وصلني إيميل داخلي في الدوام مفاده أن الشركة التي أعمل بها قد حصلت على خصم 25% على جميع دورات مركز خدمة المجتمع - بجامعة الكويت ، لم يحتو الإيميل على تفاصيل هذه الدورات أو أية معلومات أخرى، فبحثت في جووجل عن موقع جامعة الكويت، و ضغطت أحد الروابط الموصلة إلى صفحة مركز خدمة المجتمع و أخذت فكرة عن الدورات المتوفرة.
عدت إلى صفحة جامعة الكويت و كلي شجون و ذكريات تعود بي إلى أيام الدراسة في الجامعة، فضغطت أحد الروابط المؤدية إلى الدليل الدراسي للطالب
Course Catalog
و قادني الرابط إلى قائمة بأسماء الكليات، فزاد عطفي و شوقي و لهفتي و دقة خفوقي الخ الخ الخ .. لكليتي و لذكريات جميلة قضيتها بين أروقتها .. انها كلية الهندسة و البترول !!
ضغطت على رابط الكلية لأصطدم أنا و ذكرياتي الوردية و نتكرفس على أحد صخور التخلف في جامعتنا الموقرة !
تصفحت الدليل الدراسي و مررت على أسماء رنانة من الدكاترة المشهود لهم بالفضل أحيانا و بالنحاسة أحيانا أخرى !
و استوقفني اسم العميد الأستاذ الدكتور ناجم الناجم .. لكن الغريب أن الدكتور ناجم الناجم كان آخر عهده بالعمادة في سنة 2002 إذا لم تخني الذاكرة، حيث أنني اتصلت على زميل لي في أيام الدراسة و أكد لي أن الدليل الدراسي إذا صدقت المعلومات المكتوبة فيه تعود إلى سنة 2002 !!
هل يعقل بأن الدليل الدراسي وقف به الزمن منذ خمس سنوات و لم يتم مراجعته أبدا !!؟ من المسئول عن عدم تحديث محتويات الصفحة و الـتأكد من صحة البيانات فيها !؟ لا يقف الموضوع عند ذكر اسم العميد القديم فقط .. بل هناك تغيير في قيادات الكلية و بعض أعضاء هيئة التدريس و لم يتم تحديث الدليل الدراسي حتى الآن !!
تأكدت بالفعل من أن الدليل الدراسي لبعض الكليات (تربية - طب أسنان - هندسة - حقوق - صيدلة - العلوم - شريعة) على تلك الصفحة لم يتم تحديثها منذ فترة و من أراد أن يتحقق فليفعل كل حسب كليته التي تخرج منها أو لا يزال يدرس فيها أو حتى من لم يسمع بها من قبل .. فالتواريخ شاهد على التخلف !
مقال مميز لـ
Q8Links
حول نفس الموضوع و لكن يتناول المواقع الكويتية بشكل عام
ومنا إلى من يهمه الأمر !!
عدت إلى صفحة جامعة الكويت و كلي شجون و ذكريات تعود بي إلى أيام الدراسة في الجامعة، فضغطت أحد الروابط المؤدية إلى الدليل الدراسي للطالب
Course Catalog
و قادني الرابط إلى قائمة بأسماء الكليات، فزاد عطفي و شوقي و لهفتي و دقة خفوقي الخ الخ الخ .. لكليتي و لذكريات جميلة قضيتها بين أروقتها .. انها كلية الهندسة و البترول !!
ضغطت على رابط الكلية لأصطدم أنا و ذكرياتي الوردية و نتكرفس على أحد صخور التخلف في جامعتنا الموقرة !
تصفحت الدليل الدراسي و مررت على أسماء رنانة من الدكاترة المشهود لهم بالفضل أحيانا و بالنحاسة أحيانا أخرى !
و استوقفني اسم العميد الأستاذ الدكتور ناجم الناجم .. لكن الغريب أن الدكتور ناجم الناجم كان آخر عهده بالعمادة في سنة 2002 إذا لم تخني الذاكرة، حيث أنني اتصلت على زميل لي في أيام الدراسة و أكد لي أن الدليل الدراسي إذا صدقت المعلومات المكتوبة فيه تعود إلى سنة 2002 !!
