كثيرا ما نسمع الأسئلة التالية
" فلان تعرف أحد في المكان الفلاني؟"
أو
" فلان تمون على أحد في المكان الفلاني؟"
أو
" فلان عندك واسطة في المكان الفلاني؟"
طبعا بالإشارة إلى المكان الفلاني، أقصد وزارة من الوزارت أو أحد المؤسسات الحكومية أو حتى في القطاع الخاص في بعض الأحيان نحتاج نسأل هالسؤال .. وكل شي للحين معقول و مألوف .. حلو؟
زين سمعوا هالسؤال من أحد الموظفين في الدوام معاي:
الموظف: خالد .. عندك واسطة في مسلخ الشويخ؟
خالد: نعم !! مسلخ الشويخ!!؟
الموظف: أيوة مسلخ الشويخ، حندبح تور في العيد
خالد: حسبي الله و نعم الوكيل !! حتى المسلخ صار في واسطاااااااات !!؟ لا والله ما أفيدك !
و كان مدير مشروع هندي قاعد معانا .. سمع الحوار جان يسأل شسالفة ؟
رد عليه صاحبنا الموظف
we need wasta
رد الهندي
we all need wasta in Kuwait !
و طلع الموظف موبايله و قال لي شوف التور .. 500 كلج .. طبعا خالد طرت له فكرة و شاف له خوش موضوع للمدونة .. على طول قلت له الحين تدزه لي على موبايلي - طبعا من غير لا اقول له ان موضوعك بيصير خوش مادة لموضوع في مدونتي -
فيديو تور العيد في الأسفل ..
wait for loading ;)
" فلان تعرف أحد في المكان الفلاني؟"
أو
" فلان تمون على أحد في المكان الفلاني؟"
أو
" فلان عندك واسطة في المكان الفلاني؟"
طبعا بالإشارة إلى المكان الفلاني، أقصد وزارة من الوزارت أو أحد المؤسسات الحكومية أو حتى في القطاع الخاص في بعض الأحيان نحتاج نسأل هالسؤال .. وكل شي للحين معقول و مألوف .. حلو؟
زين سمعوا هالسؤال من أحد الموظفين في الدوام معاي:
الموظف: خالد .. عندك واسطة في مسلخ الشويخ؟
خالد: نعم !! مسلخ الشويخ!!؟
الموظف: أيوة مسلخ الشويخ، حندبح تور في العيد
خالد: حسبي الله و نعم الوكيل !! حتى المسلخ صار في واسطاااااااات !!؟ لا والله ما أفيدك !
و كان مدير مشروع هندي قاعد معانا .. سمع الحوار جان يسأل شسالفة ؟
رد عليه صاحبنا الموظف
we need wasta
رد الهندي
we all need wasta in Kuwait !
و طلع الموظف موبايله و قال لي شوف التور .. 500 كلج .. طبعا خالد طرت له فكرة و شاف له خوش موضوع للمدونة .. على طول قلت له الحين تدزه لي على موبايلي - طبعا من غير لا اقول له ان موضوعك بيصير خوش مادة لموضوع في مدونتي -
فيديو تور العيد في الأسفل ..
wait for loading ;)
24 comments:
Laughed my head off on "mashlakh ilshwaikh" hehehe
Yes! this is Kuwait and YOU are Kuwait's SON. You should know all the ins, outs, bits, secrets and all about your "Parent", eh??
ilmafrooth inta illee 3arif everything and knows the key to SOLVE everything ;)
Ma gool illaa Allah Kareem!
بالعافية
ألحين أنا مو فاهم شغله..
