اليوم يا جماعة الخير عندي لكم شغلة حلوة .. تغنيكم عن الدخول من بلوق إلى بلوق علشان تشوف فلان نزل موضوع يديد ولا لأ
إذا سمعتوا بالـ
RSS
فهذا الموضوع اللي راح أتكلم عنه يعتبر من أنواعه بس تابع لشركة جووجل ..
أول شي لازم يكون عندك
Account on google " means Gmail account"
و الباقي كله سهل ان شاء الله
check this page .. google reader
after log in .. you will have this screen .. the home page
راح تشوفون علامة عند الموضوع اليديد .. باقي البلوقز ماكو يمهم أي رقم أو أي شي
معناه هذا البلوق ما عنده شي يديد ..
ضغطة على اسم البلوق راح توديكم إلى الموضوع على
Google reader page
ما يحتاج تدش البلوق إلا لبغيت تعلق .. اضغط على اسم الموضوع اللي قاعد تقراه و راح يقطك على الموضوع على طول .. و تعرفون بعدين خطوات التعليق المعتادة
و لإضافة بلوق جديد .. اتبع خطوات الصورة التالية:
يوم أضفت البلوق مالي كمثال .. تدرون شنو صار !!؟؟
لقيت انه فيه 7 مواضيع يديدة !!؟؟
أنا توني ماسح البلوق كله من عرجه !! و توني حاط موضوعين بعد المسحة !!
شلون صاروا 7 مواضيع !!؟
ضغطت على اسم البلوق مالي في الـ
Google reader
ولا كل مواضيعي الممسوحة من أول ما بديت أدون موجودة !!؟
منين يابهم ما أدري !!؟
الحمدلله الجهد كله ماراح .. نسخت كل شي على جهازي ..
بس اللي صج يحز في خاطري كل التعليقات من أخواني و خواتي المدونين و المدونات راحوا !!
طبعا مواضيعي اللي انمسحت أكثر من 7 .. بس البرنامج كتب 7 ولا لو تشوفون الـ
scroll bar
اللي على اليمين .. تلاحظون انه صغير جدا !! بدليل ان هناك مواضيع واااايد !!
راح أنزل آخر موضوع كتبته قبل المسحة ان شاء الله بعد هالبوست ..
و راح تلاحظون كل ما تضيفون بلوق يديد .. العداد مال المواضيع اليدية يزيد .. راح يعتبرهم كلهم مواضيع لم تتم قراءتهم ..
فتحتاجون لأول مرة بعد الإضافة انكم تسوون هالشي
و بعدين راح يسوي لوود و تصفر العداد من أول علشان تتابع المواضيع اليدية لحظة نزولها
و إذا تبي تصفر عداد بلوق معين .. روح على البلوق نفسه و طبق نفس الخطوات.
عاد مع العباثة شوي راح تعرفون شلون كنتوا مضيعين وقت في الدخول على بلوق بلوق !!
و ان شاء الله أكون وصلت معلومة مفيدة للجميع
و إذا في أي سؤال أنا حاضر
48 comments:
شي جميل ..!؟
وكل مره اشوف هالبرتقالي مافكرت مجرد تفكير اني اشوف اشفيه !؟
:)
شكراً أخوي عسى الله ييسر عليك كل صعب
aha ehni alqamanda
and I thought some people are addicted to blogging and do nothinga all day but check for new updates
6ala3t sij ghasheema :D
اهم شى بالموضوع انى طالعه بالشرح
بوست طوارىء مبارك طالع
ههههههههه
اصدق ما ادرى بس تعودت ادش بلوق بلوق
احس جنى مسيره عليكم
:)))
مشكور على هالمعلومات القيمه
واشوه انك لقيت بوستاتك وما ضاعو عليك وناسه
:)
قواك الله ياخالد على هالموضوع لأنه جد مفيد وكنت أحتاجه :)
خلاص إنشاءالله بسوي نفس خطواتك :)
ومبروك لقيت كل إلي إنمسح بالبلوقر مالك :)
لحظه لحظه زيييييييين في احد فتح هالسالفه
شسالفه القمل
سوري انا اسميها القمل ...اللي يطلع بالراس
شلون اسوي
gmail
علشان ضروري اسوي هالسالفه لأن عندي ناس اذا طوفت كتاباتهم اتضايق والله
عفارم عليك ...قواك الله
looks interesting, thanks.