هل يعقل بأن الدليل الدراسي وقف به الزمن منذ خمس سنوات و لم يتم مراجعته أبدا !!؟ من المسئول عن عدم تحديث محتويات الصفحة و الـتأكد من صحة البيانات فيها !؟ لا يقف الموضوع عند ذكر اسم العميد القديم فقط .. بل هناك تغيير في قيادات الكلية و بعض أعضاء هيئة التدريس و لم يتم تحديث الدليل الدراسي حتى الآن !!
تأكدت بالفعل من أن الدليل الدراسي لبعض الكليات (تربية - طب أسنان - هندسة - حقوق - صيدلة - العلوم - شريعة) على تلك الصفحة لم يتم تحديثها منذ فترة و من أراد أن يتحقق فليفعل كل حسب كليته التي تخرج منها أو لا يزال يدرس فيها أو حتى من لم يسمع بها من قبل .. فالتواريخ شاهد على التخلف !
مقال مميز لـ
Q8Links
حول نفس الموضوع و لكن يتناول المواقع الكويتية بشكل عام
ومنا إلى من يهمه الأمر !!
60 comments:
Why shocked?? Walla if I start telling about those people who work over there, even work is far too good of a word, chan ma’7alle9, ehy ewgofat 3la hathy o bas?!?! bs mino yesma3???
الحلو بالسالفة ان ماكو احد يهمه الأمر
:)
صحيح موقع الجامعة لم يتم تحديثه منذ فترة .. سأوصل هذه النقطة للاتحاد إن شاءالله.
:)
ياكثر النايمين واللي توهم يقعدون وراح يتمقطون ويردون ينامون مره ثانيه
المشكله ان الجامعه مكان حيوي
والمفروض يكون مجال الابداع والتطور فيه يعطي صوره عن تطور البلد
فشلون
طلعت لك الصوره ؟ تفشل صح؟
هذي الجامعه
عيل انا لما اشتغلت كنت في مكان وغيرت مكاني 3 مرات وللآن لما اروح اطلع شهادة راتب او اي معلومات ثانيه من الوزاره ياااحلاتهم للحين على مكاني الأول
ولا تغيير
مو مستوعبين للحين
لكن سالفتك اعترف انها أقوى وتأثر أكثر
ولا عزاء للطلبه
ههههه الكثير من المواقع الحكومية وغير الحكومية أيضًا تكون نائمة في سبات عميييق !
وكأنهم قاموا بإنشاء الموقف للبهرجة الإعلامية لا أكثر !
هذا يسمونه موقع بعد !!
انا بفهم شنو الجامعه الي ماعندها جدول مواد اون لاين
يعني مثلا احنا ندرس بره .. اذا ودنا نسجل ماده بجامعه الكويت .. ماندري نازله بالصيف ولا لأ
اقول حق ربعي الي بالجامعه يقولون محددينلي ساعه اسجل فيها .. ما اقدر اشوفلك المواد الي تبيها
والموقع مافيه شي
تخلف
ma3gooolah!!!!
شقاعدين يسوون الناس هناك!!؛
اصعب احساس بالدنيا
.
.
.
.
لما تتكرفس ذكرياتك الورديه على صخور التخلف
pP~
فعلا شي يفشل
انا لاحظت هذا الشي بموقع الكليه الرسمي للحقوق،قوائم المتفوقين ما تغيرت من ثلاث سنوات
واسماء طلبه الجمعيه ما تغيرت واهم الحين متخرجين من ثلاث سنوات
فعلا شي يضيق الخلق ولا في اي اهتمام
!!
بس قولي..منو يهمه الأمر وأنا أخيتك؟
:(
somday
I wish that you mentioned at least one bad thing you know about this issue .. I just wanna let others know how bad situation we have !
7ayach Allah :)
kila ma6goog
عمك أصمخ !
loyalty
شكرا لك على تفاعلك .. و خبريني شيصير معاج :)
q8doll
مو هذا اللي مضايقني .. المفروض صرح البلد الأول التعليمي يكون أكبر من جذي !
الجامعة تعتبر نبض العلم في الكويت و أعلى صروحها .. ليش الواجهة ما تكون زينة جدام الأوادم !؟
الموقع مو بس طلبة الجامعة الكويتيين يدشونه .. الناس حول العالم تقدر تشوف و تضحك علينا !
ما يشوفون الجامعات اللي برة شلون صايرة مواقعهم على الإنترنت !؟
والله حتى لو يحدثون موقع جامعتنا ثانية بثانية .. ما يقايش مع كم المعلومات و التصميم اللي تحظى به مواقع جامعات برة !
