Friday, August 01, 2008

يالله بينا نصلي إجُمعة هناك

النقل المباشر لصلاة الجمعة على القناة الأولى و الفضائية الكويتية شيئ طيب و لا يختلف عليه اثنان، لكن اللي مضايقني من زمااااان .. إن 90% من الموجودين من المقيمين .. و لا عزاء للمواطنين !
المشكلة متى دروا ؟ ومنو قال لهم ان النقل هالأسبوع راح يكون بهالمسجد !؟
اليوم قاعد أشوف المسجد اللي ناقلين منه الصلاة .. الصف الأول كله مقيمين !! يادوبك اتشوف ريال كويتي لابس غترة و عقال !!
المشكلة ان القناة فضائية .. و اللي يشوفها من برة الديرة يقول وين الكويتيين !!؟ أو بالأصح .. هذولا كويتيين !؟
المنطقة منطقة بيوت و قسايم .. شي أكيد أخوانا المقيمين مو ساكنين هني .. يايين من خيطان و الفروانية و غيرها ..
انا مو قاعد اتحلطم على صلاة المقيمين .. هم مسلمين حالنا حالهم .. لكن ليش ان الصلاة منقولة .. لازم الحبيب يروح المسجد هو و عياله و طوايفه علشان يطلع على الشاشة !!

ليش ما يصلون بالمسجد اللي يم عمارتهم !!؟

16 comments:

qesat_5ayal said...

لما كنت صغيرة كنت أحسب ان المسايد اللي ينقلونها عالهوا مسايد في المناطق اللي يسكنونها المقيمين

:)

DanDash said...

مو بس احنا شوف ابو ظبي ولا دبي متروس
مساكين يبون يونسون اهلهم

عــــــابره said...

الله يهدي جميع المسلمين على مايحب ويرضى

وصلاه الجمعه تبث بالقلب شعور بالراحه

J o u j a™ said...

LOL
the tittle made me laugh real loud ;p
where did u get that idea from , bd3t mashallah 3laik ;p

and i second qesat 5ayal bs ana lel7een 3bali ina kela eb mana6eq muqmeen till now ;p

Kuw_Son said...

qesat 5ayal

و الحين عرفتي؟
:P

dandash

الحال من بعضه !؟

الله المستعان

عابرة

فعلا .. بس تصرفهم ما ينبلع !

Kuw_Son said...

Jouja

بعد هذا الصج .. أغلب اللي يروحون هناك مصاروة

هااا .. الحين عرفتوا ان المسجد في منطقة سكنية؟

QiYaDiYa said...

والله صح كلامك !!
و انا اسأل نفس هالسؤال !!

ليش ما يصلون بالمسيد الي يمهم !!

انا احاتي رمضان والله !!
يعني صلاة التراويح ما يصير تصليها الا ورا العفاسي و الكندري ولا ما تصير صلاة !!

احنا الي بمنطقتنا صرنا ما نروح منهم !

احنا اكيد ما نترفع عن اي احد ..
لكن اهو بشكل عام ..
بيتك بآخر الدنيا ..
شماااله طاق درب انت و العايلة الكريمة !!

اذكر عندنا دكتور يقول ان بتونس قبل لا يدخلون الصلاة يشوفون اهم اي منطقة ..
ما يصير يروح يصلي بمسيد مو تابع منطقتهم !! ;p

طبعا اهم هدفهم شي ثاني من اتباع هذا الاسلوب ..

Kuw Son said...

Qiyadiya

ماكو إلا يسوون التفتيش على الهويات في رمضان .. يالله ينفع معاهم .. و جذي تخف الزحمة و يقل الضغط نهائيا على المسجد الكبير ..

المشكلة في الاعتقاد ان الصلاة في المسجد الكبير تعدل الصلاة في الحرم أو فيها حسنات زيادة !!

صج أنا خايف من أن يصير عند الناس هالاعتقاد !!