شكله السالفه حلوه
ومعلومه حلوه
راح اسوي انشاءالله
واشوف اذا كانت مفيده
لا تتحسف المواضيع اللى طافت انشاءالله
الله راح يعوضك خير
انزين انا عندي طلب
ليش ما تكتب موضوع عن موهبتك؟؟؟ الثانيه غير التصور
ولا مره كتب عن هل شى
relaaax:
لأ الحين فكري و فيه و طبقي الخطوات .. لأنها تستحق التطبيق
و عسى الله ييسر عليج أيضا .. شكرا أختي الكريمة :)
ghasheema
توج تدرين انج غشيمة !؟
:P
charisma
حاضرووون يا كاريزما
و خلاص راحت أيام التسير على بلوق بلوق كل مرة .. ما يحتاج إضاعة وقت
google reader
بيحل كل مشاكلج و يقضي على إضاعة الوقت و يرجع لج شبابج
:P
جربيه و مش حتخسري أي حاجة
:P
Dana ..
الله يقويج .. و جربيه نصيحة ..
و أدري حدي مستانس ان المواضيع كلها ردت بس بدون تعليقات حسافة !!
3ateeja
ويع .. شنو قمل الله يقطع ابليسج !!
إسمه Gmaaaiiil walla Gmaaaaiiiil
انتي طبقي الخطوات و راح يسئلج عندج حساب على قووقل ولا لأ ..
if not which is the case .. create a new account .. thats it :)
و الله يقويج:)
Parallax .. yes it is .. your visit is appreciated :)
san3a w laken :)
لا لا تشوفين إذا مفيدة أو لأ .. أنا عطيتج الزبدة وخلاص .. إهي مفيدو و جربيها و ادعيلي
و طلبج على العين و الراس لكن لو كان عندي موهبة ثانية غير التصوير جان تكلمت عنها ..
و مرورج أسعدني :)
من مدة وأنا أقول بوستي الياي إن شاء الله بيكون عن الجوجل ريدر
:P
بس ما فضيت أكتب
الخدمة حلوة استخدمتها جم يوم وبعدين نسيتها لول
أحب أتفرفر في المواقع بطريقة وين أذنك يا جحا
:P
tnateef.net
راحت عليج
:P
و تفرفري على راحتج محد ماسكج .. النت كبير و اخذي راحتج
:)
إي والله فدتنا .. قواك الله ..
و يزاك الله خيــــــــــر
:)
زين بسوي بس لا تزف ترى ابجي ....:(
شكرا لك اخوي على هالشرح المفيد و المختصر ..
بس في شغله صغيرة ..
انه ما يحتاج وجود Gmail account
الي يستخدمون New Blogger
عندهم gooogle account
ما يحتاجون عمل Gmail
لاحظ اذا كنت داش على البلوقر ادخل قوقل راح تلاقي ايميلك فوق و انك مسجل ..
شكرا لك مرة ثانية و الله يعطيك العافية =)
انا أول وحده عللقت على الموضوع لما نزلته امس من فرحتي .. وكتبت تعبير شطوله .. وعللق الجهاز !!قبل ماأنزل التعليق للاسف..
لكن أبيت الا ان أعلق
لأن هذا ثالث بلوق لي والبلوقيين الاوليين انمسحوا بسبة التعبث
بس صج جزاك الله خير .. عسى الله يسرك دنيا وآخره قول آمين
breeze
الله يقويج و يجزيج مثله :)
3ateeja
ان شاء الله :)
qiyadiya
كلامج صحيح .. أنا قلت
Google account or Gmail
والله يعافيج و حياج الله
b9mah
شكرا لك على الإصرار لكتابة التعليق
و جزاج الله خير .. دعائج أفرحني ...
آمييييييين :)
hmmm .. very interesting ..
i'll try it en shallaah ..
---
Are u el.Munshed himself ?
ma 3laaaih tawnee ashoof his pic. w gelt chenaa entaa ;Pp
if yes .. fa iam a big fan ..