ليش يبي واسطه؟
يعني المسلخ عادة ما يذبحون ثيران؟
مره واحد من اشترك بمعهد صحي لتخفيف الوزن
وبعدين دور له واسطة وضبط المدرب عشان ما يداوم
هذا حالنا
في المسلخ
قوله اعرف خروف راح ينذبح جان يلحق عليه قبل ما يذبحونه
ولا عزاء للثيران
والله المستعان
يعتمد اهو باي دائرة علشان نكلم له احد
و الله يالسمي
حتى على شهادة ميلاد الولد ابي واسطه
بس اشوى لقيت اربعه من زملاء الدراسة قبل
و خذيتها ثاني يوم
في شي وايد معكنن علي سالفة الردة
اني احتاج اسوي جم ورقة بالوزارات
عندك واسطة؟
:P
عيدك مبارك اخوي خالد :)
من صجه بيضحي بثور؟
يا ليته يضحي ببعض الناس اللي اشتغلت معاهم فترات بالدوام، اثور من هالثور
الثور ياكلونه!!؟
عمري ما سمعت عن مجبوس ثور و لا ستيك ثور
اسمع هالقصة عيل :-
واحد اعرف ياله ولد .. وراح يطلعله شهادة ميلاد .. راح ذاك اليوم ولا الطابور موصج !!! ... باختصار يبيله ساعتين وفوق عشان ايله الدور !!
فكر صاحبنا .. جان يشوف ذاك الهندي الي يشتغل هناك .. ناداه وقاله " شوف محمد انا في معاملة .. انت خلص بسرعة في فايده واجد حق انت " ..
فكر الهندي .. قاله خلاص بابا .. شوي بس ..
راح صاحبنا الهندي وضبط علاقاته ..
شوي جان يطلع الموظف ويقول حق صاحبنا " يالاخو .. حياك " ..!!!
قاله : " انت الي ياي من طرف فلان ...؟ :) ( يقصد الهندي)
قاله : اي !!
قاله : خلاص عطه اوراقك !!! .. يقول جان اعطي الهندي الاوراق وافهمه واقوله اسم ولدي عشان يخلص معاملتي !!
ربع ساعة .. جان يناديه الموظف ..
قاله : تفضل اخوي معاملتك خالصة !!
يقول صاحبنا عطيت الهندي دينارين ومشيت ..
بالطلعة شاف صاحبنا من ربعه ولا مسكين ياي قبله وليلحين ماوصله الدور ..
قاله : يامعود اذا عندك واسطة وص علينا صارلنا ساعة مايالنا الدور ..!!
قاله : شفت الهندي هذا .. روحله وقوله " شوف محمد انا في معاملة .. انت خلص بسرعة في واجد فايدة حق انت " !!!!!!!
( وعلى الدنيا السلام ... عمار ياكويت !! )
والله ان السالفة صج !!! .. مت من الضحك لمن سمعتها !!
( هندي واسطة كويتي )
هذا الي كان ناقصنا بعد !!
كاااااااااااااك :)
مو صج :/..
بس لما قعدت أفكر بأهمية الواسطة..
أن لما شفت إختي قبل جم سنة متخرجة بمعدل عالي ماشاء الله.. وظفوها بمكان محترم الحمدلله بس لما شافت الناس اللي توظفت معاها انصدمت (ناس ماكانوا كفء هالمكان خصوصا إنها كانت تعرفهم بالكلية) والسبّة الواسطة..
فهذي من أكثر الأسباب اللي شجعتني إني أشد حيلي بالدراسة:)
(والعكس صحيح)
الله يقطع بليسك علي تور
ساعتين افجج فيها
واسطه حق الثور يبون؟
انت كاتب من قبل شي عن مسلخ شويخ؟ احس قاريه بوست فيه مسلخ شويخ !!! و الوقت يعيد نفسه !
اذا لا عيل بالحياه السابقه
يماا يخرع
ليييش ثوووووووووور
:/
وهذى الكويت صل الى النبى
شبقى ما دشت الواسطه فيه
وصباحك فل
Bluetiful Nostalgia
Being Kuwait's son is not necessary stating that I should know everything in Kuwait !
I'm not super man :P
you know more than me .. older a day has 1 yr more experience :P
ma6goog
مو أنا اللي راح آكل الثور !
Moayad
طال عمرك .. يبي واسطة علشان يوظف الثور مدير عام المسلخ
:P
لا لا .. يبي الواسطة علشان يذبح الثور بسرعة من غير انتظار لأنه كبير و وزنه 500 كلج
و ترى احنا في الكويت .. يعني المعروف ان الناس يايبة خرفانها معاها المسلخ مو ثيران !