مشكلة والله !
ealaf
فعلا .. تم إنشاء الكثير من المواقع للبهرجة الإعلامية !
هذا واقع للأسف
q8i_blogger
ليش !!؟
حرام عليكم تخلون جامعاتكم اللي برة و تيون بالصيف تدرسون بالكويت !!
خلكم على مينونكم أحسن ..
Reema
إي معقولة .. ابتسمي .. فأنت في الكويت !
estekana
والله إذا عرفتي منو اللي يهمه الأمر قولي لي
:P
ها أنت قد أضفت صخرة أخرى من صخور التخلف ..
طلبة تخرجوا و اشتغلوا .. و للحين أسماءهم موجودة على انهم طلبة !
شي يفشل !
تم تحديث الموضوع
وضعت رابط لمقال كتبه
Q8Links
يدور حول الموضوع و لكن بشكل عام يتناول جميع المواقع الكويتية
ابتسم فانت في الكويت
واقع مرير
:(
لذا نحن في العالم الثالث
:/
و كنت اعتقد ان الدكتور محتكر المادة طول عمره !
طلع الجدول ما يتغير !!
لاحد يلووم الجامعة ... الظاهر شغلها واايد !!
رغم أنه أسهل العوالم التكنلوجية
أدخل المعلومات وينتهي
التحديثات دوما بطيئة
لكن هالمرة
ماتت
ana agolik lish
makhthen panadol night O lel7en ma gamaw
!!!!!!!!!!!!!
الرسول صلى الله عليه وسلم يقول : (ان الله يحب اذا عمل احدكم عملا ان يتقنه)وربعنا ماشاءالله عليهم لا اتقان ولا عمل اساسا
بس حق التفلسف زاهبين ، ما سمعت المقوله الشهيره في الكويت إلي تقول :
"هذي الكويت وصل على النبي "
للأسف يابودلال
هذا واقع وحال المواقع العربية...
تكون في مبادرة بخلق موقع... لكن لا توجد خطط لتطوير الموقع وتحديثه
الله المستعان
منو يدش موقع الجامعة ؟ غير مسؤول الموقع ؟
هذا إذا كان في مسؤول موقع
:/
hehe
هذا شيء من لا شيء ...
شكله لا خير يرجى من الجامعه ..
ما عليه نشوفكم ان شاء الله بالشداديه ..
تعتبر الجامعات بالدول المتقدمه مركز ثقافي مهم جدا كما هو الحال بالكويت
ولكن الفرق يكمن بالاهتمام بأدق التفاصل بالنسبه لهم اما نحن فعلى الدنيا السلام
توفع اللا متوقع ياخالد
ابتسم فأنت بالكويت :P
في طور محو الأمية الإلكترونية لعلنا
:/
barrak
^_^ chethe :P ?
واسعة الآفاق
الله المستعان .. المشكلة .. غياب المسئولية
3ebar
ههههه ... شفتي شلون .. الله يزيدهم شغل !
qesat 5ayal
ماكو احساس بالمسئولية .. و لا في أحد مهتم !
smile
walla yemken :P
dalal
صدقيني لو الكل ماخذ بهالحديث و حاطه جدام عيونه و مستشعر أجره .. والله تنحل جميع مشاكلنا في هالديرة !
عـــــاشة
نعم .. متأكد أن الحال مكن بعضه .. ليس حكرا على الكويت فحسب .. بل بالعالم العربي بأسره
الحارث بن همام
هههههه .. صاج والله
shather
سلمي لي على الشدادية لشفتيها
:P
Heba
أنا يشدني في المواقع التصميم الفني الرائع .. و بعدين أشوف المحتوى ..
لكن موقع جامعتنا .. لا تصميم و لا محتوى !
^_^ .. تشنج حلجي و أنا أبتسم !!
باغي الشهادة
فعلا .. ما تشوف ألزموا المدرسين بالـ
ICDL !!!
سلامتك من التكرفس
:)
المفروض يتجدد الموقع مو يكون قيد النسيان لان الطالب وخصوصا المستجد محتاج للاطلاع على موقع الجامعه والدليل ادراسي
دشيت على كليتي
ولا التخصصات القديمة
والعميد المساعد تغير مرتين
والمجرشيد القديم
لو يسكرون الموقع احسن
اهو سوء المتابعه .. اظن باننا نعاني من مشكلة عدم متابعه او صيانه في هذه الدوله من جميع النواحي .. فنجد عند استحداث اي شيء جديد يكون حلو و ممتاز و لكن بعد مرور بضع سنين لا نجد صيانة للمباني او مراكز الخدمات او تطوير معلومات مثل ما تفضلت و هلم جر ..