the one about Kids in WAr etbacheeny .. :(
اذا عندك فايرفوكس أو سفاري (حق الماك) ما تحتاج حق الجوجل ريدر أصلا لأنك تقدر تشترك بالأر أس أس من المتصفح نفسه
يعني تقدر تجيك على المواضيع الجديدة بالمدونات من قائمة الفيفورتس نفسها
:)
يعني مؤيد قاعد يقوووول
اترك عنك الويندوز
و خذلك ماك :p
a7la eng
try it .. inshalla u will find it good :)
and about almunshid .. mmm yqooloon :P
w I know this is a wanderful nasheeda .. I like it also :)
Moayad
wallaa ma 5allaw shay el Mac :)
Athoob .. 7adda qa3ed yqe6 na'3zat :P
walla ma adree .. if I decide to buy one .. it will be just for photo editing :)
عسى الله يسهل عليك دنيا واخرة قولوا امين
اي والله كانت حوستنا حوسة واحنا انطامر من بلوق لي بلوق
وماشالله الخطوات سهلة وطبقتها بكل سهولة واول بلوق حطيته اهو بلوكك
يعطيك العافية :)
الله يعافيك
ماقصرت عسى عمرك طويل
@@ @@ @@ @@@@@@@@@ !!!!!
حدي حدي في حالة صدمة .. لووول
تذكر أول ما دشيت بلوقك و شفت صورتك و قلتلك شكلك واحد من المنشدين .. ما جاوبتني و من مواضيعك إكتشفت إن تمتلك الصوت
وأنا من عشاق الأناشيد .. فتوني زرت إحدى المواقع الخاصة بالأناشيد و شفت صورتك @@
ماشاء الله عليييييييييي
والله أنا احساسي ما يخيب !!!
أبيـــــــه اشدراني !!! سبحان الله .. صج ليه قالو أعرف الشخص من شكله .. لوووول مو بس جذي من الشكل اعرف ساعات شغله شنو ..
جم مرة أشوف شخص و اقول هذا شكله محامي و يطلع صج !!
@@
لوووول
كفو بوليد كفو..
بس انت تدري هم فيه بلوق اجريتير مال صفاة الكويت هم هذا تلقى فيه كل المواضيع اليديده اللي انزلت
شنو يفرق مال قوقل عن هذا؟؟
chatterbox
آمين و الله يعافيج أختي .. أسعدتني بمرورج و إضافة بلوقي أول واحد
سالفة قلب
الله يسلمج و عسى الله يطول في عمرج
breeze ;)
Krakatoa
والله يا ولد عمي ما أدري .. بس اللي أعرفه ان هذا وايد وفر علي وقت بشكل عجيب
الله يعطيك العافية :)
يعطيك العافيه يا خالد
فعلا وفرت علينا الوقت والجهد
بالعربي الفصيح انقثتنا : )
قواك الله يا خالد :"))
Heba
حاضرين .. ما سوينا شي .. خدمة موجودة و حبيت أوصلها لكم :)
قواك الله اخوي خالد
والخدمه فعلا تستحق انك توصلها للجميع للاستفاده..توني جربتها
الله يعطيك العافيه
وننتظر زيارتك
nice nice
اول شي خطاك السو
شلون مسحت بلوقك بالغلط؟؟؟
يالله خيره
بالنسبه لل
RSS
حلو .. بس بعد الحين اللي مركبه عنده يطلع عنده اخر ناس دشوا بلوقه بس لازم يكون عندهم
RSS
بعد مشتركين فيه يعني بعد
عدل؟
nice prog. ..
ra7 agrba oo enshalla y9er ;)
thnx for sharing ;)
الوفا طبعي
الله يعافيج سيدتي ..و حياج الله
cr8iva
والله بعد شنسوي .. مسحته بالغلط .. والله من العباثة .. إيدي تحكني
و مو شرط الآخرين يكون عندهم .. أهم شي انتي مشتركة في الخدمة ..
Red Lady .. Welcome sister
ياعيني شغل عدل توني قريت عن هالشي وما كنت اعرف اشلون اسويه ودشيت عندك ولقيت الحل...^___^
يعطيك العافيه...:)
q8ya
الله يعافيج .. و أشوة الحل عندي :)
تسلم على هالمعلومات
والموقع الحلو اللي يسهل علينا
وايد
خصوصا الفرارة بين البلوغات
:)
بس عندي مشكلة تكنولوجية إنسانية
إن العتوي العود ما يتعلم
لأن علاقتي بالتكنولوجيا
مثل علاقتي باللغة اليابانية
ودمتم بحب
kuw_son
اوكي انا مشتركه
بس شلون اشوف الريدرز؟
ما شوف في البلوق مالك
Recent readers?
مشكور جهد حلو
هذا وايد وايد اريح من
bloglines.com
ارتب و اوضح !
مشكور على المعلومة ياخوك
ٍsologa bologa
تله من إذنه و علمه عدل .. حيلك فيه .. هالأيام العتاوية ما ينفع معاهم إلا الطق هههه
:P
و حياك الله
cr8ivia
ما فهمتج !!
