل واكثر وارقى

Kuw Son said...

shaima'a Alkanderi

زين تسوين .. صلاتج في بيتج أفضل لج و أريح ..

وقفة لأسرتك .. ممكن تستمعين له عن طريق الراديو في المكتب أو الموبايل :)

شكرا لج :)

relaaax

والله فيلم !! قاعد أقرأ فيلم ..

الصراحة تشبيهاتج تعيشني الجو في المسجد الكبير :)
أسلوب ممتع و شيق في شرح تفاصيل الزحمة .. الله يعطيج العافية :)

انتي بتوهقين العالم .. حاطة لهم الجدول .. اللي راح المسجد الكبير بسبة الجدول اللي حاطته و حاشته الزحمة راح يدعي عليج الله يهداج !!

حياج الله :)

Barrak

المتطوعين شايلين عبئ كبير جدا .. من كشافة و جمعية الهلا الأحمر و غيرهم .. الله يعطيهم العافية :)