ما نقول الا ذكر لعل الذكرى تنفع المؤمنين ؟!!
الثائر بركان
yemkin bas sawaw website thani :/
its so sad if its really true!!
we asawi comment ba3d...bas mali kelg :P
nevermind al badeleyaat :P
بس الغريب انها الهندسة ، يعني مو أي كليه ، ، تعرف شنو اهتمام الجامعات الغربية بمواقعها .
أنا أشوف التميز كله في كلية العلوم الادارية - التجارة سابقا
موقع جميل ومتجدد وفيه كل ما تريد ، الله يتمم علينا النعمه .
مواطن
فعلاً شغلة تغث...مادري متى الله بيتوب علينا ونستوعب إن الإعلام سلاح؟ وإن في القرن الواحد والعشرين الصفحات الألكترونية الرسمية للدولة هي واجهتها...فكرها...دليل حضارتها
but looking at the bright side...our websites couldnt describe the situation in kuwait any better...out-dated o 3albaraka!
بس السؤال الحين...شنو الحل لهالوضع المزري؟
عاااادي تعودناااااا
تخيل احنا بالتربية عندنا مواد مقررة اجبارية ناخذها من الاداب
المشكلة مو هني
المشكلة إن الآداب ما تعطي هالمواد لأنهم غيروا صحيفة تخرجهم وموادهم المقررة
وبالتالي احنا توهقنا
وكل ما كلمنا الآداب
قالوا كلموا التربية احنا بلغناهم بهالتغيير بس هم ما غيروا موادهم !
شرايك ؟
إنجازات ودي أبجي عليها لوول
شوف لو يوقفون طباعة الجدول الدراسي انا اذكر كانوا يطبعونه اللى لونه مليق اخضر
اي مليق اخضر خل يسمع بو سلمي
المفروض اصفر :p
المهم لو يقفون طباعته ويخلونه بس بالانترنت جان الكليات اضطرت انها تجدده دوريا
تحياتى لك ولهت على مدونتك ومقصر واعذرني يا بووليد
انا اقول خلنا ساكتين بس !
اذا كان السايت واجهة اي جهة او مؤسسة ..
فالظاهر يعكس الباطن !
الناس تتطور .. و جامعة الكويت بمكانها !!
الموقع حايشه سبات شتوي طويل
:/
ما كنت متوقعة انه موضوعك راح يصحي الجامعة ;p
توقعتها نايمة نومة اهل الكهف و ما راح تحس ;p
و هم ما توقعت انه تحديث مواقع الجامعة يحتاج الى قرار من العميد ;p
بعدد جريد آفاق اليوم كان في خبر بخصوص تحديث موقع العمادة و تذكرت موضوعك ;p
http://farm3.static.flickr.com/2041/1857808184_1a0fec86ec_o.jpg
;p
اصحَ يا نايم"
your blog ba3d yabeelah update
الحال واحد !
كل اللي اقدر اقوله
و الله عيب!
منتو قد الويب سايت
خففو علينا الزحمة
وحطو فائدة :p
عشان مايصير كغثاء السيل :/
يعطيك العافية استاذ خالد
بجد هذا واقعنا السوداوي اللي نعيش فيه
كلن بيوصل القمر
غير انه في ناس وصلت
واحنا للحين :(
وصلت هالشي حق مسؤول تحديث الصفحة بكليتنا الاسبوع اللي طاف ووعدني يحدثها :)
يعطيك العااافية
الله
الله
ليييييش
بعدين اتوقع ان فى جهه مسئوله عن التحديث والتجديد
وينها فييييه
اخاف ما عندهم فلوس
:pP
والله يا كويت سن هذى الكويت صل على النبى
بوغازي
الله يسلمك
:P
shaima'a Alkandari
علشان جذي نبهت على الموضوع .. اللي يحتاج هذي المعلومات أول شي هو الطالب المستجد
najmah
لا مو لي هالدرجة يسكرونه .. على الأقل يهتمون فيه !
بركان
لو كان قطاع خاص .. جان صاحب العمل يهمه شغله و سمعته .. لكن مال الحكومة مال بلاش .. محد يهتم !!
ghasheema
3adi 3adi ,, em6aweflech badleyat lee hnee !!
moowa6en
أنا أعتب على الكليات العلمية .. كونها هي الواجهة الأساسية للتكنولوجيا و التعليم العملي .. يعني المفروض هم شايلين روحهم بروحهم و لا ينطرون أحد يتطنز عليهم أو يذكرهم !!