قصدج تبيت تعرفين منو آخر واحد قرأ البوست مالي !؟
إذا هذا سؤالج فما عندي إجابة لأنه الخدمة ما توريج منو آخر بلوقر دخل البوست !
اللي أعرفه ان هالخدمة توصل لج آخر موضوع كتب لبلوقر معين وبس :)
و إذا في أي سؤال ثاني أو إيضاح أنا حاضر
neo
تبي الصراحة أنا ما جربت
bloglines.com
والعفو يالحبيب .. حاضرين :)
من جد ،،
فكرة مرة حلوة
أصلاً من فترة كان على بالي
لو فيه شي مثل كذا
يريّح ويختصر الوقت
وأنت ماشاء الله عليك
ما قصّرت
وإي صح نسيت أقولك
الحمدلله على سلامة البلوق
أدري إنه بدري :)
* * *
وعندي إستفسار بسيط إذا سمحت
تذكر يوم قلتلك أبي أتعلم تصوير فوتوغرافي
أنا ناوية أتعلم من جد
وأبي أشري كاميرا ،، لها مواصفات؟
ولا آخذ على كيفي؟
سوري عالإطالة
بس ما أتوقع في أحد بيفيدني غيرك
unrelated shay ;p
bs bagolick enaa ana ma7eb elanashed wayed bs knt a7eb urs o malot abu3abdulmalik lawma ektshfthum chan 3omre ma7bait elanashed :)
o thanks 7ade mestfeda mn elgoogle reader! ilsb7 o ana mest3yela achaykkaa asra3:p
miami ..
حياج الله أختي .. و حاضرين .. ما سويت شي .. قلت ودي أفيد البلوقرز و الحمدللع أشوف التفاعل مع الموضوع جيد جدا ..
و بالنسبة للتصوير ..
أنا ما أقدر أقولج شنو المواصفات اللي انتي تحتاجينها !!
كل اللي فيها يعتمد على النظرة الفنية للمصور .. و ترى أقدر أقولج إخذي كاميرا كيت وكيت و بالمواصفات الفلانية اللي ماكو أقوى منها .. بس في النهاية .. المصور نفسه هو اللي يلتقط الصورة مو الكاميرا !!
إذا كنتي تحبين الصور العائلية .. إخذي كاميرا ديجيتال عادية
I mean compact digital camera ( a pocket camera )
أما إذا ودج بشي أكبر من جذي
Go for Canon 400D ..
راح تكلفج أكثر طبعا .. لكن هذي لمستوى بداية الاحتراف
و ضروري تدشين دورة مبتدئ لتعلم استخدام الوضع اليدوي في التصوير
Manula settings .. and avoid using the pre-set featurs:
-night mode
-portrait
-sport
-Landscape ... etc
و إذا في أي استفسار أنا حاضر بعد :)
utmost
مشكورة أختي على كلماتك الجميلة ..
و الحمدلله البوست آتى ثماره والكل مستفيد .. و حياج الله
عورت راسك ادري
بس في بعض البلوقات المشتركه في القوقل ريدر
حاطين اضافة في بلوقاتهم
Recent readers
بس شكله شي غير و انا عبالي الاثنين واحد
تسلم
cr8ivia
الله يسلمج لا شدعوة ..
بس والله ما أدري عن هذول البلوقرز اللي حاطين لنكات
recent readers !!
يعطيك العافيه وجزاك الله خير والله
جد جد استفدت منه ^_^
كنت قبل اتكيسل ادخل البلوجرز
لكن احين صاير شكله اكثر متعه =D
Fatma Qatar
نورتي البلوق أختي الفاضلة .. و جدا سررت لاستفادتج من الموضوع ..
حياج الله أختي الكريمة :)
سهل والله بسرعه سويته
^_^ مشكور
جنون إحساس
العفو و حياج الله
شوف آنا ضفت وسويت كل شي صح
يوم ييت بضيف , بعض الناس ماينضافون عندي
يطلع لي إن مايصير
عبالي ان عدد معين
يوم جربت أضيف نفسي صار
وايد بلوقات مايصير أضيفهم
هذي الصورة
http://www.m5zn.com/uploads/c4c7d3410e.jpg
جنون إحساس
صارت معاي عادي ..
جربي تسوين
Refresh
أو
Log out then log In again
يصير خطأ مرات .. بس ما في مشكلة ترا
Post a Comment