Unknown said...

elmushkela ena hatha ebqanat fatah2eya ow kel el3alam eshofooon sheno begoloon ! shabab elkuwait maysalooon wainhum laish kela moqemen ! ;p

ow 3ala salfat eltarawee7 ow eljyaaam sij sij eqethooony ely e3anoooon 3ashan esalon belmasyad elkabeer ow etha ma saratlehum ro7a mayro7oon !! ya3ny ya asaly ehnak wela ma asaly !
ok sij elsalat wara el3fasy or elkandery 7elwa ow laha lethat'haa bs mo lai haldarajaa 3ad ! =/

QiYaDiYa said...

جان زيين المسجد الكبير ..
انا اقصد مسجد الراشد بالعديلية ;p

ما تتخيل الهوايل الي تصير فيه !!


بسنا تحلطم بسنا ;p ;p

Eng_Q8 said...

انا مو باط جبدي الا لما يروحون مسيد الضاحيه

Kuw_Son said...

Hanan

ماكو فايدة .. هالشي من سنين .. بس محد تكلم !
و في ناس يمصخونها مثل ما قلتي .. الصلاة في المسجد الكبير و بس !!
المشكلة زحمة .. وين الخشووع في الصلاة !!

Qiydiya

الراشد أو المسجد الكبير .. دام العفاسي يصلي فيهم أخاف يعتقدون ان الصلاة وراه بركة و لها حسنات أكثر .. في ناس نفوسها مريضة .. قد يعتقد من غير قصد !!


eng_q8

الوضع هذا ينطبق على جميع مساجد الكويت .. خلك في مسجدك أحسن لك و أبرك :)

charisma said...

:))

صاااج والله

والله نفس الى اقوله لما افتح التلفزيون بسمع الخطبه
ما اشوف الا اجانب وقليل من الكويتيين
بس مو دايما هالوضع
يعنى تلاقى كويتيين

;P

. . . ساخر كويتي said...

الخبر عندي وانا بوهندي ==> من وين طالع انت قدييييييم

الخبر اليقين هو ان اللي يشتغلون خلف كواليس في التحضير لصلاة الجمعة ( الكاميرا مان ،، مهندس الصوت ،،، حامل الكاميرا ،،، راعي سيارة النقل .... ووو الخ )

كلهم من جناسي غير كويتية
ويبلغون ربعهم عن مكان النقل لكل اسبوع


يعني انا سنة من السنين صار النقل يم بيتنا فشفت الاشكال الغريبة تغزو مسيد منطقتنا ( لأني اعرف سكان منطقتنا مافيها هالاشكال الغريبة)
فحفظت بعض الويوه لأن الصلاة تكررت 3 اسابيع متتالية

ولما تم النقل من مسجد ثاني يبعد عن منطقتنا مسافة كبيرة جداااااااااا جدا

لقيت ان هذه الوجوه موجودة هناك !!!!!!!

هذا اللغز وحليته لكم
بقى اللغز الثاني وهو ليش مرتزين كل يمعة ويتعنون لهذه المساجد

الجواب سهل
لأن يعتبر اتصال مباشر مع اهلهم خارج الكويت وببلالالالالالالالالالاش

فيطمنون عليهم ويعرفون انهم مواظبين على صلاة يوم الجمعة هههههههههه

تحياتي ولد الكويت
واسف على حضوري متاخرا

glomhilda said...

ليش كله عالمقيمين!!

ما ممكن الخطأ يكون من المواطنين نفسهم وانهم ما يروحون المسجد؟؟

Kuw_Son said...

charisma

أكيد نلاقي ..بس مو بكثر المقيمين ما شاء الله عليهم !
و هم نعتب على بعض الناس .. ما يحضرون الجمعة أو يحضرون متأخر مع إقامة الصلاة !!

ساخر كويتي

شكرا للتوضيح .. و أنا أقول السالفة فيها شي !
لأن الإعلان في الجرايد عن المسجد المنقول وقفوه من زمان و ما قمت أشوفه ..

glomhilda

يجوز .. التقصير يمكن يكون من المواطنين
حياج الله :)