فعلا أدهشتني بعض الكليات .. مثل كلية العلوم الإدارية .. موقعها متجدد ..
ezain_kilah
أنا أقولج شنو الحل .. و برأيي الحل بسيط ...
يوظفون
Web Developer ..
يكون شغلته موقع الجامعة فقط !!
shahad
انجاز يبجي !!!
mishari
إي والله الأخضر حده ملييييييييييييييييق !!
:P
ولهت عليك العافية و حياك الله ..
و اقتراحك مضبوط .. خلاص ورق ما له داعي الحين !!
qiyadiya
فعلا .. كلام مضبوط ..
إلى متى يكون العمل عشوائي و على البركة و بدون تخطيط !!
aldenya
قعديه من النوم
:P
qiyadiya
حاضرين
:P
أتمنى يكون هذا التفاعل نتاجه الاطلاع على ما يدور في المدونات و تدارك الأخطاء ..
شكرا لك على المتابعة :)
ghasheema
إي والله .. ما لي خلق المدونات هالأيام !!
:P
روح
كلام سليم .. اللي مو قد افتتاح موقع رسمي و يجابله .. لا يفتح الموقع من الأساس !!
حياج الله أختي :)
Najmah
مشكورة على التفاعل الطيب ..
الله عطيج العافية :)
charisma
اللهم صلي على محمد و آل محمد
:P
شنسوي بعد .. هذي ديرتنا
تحديث المواقع ؟
ليش شايل همهم
اذا اهمه مناهجهم لم تتغير منذ سنة الطواعين و عقلياتهم مازالت نفس النمط المعهود متحجرة و تعاند و تعايي كلشي
لاتشيل هم ياخوك و انت دائما خلك سبق نحو كل جديد و حديث :)
هيهيهي احراااج
فتحت موقع لمؤسسة خالي
نفس الشي كومينغ سووون
بعدين كليك تو فيسيت اولد ويب سايت
اخر انتري بنوفمبر 2006 :(
عادي ريح اعصابك الترقيعه موجودة
ماكو ميزانية عند عمادتنا
ميزانية باااح
اذا مامشت هالترقيعه
هذي ترقيعه غيرها
شنو نسوي اللجان والميزانيات كلها مشغولة مبنى الشدادية الجديد
والله العظيييييييييييييم صحينا
لا يعني قصدي لاحياة لمن تنادي
فنطالب وبشدة التكرم من حضرتكم بكتابة بوست يديد
وشكراً
عتيج الصوف
كلامك صحيح .. المناهج لم تتغير منذ مبطي !
لكن الأسهل من تغيير المناهج هو متابعة محتوى موقع ..
بس الظاهر ان ماكو فايدة !
روح
كلميه .. و خليه يقرأ الموضوع
:P
talal
في أعذار ما تخلص ..و ترقيعات كل وحدة أقوى من الثانية ..
أهم شي شلون جامعة الشدادية!!؟
:P
relaaax
زين زين .. لا تزفين
:P
أخر مرة دشيت موقع كليتي (الحقوق) كانوا كاتبين عالهامش
نهنئكم بالعام الدراسي الجديد 2005/2006
و انا داشة شهر 9 يعني قبل شهرين
صباح الخير بالليل!
المفروض حاطين الموقع حق اللي يبي يستفيد منه شي بس ماشوف منه فايدة
شكرا لأنك كتبت "اصحَ" وليس "اصحى" :)
أهم شي عندي اللغة ..
لا تحاتين .. ملاحظتي قوية و لله الحمد و أحب القواعد ..
و البدليات تقض مضجعي !!
أولا
أشكرك على الرابط لمقالي
ثانيا
وبعد سبات طويل سببه السفر والانشغال في العمل
ShutDown
أتعهد بمتابعة دروس النحو في مدونتي بإذن الله، والتزامك بقواعد اللغة العربية يمثل إضاءة في عالم المدونات العامية
ثالثا
نشوفك عن قريب
Q8Links
العفو .. الموضوع اللي كاتبه ممتاز فحبيت يطلعون عليه القراء :)
و الحمدلله على السلامة .. و ان شاء الله نشوفك قريبا :)
Post a Comment