أبو لطيف
هههااااي .. حلوة :)
الظاهر يبي يوظف الثور مشرف على ذبح الخرفان
:P
Enter-Q8
أظن صاحبه ساكن بالفروانية
:P
تصدق هذي غريبة سالفة الواسطات في شهادات الميلاد !!
شوف رد أحد المدونين فوق !
athoob
ان شاء الله .. إذا وظفت الثور في السلخ .. اتوسط لج بعده
:P
عساج من عواده طال عمرج :)
ثوور؟؟
انا خابرة خرفان
بقر
بس ثيران!!
انزين وصج عاد يحتاج واسطه؟؟
حسام بن ضرار
عادة المصاروة بعد شفيها يعني !؟
هو بديرته يضحي ببقرة أو ثور
هو صحيح ان بعض الناس في الدوام معاك ودك تضحي فيه .. بس عاد صف دور في المسلخ أو شوف لك واسطة يزرقونك
:P
Fashionista
ماكو بديرتنا .. ولا راح تسمعين عن هالسوالف
:P
بس الأضحية قد تكون بقرة أو ثور أو بعير ما فيها شي
q8_el5air
عجبا !
والله واصل هالهندي !
مستعدة
شدي حيلج بس ..
والله يوفقج :)
Cr8ivia
تار يتور فهو تووووورُ !!
سهلة .. ما يبلها شي
:P
القاموس المحيط
ما أذكر والله اني كاتب شي عن مسلخ الشويخ .. أذكر كتبت عن شبرة الخضار في الشويخ
;)
Charisma
صباح النور :)
شنو ليش ثور ؟
:P
بعد صار ثور .. الله خلقه جذي
:P
الزين
اي ثور .. شفيكم يا جماعة .. يصير يضحون بثور أو خروف أو بعير أو ماعز !
بعد صار ثور .. شنسوي .. الراجل عاوز يدبح توووور !
:P
والله الظاهر الأمور مكلكعة هناك شوية .. علشان جذي يبون واسطة
أبشركم يا جماعة ..
سألت صاحبنا قبل شوي .. لقيت واسطة في المسلخ؟
قال اي لقيت !
سالته .. ليش تحتاجها ؟ ممكن تفهمني؟
قال المسلخ ما يذبح الثيران إلا في ثاني أو ثالث يوم ..
و أول يوم للخرفان اللي ذبحهم و سلخهم ما ياخذ وقت مثل الثور !
المسلخ ياخذ ثمن رمزي على ذبح الخروف وهو دينارين بينما ذبح الثور 30 دينار !!
و ياخذ منهم وقت و جهد لأنه حجمه ضعفي إلى 3 أضعاف الخروف ..
Khalid... Ahhaaaaaaaaa... well you have a point!! and I'm older than you waaaayid!! fa ana afham minnik waaaaaaayid...
Thanks for the clarification :P
اهو الـظاهر يبي الثور علشان يسوي
Buffalo Wings
http://www.buffalossouthwestcafe.com/wings.html
:p
بعدين عادي..
قبل كانوا يغنون و يقولون:
تاجر العيد نذبح بقره
نادو مسعود كبير الخنفره
و طبعا تقدر تستبدل مسعود بأي أسم ثاني على نفس الوزن :)
تاجر = باجر
حلاته سيده يذبحون الخروف ويطبخونه حق غدا العيد
عاد ياحب الرياييل حق الذبايح
التور ده لحمو زي الجاموس جنه مو اكيد
مؤيد ضحكتني والله
شخباري هالاغنية تذكرني يوم كنت بالروضة
وبعدين كنا نقول بوسعود مو مسعود
Bluetiful Nostalgia
u r very welcome :)
Moayad
هههههههه .. حسبي الله على ابليسك :)
دير بالك من البدليات
:P
Bent Bond
اي نعم .. ينذبح مني و ينوكل مناك .. ما يدش الفريزر كلش
:)
حياج الله
Post a Comment